42. وِگِردین عیسی به آسمون

روزی که خدا عیسی رِ از مردهها زِنِّه هاکردِه، دو تا از شاگردها همنتی که دَوِنِ مِشِنِ یکی از شهرهای نزدیک درباره اونچه عیسی وِ اتفاق دِکِتِه صحبِت هامِکِردِنِه. اونا امید داشتِنِه عیسی همون مسیح موعود بِو، ولی او کشته بِوِ اِ. اِسا زنون گونِّه او دِواره زِنِّه بِوِاِ، ولی شاگردا نَدونِسِنِه چی رِ باوِر هاکُنِن.

عیسی به شاگردا نزدیک بِوِ اِ و اوشِن با حرف بِزِ اِ، ولی اونا او رِ نِشناسینِه. عیسی اوشِنِ با بُپُرسیِّه درباره چه چی صحبِت هامِکردِنِه. عیسی رِ بُگُتِنِه که اوشِن صحبت درباره اتفاقایی هَسِّه که این روزا عیسی وِ پیش بِمِ اِ. اونا فکر هامِکردِنِه عیسی یه غریبه هَسِّه که اتفاقای اورشلیم رِ خَوِر ندانِه.

بعد عیسی اوشِن وِ توضیح هِدا اِ که کَلومِ خدا در مورد عیسی چه چی بُگُتِه بِ اِ. خَلِه وقت پیش پیامبرا بُگُتِه بِنِه که شرورا مسیح رِ شکنجه دِنِّه و او رِ کُشِنِّه، ولی او سُوُمین روز زِنِّه بُونِه.

وقتی اون دو تا مرِد بِرِسینِه مقصِد، تقریبِن شو بِوّ اِ. اونا عیسی رِ دعوِت هاکُردنِه که شو اوشِن با بُمونِّه، او هم اوشِن با خونه دلِه وارد بِوِ اِ. وقتی سفره سر بِنیشتِنِه، عیسی نون رِ بِگِتِه و شکرگزاری هاکُردِه و نون رِ پاره هاکُردِه. یکدفِه اوشِن چَش وا بِوِ اِ و فوری او رِ بِشناسینِه. ولی عیسی همونوقت اوشِن نظِر ناپدید بِوِ اِ.

اون دو تا همدیگه رِ بُگُتِنِه: »او عیسی بِ اِ، چونکِه وقتی کتاب مقدسِ مطلبا رِ تعریف هامِکردِه، رامِ دل مِتِپیِّه. « بعد بلافاصلِه وِگِردینِه اورشَلیم و وقتی که بِرِسینِه، شاگردا رِ بُگُتِنِه: »عیسی زِنِّه هَسِّه! اِ ما او رِ بِدیمی. «

همون وقت که سرگرم حرف بِزِن بنِه، ناگهون عیسی اوشِن میون ظاهر بِوِ اِ و بُگُتِه: »سلامتی دارینِ! « شاگردون فکر هاکردِنِه روح بِدینِه، ولی عیسی بُگُتِه: »چا بِتِرسینی! شک دانّی مو عیسی هَسِّمِه؟ مِ دسا و لِنگا رِ هیشینین، ارواح مِ مواری تن ندانِه. « و برای اینکه اونا رِ نِشون هادِه که روح نیِه، از اونا بِخواسِّه یک چیزی هادِن او بَخورِه. اونا یه تِکِّه ماهی او رِ هِدانِه عیسی اون رِ بُخوردِه.

عیسی بُگُتِه: »مو شِما رِ بُگُتِمِه که هرچه در کَلومِ خدا درباره مو بُگُتِه، بِ اِ وا نه اتفاق دَکِنِه. « اونوقت عیسی اونا رِ کمِک هاکردِه تا کلومِ خدا رِ بِهتر بُفَهمِن. او بُگُتِه: »از زمونای دور، پیامبرای کتاب دلِه بِنِشتِه بِ اِ مسیح موعود وانِه رنج و زحمت بِوینِه، بِمیرِه و روز سُوم از مردهها زِنِّه بِوو. «

»پیامبرا این هم بِنِشتِنِه مِ شاگِردا خدا کَلوم رِ اعلام هاکونِه و همه رِ گونِّه که وانِه تووِه هاکُنن هرکی که تووه هاکُنِه خدا اِ گناها رِ آمرزِنِه. مِ شاگردا اعلام این پیغوم رِ از اورشلیم شروع هاکردنه و بعد بین همه قوم ها و همه جا شونه. شما شاهد حرفا، کارا و همه وقایعی که مِو پیش آنِه هَسِّنی. «

عیسی در مدت چهل روز بعد زِنِّه بِوِن از مردهها، بارها خوشتن رِ شاگردونِو ظاهر هاکرده. او یکبار حتی هم زمون خودش رِ۵۰۰ نفرِو آشکار هاکرده. او روشهای مختلف با خوش شاگردون رِ ثابت هاکردِه که زِنِّه هسِّه و اوشِن رِ درباره خدا پادشاهی تعلیم مِدا اِ.

عیسی به شاگِردون بُفرمیِه: »خدا تموم اختیارای زمین و آسمون رِ مَرِ هِدا اِ. پس بَشِن و همه قومها رِ مِ شاگرد بِسازِن و اوشِن رِ به نام پِر، پسر و روحالقدس تعمید هادین و اوشن رِ تعلیم هادان که چِتی همه دسورایی که شما رِ هِدامه اطاعت هاکنن. شمه یاد دِوو که مو همیشه با شما دَرِمِه. «

چهل روز بعد اینکه عیسی از مردهها زِنِّه بِوِ اِ به خوش شاگردون بُفرمیِه: »اورشلیم دله بَمونِن تا مِ پرِ با برسینِه روح القدس، شما رِ قدرت هادِه. « بعد عیسی اوشِن چَش پیش به طرف آسمون بالا بِشِ اِ و یه ابر دله ناپدید بِوِ اِ. عیسی خدا راست دست بنیشتِه تا به همه چیز حکومِت هاکنِه. «