25. شِیطون عیسی رِ وسوسه هاکونِه

بعد تَعمیدِ عیسی، روح خدا او رِ بُوُردِه بیابون. جایی که او مُدِّتِ چِل شَبونِه روز، روزه بِگِتِه. بعد شیطون، عیسی پیش با بِمِ اِ و او رِ وسوسه هاکردِه تا گناه هاکُنِه.

شیطون عیسی رِ وسوسه هاکردِه و بُگُتِه: »اگه خدای پسر هَسّی، سَنگارِ بِ اُ نون بَوِن تا تو بتونی بخوری! «

عیسی جواب هِدا اِ: خدا کَلوم دله بِنِشتِه »اِنسون زِنِّه بُمونِسِ نِو فقط نون نِوانِه، بلکه به هر کلومی که خِدا دُهون بُوریم بِ دانه! «

یعد شِیطون او رِ بُوردِه بالاترین جاب مَعبِد و بُگُتِه: »تو اگه خدایِ پِسِری، خوشتنِ اینجِه با دُمبدَه پایین؛ چون خدا کتاب مقدسِ دِلِه بُگُتِه: »خدا خوش فرشتهها رِ دَسّور دنِه تا تَرِ حَمل هاکُنِن، مِبادا خوش لِنگ رِ سَنگ ِبزنی. «

ولی عیسی اونچه که شیطون بُگُتِه رِ عَمِل نکرده و جواب هِدااِ: خدا خوش کَلوم دلِه خوش قوم رِ دِسّور هِدااِ: »خداوِند خوش خدا رِ اِمتحون نَکُنا. «

بعد شِیطون او رِ بُوردِه قله بُلِنِ کوه و همه کِشورهای جهون و قُدرِت و ثِروِتِ اوشِن رِ او رِ نِشون هِد اِ و بُگُتِه: »اگه زانو بزنی و مَرِ پرستش هاکونی، همه اینارِ بَخشِمِ تَرِ. «

عیسی جواب هِدااِ: مُبا دور بِوا ای شیطون! خدا خوش کلوم دِلِه خوش قُوم رِ فرمون هَدا اِ که: »فقط خوش خداوند خدا رِ پرستش هاکون و فقط او رِ خِدمِت هاکون. «

شِیطونِ وسوسه نتونِسه عیسی رِ دام دَر اِنگنه. پس شِیطون او رِ ترک هاکُرده و فرشته ها بِمِنِ عیسی رِ خدمت هاکُردِنه.