41. خدا عیسی رِ از مُردِهها زِنِّه هاکونِه

بعد اینکِه سربازا عیسی رِ مصلوب هاکُردِنه، سرونِ قوم یُهود بِشِنِه پیلاتِس پیش و بُگُتِنِه: »عیسی الکی بُگُتِه سُ روز بعد از میونِ مُردِهها زِنِّه بُونِه. بِرای اینکه اِ شاگِردون نَتونِن اِ جسِد رِ بِدوزِّن، وانِه یکی رِ مامور هاکونیم تا سُ روز قَورِ نگهبونی هادِه. اگه بَتونِن اِ جَسِد رِ بَدُزِّن، اونوقت ادعا هاکونِّه که او از میونِ مردهها زِنِّه بِوِ اِ. «

پیلاتُس بُگُتِه: »سربازایی خوش هِمراه بَوُرین و تا جایی که بِتونین قَورِ محافظت هاکُنین. « بِنابراین اوشِن سنگ قَور رِ مهر و موم هاکردنِه و سربازایی رِ اونجه به نگهبونی وِشتِنِه تا کسی نَتونِّه جسد رِ بَدُژِّه.

چون روز بعد دَفنِ عیسی، یعنی روز شَبّات کار هاکُردِن ممنون بِ اِ، هیچکدوم از دوسّایِ عیسی نتونِسِّنِه اِ قَورِ سر بَشِن. ولی روز بعد سَحَرِ وقت، چَن تا از زَنون آماده بِوِنِه تا عیسی قَورِ سر بَشِن و عیسی جَسِدِ اِ عطری هاکُنِن.

قبل اینکه زَنون بَرِسِن اونجِه، قَورِ کِنار زلزله اِ تُندی بِمِ اِ. فرشتهای از آسِمون بِمِ اِ پایین، سنگ ورودی قَور رِ غِل بِدا اِ کِنار و اِ سر بِنیشتِه. اون فرشته آسمون برق واری مِدِرِخشیِه. نگهبونا او رِ بِدینِه هِنتی بِتِرسینه که مُرده واری بِکِتِنِه زِمین.

وقتی زنون برسینِه قَورِ سر، فرشته اُوشِن رِ بُگُتِه: »نَتِرسین! عیسی اینجٍه دَنیه. او هَمِنتی که وعده هِدا اِ از مردهها زِنِّه بِوِ اِ. قَور دِلِه رِ هیشینن و بِوینِن. « زنون قَورِ دِلِه رِ هیشینِه و جایی که عیسی تَن رِ وِشتِه بِنِه رِ بِدینِه، ولی جسدی رِ پیدا نکردِنِه.

اونوقت فرشته به زنون بُگُتِه: »بَشِن و عیسی اِ شاگردون رِ بَ اِ ن عیسی از مردهها زِنِّه بِوِ اِ و قبل شما خوانِه بَشه جلیل. «

زنون هَمِنتی که خوشحال و تعجب هاکردِ بِنِه، بِشِنِه شاگردای طرف تا خَوِر خوش رِ به اونا بَرِسِنِن.

همنتی که زنون دوبهدو هامکردِنِه تا این خَوِر خوش رِ به شاگردون هادِن، یَکدفه عیسی اوشِنو ظاهر بِوِ اِ. اونا اِ بِرابِر سجده هاکُردِنِه. عیسی اونا رِ بُگُتِه: »نَتِرسین! بَشِن و مه شاگردون رِ بَ اِن بَشِن به جلیل و مَره اونجِه وینّی. «