۲۵- شِطون عیسِه وَسوِسَه مِکِرِه
بَدی تعمیدی عیسِه، خُدِه روح آنی ژو بیابُن مِبِرِه جائی کو او چِل شوونِدَه رو روزَه مِرِه اونوَخت شِطون عیسِه گَل بییما ژو وَسوِسَه کِردِش تا گنا هاکِرِه.
شِطون عیسِه وَسوِسَه کِرد و باتِش «اَگه تو خُدِه پیِره اِن سُونگُنَه با نُن بَبین تا بَزُن بَخو.»
عیسِه بات: «خُدِه کلامی دِلَه بِنویشتَه ببیچی آدم برائی زَنَده بِبییونی تُنیا نون نیاز نِداره بَلکِش هر کَلِماتی کو خُدِه آلَه پی بیرین اِ.»
بَد شِطونی ژو ژورتِرین جائی مَعبدی بِبِرد و باتش «اگه تو خُدِه پیره، هُشتُن اِنجو پی ژیری، وَن چِرَه کو کتابی مُقَدِسی مایه خُدا هُشتُن فِریشتُنَه مایِه تا ته تئی هوائی بَرَن نَکِرِه هُشتُن پا سُنگ کوآ.»
امّا اونچی شِطون باتبا، عیسِه عمل ناکِرد. باتِش خُدِه هُشتُن کلامی تئی، هُشتُن قومی رَه دستور هادِچِش هُشتُن خُدِه نِزما.
بَد شیطونی ژو بِبِرد قُلهای بُلندی تمامی کشوری جیونی، ژُن قدرت و ثروت ژو مارِنِش باتِش «اگه زُنَه بَکوآ و مو نیایِش هاکَه، تمامی اِنی تَه مِبِخشون.»
عیسِه ژو رَه بات: مو گَل پی ویبا، شِطون خُدِه هُشتُن دِلَه کلامی ، هُشتُن قومی را فرمُن هادِچِش کو فقط هُشتُن خُدِه بَپرست و تُنیا ژو خِتمِت هاکَه.
عیسِه شِطونی وسوسُن دِلَه دومین نَکِت بَد شِطونی ژو پی بویِرد و فریشتِه بیمِن ژو خِتمت هاکِرشُن.
آستُنِکه وِته ببا کتابی مُقَدِّسی پی کتابی انجیلی مَتِه، بابی چاری، آیهای یکی تا یازدَه، کتابی انجیلی مِرقِسی بابی یِکی، آیهای وازدِه، سیزدِه، کتابی انجیلی لوقِه بابی چاری آیهای یَک تا سیزده
رایگان برای استفاده، اقتباس و اشتراکگذاری تحت مجوز باز (CC BY-SA 4.0).