40. عیسی به صلیب کشیده بِوِاِ

بعد اینکه سربازا عیسی رِ مسخِرِه هاکردِنِه، او رِ بُوُردِنِه بوریم تا به صلیب بَکِشِن. اونا او رِ مجبور هاکُردِنِه تا خوش صلیب رِ حمل هاکُنِه.

سربازا عیسی رِ بُوُردِنِه جایی که اِ نوم جُلجُتا بِ )جمجمه یر(بِ اِ و اِ دس و لِنگ رِ صلیب سر میخکوب هاکردِنِه. ولی عیسی بُگُتِه: »ای پِر! این مردِم رِ بُوَخش، چون نَدونِّه چِکوُنِّه. « پیلاتِسِ دَسوری اِ بالا یرِ کِتیبه ای وِشتِنِه که اِ رو بِنِشتِنِه بِنِ: این هَسِّه پادشاه یَهود.

بعد سربازا عیسی اِ لباسِ سر قُرعِه دُمبِدانِه. با این کار اون پیشگویی کتاب مقدس اِنجام بِوِ اِ که مُگُتِه: »مِ لباس رِ خوش میون تقسیم هاکُردِنِه و مِ قِبا سر قرعه دُمبِدانِه. «

سربازا همون زمون دو تا دُز رِ هم مصلوب هاکُردِنِه و عیسی رِ صلیب سر اوشِن میون وِشتِنِه. یکی از اونا عیسی رِ مسخرِه هامکردِه، اما دیگری او رِ بُگُتِه: »تو خدا با نَتَرسی؟ اِ ما گناهکاریم، ولی این مرد بی گناهه. « بعد عیسی رِ بُگُتِه: »ای عیسی! مَرِ خوش پادشاهی وقت به یاد بیور. « عیسی او رِ جواب هِدااِ: »تو همین اَمروز مِ با بهشت دری. «

سَرونِ مذهبی یهود و مردمی که اونجا دَوِنِ عیسی رِ مسخره هامکردِنِه و مُگُتِنِه: »اگه تو خدا پِسِری صلیب سر بورو پایین و خوشتِن رِ نِجات هادِه! بعد اِ ما به تو ایمان اورِمّی. «

گرچه ظهر بِ اِ، اما یرتایر آسِمونِ اون منطقه تاریک بِوِاِ. این تاریکی محض تا سُ ساعِت ادامه پیدا هاکُردِه.

بعد عیسی فِریاد بِزِاِ: »تموم بِوِ اِ. ای پِر، خوش روح رِ تِ دس اِ سپورمِّه. « بعد خوش سر رِ خم هاکِردِه و خوش روح رِ تسلیم هاکُردِه. وقتی جون هِدا اِ زِمین بِلِرزیِه و معبِدِ مِهین پرده که مردم رِ از حضور خدا جدا هامِکِردِه )قدس الاقداس(، از بالا تا پایین دو تِکِّه بِوِ اِ.

عیسی با خوش بُمُردِن راهی رِ وا هاکُردِه تا مردِم بِتونِّن بَرِسِن خدا اِ حضور. وقتی نگَهبونِ رومی این حادثهها رِ بِدیِه، بُگُتِه: »راسی این مرد بی گناه بِ اِ. او خدا اِ پِسِر بِ اِ. «

بعد دو تا از سرونِ یهود، نیقودیموس و یوسِف که ایمون داشتِنِه عیسی همون مسیحِ موعود هَسِه، بِشِنه پیلاتِسِ با بِخاسِنِّه عیسی اِ جسِد رِ تحویل بِیرِن. اوشِن جسد رِ با کَتون پارچه اِ با دِپیچینِه و وشتِنِه سنگی قَور دلِه و یک مِهین سنگ هم غِل هِدانِه تا قَورِ جلو تا دِوِسِّه بِوِ.