24. یوحنا عیسی رِ تَعمید دِنِه

یوحنا، زَکَزیا و اِلیزابِت پِسِر مِهین بِوِاِ و پیامبریوِ برگُزیدِه بِوِاِ. او بیایون دِلِه زندگی هامِکِردِه، عسل صحرایی و مَلِخِک مُخوردِه و پشم شترِ لباس تن هامکردِه.

خَله از مردم مِمِنه بیابون یوحناوَرو اِ حرفها را گوش هامِکِردِنِه. او اوشنو پَند مِدااِ و مُگُتِه: »توُوِه هاکُنین، چون خدا اِ پادشاهی نزدیکه. «

چون مردم یوحنا اِ پیام رِ مُشنینِه، از خَلِه از گناها تووِه هامِکِردنِه و یوحنا اوشن رِ او اِ با تعمید مِدااِ. خَلِه از رهبرای مذهبی هم مِمِنه یوحنا اِ وِ ولی خوش گناها رِ مُقُر مِنِمِنه و تووِه مِنِکِردِنِه.

یوحنای تعمیددهنده به رهبرای مذهبی مُگُتِه: »ای دُم درازی سمّی! تووِه هاکُنین و خوش رِفتارِ تغییر هادین. خدا هر داری رِ که خار میوِه نیوُره، اِورینِه و آتِش دِلِه دَر اِنگِنِه. « یوحنا پیشگویی پیامبرون رِ به پایان برسنیه که بُگُتِبِنِه: »هیشن مو الان خوش پیام آوِرِ رِ تِ پیش رِسِّمِه تا تِ وِ راه رِ هموار هاکُنِه. «

بعضی از رهبرای مذهبی یوحنا اِ جا بُپُرسینِه: »آیا تو مسیح هَسّی؟ « یوحنا جواب هِدااِ: »مو مسیح نیمِه، اما بعد مو یکی آنه که اِ مقام مِتون بالاتره. اَنِّه که مو شایسته نیمه اِ بند کفش رِ وا کنم. «

روز بعد عیسی تعمید او اِوِ بِشِ اِ یوحنای تعمید دهندهِ وَر. وقتی یوحنا او رِ بِدیِه، بُگُتِه: »او همون خدا ورِه هَسِّه که گناه همه دنیا رِ گیرِنِه. «

یوحنای تعمیددهنده عیسی رِ بُگُتِه: »مُو لیاقِت نِدامِه تو رِ تَعمید هادم. تو وانه مَرِ تَعمید هادی. « اما عیسی بُگُتِه: »مَرِ تعمید هادِه، چون کار درست همینه. « بِنابراین یوحنا عیسی رِ تعمید هِدااِ، با این که عیسی هرگز گناهی نکِرده.

اون موقع که عیسی بعدِ تَعمید او اِ با در بِمِ اِ، خدا اِ روح کوترواری پِدیدار بِوِاِ و پایین بِمِ اِ و اِ رو قرار بِکِنِه و همون وقت، از آسمون خدای نِدا بِرِسیِه که : »اومِ پِسِر هَسِّه که او رِ دوس دامه و او با راضیم. «

خدا یوحنا رِ بُگُتِه بِ اِ: »روحالقدس شخصی که تو او رِ تعمید هادی پیش آنه، اون شخص خدا اِ پسرِ. « خدا یکی هَسِّه و وقتی که یوحنا عیسی رِ تعمید هِدااِ، خدای پر صدا رِ بُشنیِه. خدای پسر یعنی عیسی رِ بدیه و روحالقدس رِ شکل کوتر بِدیِّه.