۱۱- پَسَخ عیدِ

طارِه موسی و هارونِ، فرعون یانُونا یُولّادِ که اُنا دیَّلَّر تا اسرائیلی لَرِ آزاد اِدَ. اُلّار ف عونَ اخطار وِردِلَر که اگه اسرائیل قُومِنِه ویلِّدْمِیَه، طارِه وارِ اَرشَد اُغُل لار و حتی مصر حِیوانلَرِنِه نابود اِدَر. زمانیکه فرعون مُونِه اِشِدِّ، اینانْمادِ و گَنَدَ

طارِنیْ دستورِنَّن نافَرمانْلیگْ اِدِ.طارِه اُ کَسلَر که بِلَسِنَه ایمان وارلاریدِ، یُولی قُویدِ تا اُلّاری اَرشَد اُغُل لارِ بُو بَلادَن نجات بُولالّار. هر خانواده باید بیرْ بی عیب قُوزِه انتخاب و اُنِه قربانی اِدَیدِ.

طارِه اسرائیل قُومِنَه دِدِ تا قُوزِنیْ قانُونِه اَولَرِنیْ دَرِ دُورِ بَرِنَه سیرْتَلَّر. اُلّار باید اَلَ بِلَکِه اُ قُوزِنی اَتِنِه کباب اِدَلَّرِ و با چِرَگی که خمیر مایَسِنِه یُخیدِ سُرعَتِنَن یِیَلَّر. طارِه اَلَ بِلَکِه اُلّارا دِدِ تا آماده اُلالّار که اُنی یِدیگینَّن سُورا، سریع مصردَن گِدَلَّر.

اسرائیلی لَر طارِنی وارِ فَرمانْلَرِنِه دِقَتِنَن انجام وِردِلَر. اَلَ اُ گِجَنیْ نیمَسِنَّه طارِه مِصردَن رَد اُلِّه و وارِ مِصریلَری اُغلانْلَرِنِه اُرتادان آپاردِ.

طارِه وارِ قُومِ اسرائیل اَولَرِنَّن که نشانِ قانِه دَرلَرِ قِراقُونا وارلاریدِلَر رَد اُلِّه. وارِ کَسلَری که اُ اَولَردَ وارِ دُولار، بخاطر قُوزِه قانِه اَمانَّیدِلَر.

آمّا طارِه اُ مِصریلَر اَوِنی قِراقُونا که طارِیَّه ایمان یُوخلاریدِلَّر و اُنی فَرمانْلَرِنَّن اطاعت اِدمِیلَرِدِ گَچمَدِ و اُلّاری وارِ ارشد اُغلانْلَرِنِه اِلِّردِ.

مِصریلَری وارِ ارشد اُغُلَّرِ الِّ لَر. فرعونیْ ارشد اُغُلِنَّن تُوتْ تا ارشد اُغُلِ نُوکری که زِنداندَیدِ. مصر خَلخِنیْ چُخِه بخاطر اِزلَرِنیْ غمِ، آغلِیلارِدِلَر.

فرعون اَلَ اٌ گِجَه، موسی و هارونِ سَدِ و دِدِ:« اسرائیل قُومِنِه گِتِری و تِز مِصردَن یازیّا چیخیْ.» مِصریلَردَ اُلّارا اسرار اِدِلَر که هَرنَه تِز تَر اُ یِردَن گِدَلَّر.