۳۰- عیسی مسیح بِش مین نفرَ خوراکِ وِریر

عیسی رَسول لَرِ بشارت و اِرگَدّیگِچِه چُخ روستالَرَ یُولّادِ. بیکِلَنَّن سُورا، اُلّار عیسی یِ از ایشلَری که گِرمیشلَرِدِ آگاه اِدیلَّرِدِ. اُنّاسُورا عیسی اُلّارِ خَلوَت یِرَ دریاچه یَخِنِّنَ آپاردِ تا بیجَه استراحت اِدَلَّر. بنابر بُو وارسِه بیر قایق ایچِنَ مینَّلَر و چِیی اُ طرفِنَه گِدِّلَر.

چون خَلخ گِردِلَر عیسی و شاگردلَرِ قایقَ مینْمیش لَر و اُردان گِدیلَّر، دریا قِراقُونا شروع اِدِّلَر قَچدیگَ تا اُلّاردان ایلَرِ دریانی اُ طَرَفِنَه اِتیشَلَّر. بنابر بُو اُنّا که عیسی و شاگردلَرِ اُرا اِتیشدِلَر، بِیگ گروه خَلخدَن اُلّاری یُولِنِ گِزلِیلَرِدِ و اُلّاردان استقبال اِدِّلَر.

اُلّاری تعدادِ جُز آرواد و اُشاقلار، یَخِن به بِش مین کیشیدِ. عیسی مسیح ایرَگِه سخت اُلّاری اَحوالِنَ یانِّه، چون عینِ قُوینی دِلَر که چُوبان یُوخلاریدِ. اُنّا اِرگَدّیگِ اُلّارا شروع اِدِّ و اُلّاریدَ که مَرِضِ دِلَر، شفا وِردِ.

گِجَه موقَع سِه شاگردلَر عیسی یانُونا گَلِّلَر و دِدِلَر:« ای استاد، خَلخِ یُولّا تا اِزلَرِچِه خوراکِ فراهم اِدَلَّر، چون بُو پَرت یِردَ، هِشنَه یِدیگِچِه بُولُونمِیر.»

آمّا عیسی شاگردلَرَ دِدِ:« سیز اِزینزِ بُولّارا خوراکِ وِرینز.» اُلّار جواب وِردِلَر:« نَتَرکِه باشارداگخَلخی بُو تعدادِنِ تُوخ اِدَگ؟! بیز بِش چِرَگ و ایکِه بالُوغ وارُومُوز و بَس.»

عیسی اِز شاگردلَرِنَ دِدِ تا خَلخَ دِیَلَّر، که اَلِه نفری گروهَ چَمَن لَر ایسِنَ اُتُورالّار.

اُنّاسُورا عیسی بِش چِرَگِ و ایکِه بالُوغِ اَلَ تُوتدِ و آسمانا باخدِ و طاریِّه خوراکِچِه شکر اِدِّ و اُنِه بریکت وِردِ.

اُنّاسُورا عیسی چِرَگ لَر و بالُوغ لَرِ تکه تکه اِدِّ و شاگردلَرِنَ وِردِ تا خَلخی اُرتاسُونا تقسیم اِدَلَّر. شاگردلَر خَلخَ خوراکِ وِریلَّرِدِ. وارکیم یِدِ و دُیدُولار، آمّا هِشنَه اُ خوراکی لَردَن آز اُلمِیردِ.

اُنّاسُورا شاگردلَر خوراکی، باقِسِنِه یِقدِلَر، اَلَ بِلَیدِ باقِه اُ بِش چِرَگ و ایکِه بالُوغدَن اُن ایکِه سبد دُولِّه.