27. سامِری نیکو اِ قصه

یِکروز یکی از استادونِ مذهبی عیسی پیش بِمِ اِ. او واسِّه ثابت هاکونِه که عیسی آموزشها اشتباهه. او بُپُرسیِّه: »اوسّا، آدم وانِ چُکُنِه تا زندگی همیشگی رِ بدست بیورِه؟ « عیسی جِواب هِدا اِ: »تورات کتاب دِلِه در این باره چی بِنِشتِه؟ «

اون مرد بُگُتِه: »خداوند خدای خودِت رِ با همه دل و جون، با تموم قوِه و با تموم فکرت دوس دار. خوش همسادِه رِ خوش واری، دوس دار. « بعد عیسی بُگُتِه: »راس گونی! تو هم هَمِنتی هاکون تا زندگی جاودونی داری. «

ولی اون عالِم مذهبی چون مِخاسِّه خوشتِن رِ پارسا نِشون هادِه، دووارِه بُپُرسیِّه: »مِ همسادِه کیه؟ «

عیسی با یک قصه جواب اون رهبر مذهبی رِ هِدااِ: »مرد یهودی از اورشلیم به سمت اریحا در سفر بِ اِ.

راه دِلِه، یاغی ها او رِ حملِه هاکُردِنِه و همه دارایی او رِ بِگِتِنِه، او رِ کُتِک بِزِنِه و نیمه جونِ تن رِ کِنار جاده ول هاکُردِنِه.

بعدِ این جریان یک کاهن یهودی اونجِه با رَد مِوِاَ. بدیِه یک مرد جاده دِلِه بَکِتِه بِشِ اِ و نور جاده از یک راه دیگه خوش راه رِ ادامه هدااِ و او رِ کاملا ندیده بِگتِه. «

کمی بعد یک لاوی از راه بِرِسیِّه.)لاویا قبیله ای از اسرائیلیها بِنِه که کاهنای یهود رِ کُمِک هامِکِردِنِه(. او هم بِشِ اِ سمتِ دیگرِ جاده و اون مرد رِ رسیدگی نَکِردِه.

بعد مرد دیگری بِمِ اِ که سامِری بِ اِ.)سامریها و یهودیها از هم نِفرِت داشتِنِه(. با اینکه بِدیهِ مرد زخمی یهودی بِ اِ، ولی اِ دل اِ وِ بِسوتِه و اِ زخمها رِ بُشُشتِه، مَرهِم وشته و دِوِسِه.

بعد مرد سامِری او رِ خوش الاغ سر سِوار هاکُردِه، او رِ بُوُردِه یَک مهمونخونِه و اونجِه اِ پَرِستاری هاکُردِه.

»فِردای اونروز، سامری واسِّه خوش سفر رِ ادامه هاده. یَک مقدار پول مهمونخونه صاحب رِ هدااِ و بَکتِه: »اِ با مراقبت هاکون و اگر اِ خرج ویشتِه بِوِاِ، وقتی وِگِردیمِه تَرِ پرداخت هاکومِّه. «

بعد عیسی از اون عالم مذهبی بُپُرسیِّه: »اَسا فکر هاکونی کُمین یکی از اون سُه نفر، همسادِه اون مردی بِنِه که اِ با دُزّی هاکِردِنِه و به او حملِه هاکُردِنِه؟ « عالم مذهبی جواب هِدااِ: »اونکِه اِ وِ دل بسوزنیِّه. « عیسی او رِ جواب هِدااِ: »تو هم بُشُو و هِمین کار رِ هاکون. «