۱۰- اُن بلا

طارِه موسی و هارونَ بُو هُشدارِ وِردِ که فرعون سر سخت اُلار. موسی و هارون فرعون یانُونا گِدِلَر و دِدِلَر:« بُو پیام اسرائیل طارِسِنینِّر سَنینْ چَه: مَنِم قُومِمِه ویلِّد تا گِدَلَّر.» فرعون اُلّاری گَپِنِه اِینِنَه آلمادِ و بجای آزاد اِدیگِه اسرائیل قُومِ، اُلّارِمجبور اِدِ تا سخت تر از ایلَرتَر ایشْ گِرَلَّر.

فرعون همچنان از بُو که قُومِ اسرائیلِ آزاد اِدَ نافَرمانْلیگْ اِدیرْدِ.به بُو دلیل طارِه اُن بَلایِه وحشتناکِ مصرَ نازل اِدِ. اُ بَلالَر طَریقِنَّن، طارِه فرعونَ گِرسَدِ که اُنی گیجِه فرعونَّن و وارِ مِصری طارِلَرنَّن چُخ تَر دِر.

طارِه نیل چِیِنیْ سُویونِه قانا تبدیل اِدِ. آمّا فرعون همچنان اسرائیل قُومِنِه ویلِّدمَدِ.

طارِه وارِ مصر یِرِنِه قُورباغِدَن دُلُّردِ. فرعون موسی دَن سَدِ که قُورباغِلَرِ اُلّاری یِرِنَّن ایراقْ اِدَ. آمّا بعد بُو که قورباغِلَر اُرتادانْ گِدِلَر، فرعونی ایرَگِه سخت تر اُلِّه و اجازه وِرمَدِ اُلّار مِصردَن یازیّا چیخَلَّر.

اُنّا طارِه پَخشَلَر بَلاسِنِه یُولّادِ. فرعون موسی و هارونَ دِدِ که اگه بُو بَلایِه ایراقْ اِدَلَّر، اُلّارا اجازه وِرَر تا مصردَن گِدَلَّر. موسی دُعاسِنَّن سُورا، طارِه بُو بَلالَرِ ایراقْ اِدِ. آمّا فرعون اِز ایرَگِنِه سخت اِدِ و گَنَه اُلّارا اجازه وِرمَدِ مصردَن گِدَلَّر.

اُنّان سُورا، طارِه ایشی گِردِ تا وارِ حیوانلَریکِه مِصریلَرینْکیدِ مریض اُلالّار و اِلَلَّر. آمّا فرعون ایرَگِه سخت اُلمُوشِدِ و بُو دَفَدَ اُلّارا اجازیِه گِدیگْ وِرمَدِ.

طارِه مُوسایا دِدِ تا اِز مُشتِنِه کیلَّنْ دُلُّرا و اُلّارِ فرعون ایزِنَه گِیَه سَپَلِیَه.اُنّا که موسی بُو ایشِه گِردِ، وارِ مصر خَلخِه غیر اسرائیلی لَر به دُمَلَّری که آقُورُق واریدِمبتلا اُلُّ لار.آمّا طارِه فرعونی ایرَگِنِه سخت اِدِ و فرعون اجازه وِرمَدِ تا اُلّار گِدَلَّر.

اُنّاسُورا طارِه تیگیرْ بَلاسِه یُولّادِ و محصولاتی چُخِنِه و هر دیرِّه جانی که آزاد فَضادَیدِلَرِدِ اُرتادان آپاردِ. اُنّا فرعون، موسی و هارونِ سَدِ و دِدِ:« من بُو دَفَه گیناه اِدمیشَم، سیزْ آزادَیزْ تا گِدَیزْ.» اُنّاسُورا موسی دعا اِدِ و تیگیریْ یاغْدیگِه تُوردِ.

آمّا فرعون گَنَه گیناه اِدِ و اِز ایرَگِنِه سخت اِدِ و اجازه وِرمَدِ که اسرائیلی لَر آزاد اُلالّار.

بنابر بُو طارِه کلی ملخ مصر یِرِنَه یُولّادِ. اُلّار وارِ محصول لَریکِه تیگیرْ بَلاسِنَّن قالْمُوشِدِ، یِدِلَر.

اُنّاسُورا طارِه قَرَنگِه بَلاسِنِه یُولّادِ که اُوچ گین طول چَکدِ. وار یِر اَلَ قَرَنگِه اُلمُوشِدِ که مِصریلَر باشارْمِیلَرِدِ اَودَن یازیّا چیخَلَّر. آمّا اُرا که اسرائیلی لَر زِندگانْلیگْ اِدیلَّرِدِ، روشَنالیگِدِ.

حتی بُو دُقُوزْ بَلادَن سُورا، فرعون اسرائیلی لَرِ اجازه وِرمَدِ تا گِدَلَّر. اُردان که فرعون قُولاقِه اِشِدّیگ یُوخیدِ، طارِه تصمیم تُوتدِ تا آخُر که بَلایِه یُولیّا. بُو بلا باعث اُلار که فرعون اِز تَصمیمِنِه دَشَه.