28. پولدارِجِوون

یَکروز یَکی از سرانِ ثِروتمِند بِمِ اِ عیسی اِ پیش و اِ با بُپُرسیِّه: »اُسّایِ نیکو، چُکُنم تاَ زِندِگی جاودونی رِ بِدَس بیوُرِم؟ « عیسی بُفَرمیِّه اِو رِ: »چُکا مَرِ نیکو بُخُنّی؟ در صورِتیکه، هیشکی جز خدا نیکو نیِه. اگه وانی زندگی جاوِدون داری، وانه خدا اِ دِسّورا رِ پِیرُوی هاکُنی. «

او بُپُرسیِّه: »از کُمین یَک از فَرمونها وانِه پِیرُوی هاکُنِم؟ « عیسی جِواب هِدااِ: »قَتل نَکُنا، زِنا نَکُنا، دُزّی نَکُنا، دورو نَ آ، خوش پِر و مار رِ اِحتِرام وِل و هَمسا اِ رِ خوش واری دوس دار. «

ولی اون مردِ جَوون بُگُتِه: »مو از وقتی کُتِه بِمِ همه اون فَرمونها رِ نگهداری هاکُردِمِه، اَسا دیگه وانِه چُکُنِم تا زندگی جاوِدون دارِم؟ « عیسی با مُحِبِّت او رِ هیشیِّه.

و جِواب هدااِ: »اگه وانی بِهتِرین رِ انجام هادی، بُشو هرچه دانی بِروش و اِ پول رِ هادِه نیازمَندون تا ته گنجِ آسِمون دِلِه دِوُ نا زمینِ سر! بعد بُورو و مَرِ پیروی هاکون! «

وقتی اون مردِ جَوون این حرف عیسی رِ بُشنیِّه، خَلِه ناراحِت بِوِاِ، چون او ثِروِتمِند بِ اِ و مِنِخاسِّه خوش دارایی و خوش اِندوختِه ها رِ از دست هادِه. او خوش رو رِ وِگاردِنیِّه و عیسی با دور بِوِاِ.

بعد عیسی خوش شاگِردون رِ بُفَرماییه: »این رِ بَدونین که وارِد بِوِن یک ثِروِتمِند به پادشاهی خدا خَلِه دُشوارِ. باز هم گومِه، بُگذِشتِن شتر از سوراخ سوزِن راحت ترِ از وارد بِوِن یَک نَفِر دارا به پادشاهی خدا! «

شاگِردون تَعَجُّب هاکُردِنِه این حرف رِ با عیسی بُشنینِه و بُپُرسینِه: »پس کی بُتونِه نَجات پیدا هاکونِه؟ «

عیسی شاگِردون رِ هیشیِه و بفرمائیه: »اِنسون نَتونِه خوشتِن رِ نِجات هادِه، ولی خداِ پیش همه چی ممکِنِه. «

پِترُس عیسی رِ بُگُتِه: »اِ ما خوشتِنِ همه چی رِ دست بِکِشیمی تا ته پیرو بِویم، اِسا اِ مِه پاداش چِچیِه؟ «

عیسی جواب هِدا اِ: »هر که مِوِ از بِرا و خواخِر، پِر و مار و کُتِه، خونِه و زمین چِشم پوشی هاکُنِه، صد بِرابِر ویشتِه پیدا هاکونِه و حیات جاوِدون رِ بدَس اورِنِه. ولی خَلِه کسایی که اوِّلِنِه، آخِر بِوِنِه و خَلِه که آخرِنِه، اَوِّل بوُنِه. «