44. شفای گدا مردی توسط پترس و یوحنا

روزی پترس و یوحنا بِشِنِ پرستشگاه طرف. دروازه کنار فَلجِ مردی رِ بِدینِه که گدایی هامِکردِه.

پترس اون فلج مردی رِ هیشیِّه و بُگُتِه: »مو هیچی پول نِدامِه تَرِ هادم. ولی اونچه که دامِّه، تَرِ دِمِه. عیسی نام، بابُلِن بِوا و راه بُشو. «

خدا همون وقت اون مرد رِ شِفا هِدا اِ و او شروع هاکردِه راه بِشِن و اوشِنِ دور، خوشحالی هامکرده و خدا رِ پرستش هامِکردِه. مردمی که پرستشگاه حیاط دَوِنه، تعجب هاکردنِه.

جمعیت زیادی به سرعت جمع بِوِنه تا اون مردی که شفا بِگِتِه رِ بِوینن. پترس به اون جماعت بُگُتِه: »از بِدینِّه شِفای این مرد تعجب نَکنین. اِما این مرد رِ با قدرت یا بخاطر دینداری خودمون شِفا نِدامی. بلکه این عیسی اِ قدرت هَسِّه که او رِ شِفا هدا اِ، چون اِ ما به او ایمون دامّی. «

شِما کسایی هَسِّنی که فرماندارای رومیِ با بِخواسِّنی که عیسی را بَکُشِه. شِما اونکه همه رِ جون وخشنه رِ بُکُشتنی، ولی خدا او رِ از بین مردهها زِنِّه هاکردِه. گرچه شما ندونِسِّنی دَرِنی چَکار هاکونی، ولی پیشگویی پیامبرا رِ عَمِلی هاکردِنی که بگتِه بِ اِ مسیح وانِه عذاب بَکشه بعد بِمیره. خدا بِخاسِّه که هَنتی بِوو. پس توو هاکنین و به طرف خدا وَکردین تا او شمه گناها رِ پاک هاکُنِه. «

وقتی رهبرای پرستشگاه پترس و یوحنا حرفا رِ بُشنیِه، خله عصبانی بِوِنه. بعد اوشِن رِ دستگیر هاکردنه و دُمبِدانِه زِندون. ولی خَلِه از اونا که پترس پیغوم رِ بُشنیِه، ایمون بیوردنِه و تعداد ایموندارا بِرِسیِّه به۵۰۰۰نفر.

روز بعد، سران یهود و یوحنا اِ همراه فلج کردی بوردنِه به حضور کاهن اعظم و رهبرای مذهبی. اونا از پترس و یوحنا بُپرسینه: »با چه قدرتی این فلجِ مردی رِ شفا هِدانی؟ «

پترس جواب هِدا: »اِ که این مرد که شِمه روبرو اِسا اِ عیسی مسیح قدرتِ با شفا بِگِتِه. شِما عیسی رِ به صلیب بِکِشینی، ولی خدا او رِ دِواره زِنِّه هاکرده! شِما او رِ رِد هاکردِنی، ولی راه نجات دیگری وجود ندانِه، جز به قدرتِ عیسی مسیح! «

رهبِرای مذهبی تعجب هاکردنِه از پترس و یوحنا شجاعِت، چونکه اونا اشخاصی بی سواد و معمولی بِنِه. اونوقت به یاد بیوردِنِه که این مردا عیسی با دَونِه. پس اونا رِ بُکُتِنِه: »اگر بازم در مورد عیسی مردِم با حرف بزِنین، شِما رِ سخت تنبیه هاکومی. « اونا بعد اینکه پترس و یوحنا رِ تهدید هاکردنه، اونا رِ آزاد هاکردِنه.