45. استیفان و فیلیپُس

یکی از رهبرای کلیسا اون اوِلا، کسی بِ اِ به اسم استیفان که همه او رِ احترام وِمشتِنِه. روحالقدس او رِ قُدرِت و حکمت هِدا اِ بِ اِ. استیفان موجِزاتِ زیادی داشته و خَلهها اِ حرف با به عیسی ایمون بیوردِنِه.

روزی که استیفان مَشغول تعلیم درباره عیسی بِ اِ، بعضی یهودیا که عیسی با ایمون نِداشتِنِه، شروع هاکُردِنِه جر و بحث با استیفان. اونا خَلِه عصبانی بِنِ و رهبرای مذهبی پیش درباره استیفان الَکی بُگُتِنِه: »اِما بُشنیمی که او درباره موسی و خدا، حرفای زشتی مُگُتِه. « پس رهبرای دینی، استیفان رِ دستگیر هاکُردِنِه و او رِ بُوردِنِه کاهِنِ اعظم و دیگر رِهبرای یهود پیش. بعد شاهدای دروغگوی ویشتری بِمنِه و درباره او دروغ بُگُتِنِه.

کاهن اعظم استیفان با بپرسیِه: »آیا اونچِه این آدما تِه یارِه گونِّه حِقیقِت دانِه؟ « استیفان برای جواب هِدا اِ نِ به این سوال، حرفای زیادی کاهنِ اعظم رِ بُگُتِه. او بُگتِه خدا از ابراهیم موقِع تا عیسی دورِه، کارهای مِهین زیادی یهودیاو رِ هاکُردِه، ولی این قوم بارها نافَرمونی هاکُردِنِه. استیفان اوشِن رِ بُگُتِه: »شِما قوم سرسخت و در برابر خدا سرکش هَسِّنی. شِما همیشه روحالقدس رِ رد هاکردنی، دُرُس مثل اِ مه پِرون که همیشه خدا رِ رد هاکردِه و اِ پیامبِرون رِ بُکُشتِنِه. ولی شِما کار بدتری از اونا هاکردِنی، شِما مسیح رِ بُکُشتِنی! «

وقتی رهبِرای مذهبی این حرفا رِ بُشنیِه، خَلِه عصبانی بِوِنِه، خوشتن گوش رِ بِگِتِنه و داد بِزِنِه. اونا استیفان رِ بِکِشینِه بوریم شهر و او رِ سنگسار هاکُردنِه تا بمیره.

استیفان در حالی که جون مِدا اِ، داد بِزِ اِ: »ای عیسی! روحِ مَرِ قِبول هاکُن. « اون وقت به زانو در بِمِ اِ و دوواره داد بِزِاِ: »ای خداوند! این گناها رِ اوشِنو نِیرا. « و بعد جون هِدا اِ.

از اونروز خَلِه از مردِم اورشلیم شروع به جفا و آزارِ طرفدارای عیسی هاکُردِنِه و ایموندارا به منطقههای دیگه فِرار هاکُردِنِه. ولی با همه این اتفاقا، اونا هرجا مِشِنِه درباره عیسی موعظه هامِکِردِنِه.

یکی از عیسی اِ شاگردا با نام فیلیپُس همرته خَلِه دیگه از ایموندارون، در زمانِ جفا از اورشلیم فِرار هاکُردنِه. او بِش اِ سامِره، اونجِه درباره عیسی موعظه هاکردِه و خلِه از مردم اونجِه اِ نِجات هِدااِ. بعد یک روز فرشتهای از طرف خدا به فیلیپس امر هاکردِه تا بشِه به جادهای در بیابون. وقتی او اون جاده دِلِه دَوِاِ، یکی از مقامهای مهم حبشه رِ بِدیه که خوش ارابه با سفر هامکِردِه. روحالقدس به فیلیپس بُفرمیِه بَشِه اون مرد پیش و اِ با حرف بَزِنِه.

وقتی فیلیپس به ارابه نزدیک بِوِاِ، بُشنیِه که اون شخص قسمتی از کتاب اشعیای نبی رِ خونِن. اونجِه که مُگُتِه: »گوسفَن واری که بُکُشتِنو بُورنه و و وَرهای که خوش پَشم چین پیش ساکِتِه و هیچ حرفی نَزِاِ، اِ با ناعادلانِه برخورد هاکردِنِه و احترام وِنِشتِنِه. اونا اِ جون رِ بِگتِنِه. «

فیلیپُس از شخص حبشی بُپُرسیِّه: »بِتّونی اونچِه رِ که خونِنی بُفَهمی؟ « حبشی جِواب هِدااِ: »نه. نامونِتّومِّه بُفَهمِم، مَگِر اینکه یَکی مِو توضیح هادِه. خواهش هاکومِّه بوروم ور بِنشیر. آیا اشعیا این رِ درباره خودش بُگُتِه یا دیگِریو بُگُتِه؟ «

فیلیپُس بِشِ اِ ارابه دله و اِ وَربِنیشتِه، بعد حبشی و توضیح هِدا اِ که اشعیا اون قِسمت رِ درباره عیسی بِنِشتِه. فیلیپس قِسمتهای زیادی از کلوم خدا رِ اِو توضیح هِدااِ و عیسی انجیل پیام رِ او رِ بِرِسینِّیه.

در حالی که فیلیپُس و مرد حبشی پیش مِشِنِه، بِرِسینِه یک اِنّون اِو. مرد حبشی بُگُتِه: »هیشین اینجِه اِو دَرِ. آیا امکان دانِه تعمید بِیرم؟ « و به خوش خادِم دَسّور هِدااِ که ارابه رِ بِسِّنه.

پس اونا بِشِنِ اِو دلِه و فیلیپُس مرد حبشی رِ تعمید هِدااِ. وقتی او اِجا بوریم بِمِنِه، یَکدِفِه روح القدس فیلیپُس رِ بوردِه یک جای دیگه. فیلیپُس اونجه به موعظه درباره عیسی ادامه هِدااِ.

مرد حبشی خوش سَفِرِ خوش خونه طَرِف ادامه هِدااِ. او از اینکه عیسی رِ بِشناسیِّه خوشحال بِوِاِ