33. کشاورز قصه

یک روز عیسی دَوِاِ دریاچه کنار گروه زیادی از مردم رِ تعلیم مِدااِ. اوشِن اَنِّه زیاد بِنِه که عیسی جای کافی نِداشته که اوشِن با صحبت هاکُنِه. همین خاطِر سوار قایقی بِوِاِ که او کِنار دَوِاِ و از اونجِه مردم رِ تعلیم مِدااِ.

عیسی این داستان رِ مردمِ وِ واگو هاکِردِه: »کشاوِرزی بِکاشتنِ تیمِ و بِشِ بوریم. هَمِنتی که تیم ها رِ هر طرف مِپاشِه، یک مِقدار بِکِتِه راه دله و پرنده ها بِمِن همه رِ بُخوردِنِه. «

»بعضی سنگلاخ رو بکتنه که اِ سر رِ کمی خاک دپوشونیِّه. تیم ها اون کم عمق خاک جِر، خَلِه زود جوونه بِزِاِ. ولی اِ ریشه ها نَتونِسِّنِه خاک جر فرو بَشِ. بِنابراین وقتی آفتابِ داغ بِتابیه، همه بِسوتِنِه و از بین بَشِنِه. «

»بعضی از تیم ها خار میون دِپاتِنِه. تیم ها با خارها با هم رشد هاکُردِنِه و ساقه های تازه گیاه خار فِشار جِر از بین بِشِنِه و هیچ محصولی نِدانِه.

»بعضی از تیم ها خاک خوب رو بِکِتِنِه و هر تیم با سی، شصت و حتی صد بِرابِر بار بِمِ اِ. هر کی خوانه خدا رِ اطاعت هاکُنِه، مِ سُخِنا رِ گوش هادِه. «

شاگُردون از بُشییِن این داستان گیج بِوِنِه. بعد عیسی اونا رِ هِنتی توضیح هِدااِ: »تیم، کَلومِ خدا اِ. گذرگاه، فردی هَسِّه که کلومِ خدا رِ اُشنونِه، ولی اون رِ درک نکونِه و شیطون کلوم رِ اِ با دزدی هاکونِه. در واقع شیطون نِلِنِه او کلوم خدا رِ درک هاکونِه. «

»زمین سنگی، آدمی هَسِّه که پیغوم خدا رِ اُشنونِه، و اون رِ با خوشحالی قبول هاکونِه، ولی سختیهایِ وقت یا وقتی مردم او او رِ اذیت هاکونِن، خدا اِ با روگردون بِوِنِه. بِعبارِتی او از اعتماد به خدا دست گیرنِه. «

»زمینی که از خار دپوشونیه، کسی هَسِّه که پیغوم رِ اُشنونِه، ولی دلواپسیهای زندگی و اِ دلبسته بِوِنِ به پول و بدست بیوردنِ چیزهای زیاد، بعد مُدِّتِ کوتاهی او رِ از عشق بُوَرزیِن به خدا جلوگیری هاکونِه. دیگه نتونه طبق اونچه که کلومِ خدا یاد بِگِتِه خدا رِ راضی هاکونِه. او مثل گَنُمهای خوشهای هسِّه که بار نَدِنِه. «

»ولی زمین خوب، کسی هَسِّه که خدا پیغوم رِ اُشنونِه، باور هاکونِه و حاصل دِنِه. «