۲۴- یوحنا، عیسی یِ تعمید وِریر

یوحنا، زکریا و الیزابت اُغُلِ، بِیگ اُلِّه و پیامبرلیگِچِه انتخاب اُلِّه. اُ بیابانّا زندگانلیگ اِدیردِ، بیابانَّ بال و ملخ سِیردِ و بیر رخت دِیَه اینگینَن گِیردِ.

خَلخی چُخِ بیابانا و یوحنا یانُونا گَلیلَّرِدِ و گَپلَرِنَه قُولاقْ آسیلّارِدِ. اُ اُلّارِچِه موعظه اِدیردِ و دِیردِ:« توبه اِدینز، چون طارِنی پاشالیگِ یَخِنِّر.»

چون خَلخ یوحنانی پیغامِنِه اِشِدیلَّرِدِ، چُخ گیناهلَرِنَّن توبه اِدیلَّرِدِ و یوحنا اُلّارِ سُوینان تعمید وِریردِ. مذهبِ رهبرلَری چُخِ یوحنا یانُونا گَلیلَّرِدِ، آمّا اِز گیناه لارُنا اعتراف و اُلّاردان توبه اِدمِیلَرِدِ.

یوحنایِ تعمید وِرَن مذهبی رَهبرلَرَ دِدِ:« آهای زَهرِ ایلانلَر! توبه اِدینز و اِز رفتارینزِ عوض اِدینز. طارِه هر آقاجی که خوب میوَه وِرمِیَه، کَسَر و اُت ایچِنَ آتار.» یوحنا پیامبرلَر پیشگویی لَرِنِه آخُرَ اِتیشدِردِ که دِمیشلَرِدِ:« باخ، اینِّ من اِز پیغام گَتِرَنِمِه سَنَّن ایلَرتَر یُولّامُوشام تا یُولِه سَنی چِه هموار اِدَ.»

بیر پارا مذهبی رَهبرلَرَدَن یوحنادَن خبر ألُّلار:« آیا سَن مسیحَی؟» یوحنا جواب وِردِ:« من مسیح دَیلَم، آمّا بیر نفر مَنَّن سُورا گَلَر که مَقامِ مَنَّن چُخ اُخارتَردِر اُقاد که من لیاقت یُوخُوم کَفش لَرِنی باقِنِ آچام.»

صابا گینَّ عیسی تعمیدِ سُویِچِه، یوحنایِ تعمید وِرَنی یانُونا گَلِّه. چون یوحنا اُنِه گِردِ دِدِ:« بُو اَلَ طارِنی اُ قُوزُّوسِدِر که وارِ دُنیانی گیناهِنِ گِتِرَر.»

یوحنایِ تعمید وِرَن عیسی یَ دِدِ:« من لایق دَیلَم که سَنِ تعمید وِرَم. بُو مَنَم که سَنَّن تعمید تُوتاسُم.» آمّا عیسی دِدِ:« مَنِ تعمید وِر، چون دُرست ایش اَلَ بُودُور.» بنابر بُو یوحنا عیسی یِ تعمید وِردِ، با بُو حال که عیسی هِچ گیناهی اِدمَمیشِدِ.

اُنّا که عیسی تعمیدَن سُورا سُودان چیخدِ، طارِنی روحِ بیر کبوتر تَکِه بُولُوشدِ و آشّاقِه گَلِّه و اُنا قرار تُوتدِ و اَلَ اُ لحظَه، طارِنی نِداسِه آسِمانَّن اِتیشدِ که:« بُودُور مَنِم اُغُلُم که اُنِه چُخ سِیرَم و اُنّان چُخ راضیَّم.»

طارِه یوحنایَ دِمیشِدِ:« روح القدس اُ آداما که سَن تعمید وِریرَی گَلَر، اُ آدام طارِنی اُغُلُ دُور.» طارِه بیردِر و اُنّا که یوحنا عیسی یِ تعمید وِردِ، آتّا طارِنی سَسِنِه اِشِدِّ. طاریِّه اُغُل یعنی عیسی یِ گِردِ و روح القدسِ کبوتر قالِبِنَّ گِردِ.