48. عیسی مسیحایِ موعود هَسِّنِه

وقتی خدا دنیا رِ بِوجود بیوردِه، همه چی کامل بِ اِ و گناه وجود نِداشتِه. آدم و حوا همدیگر رِ دوست داشتِنِه و عاشِق خدا بِنِ. هیچ مریضی و مرگی دِنِ. این همون دنیایی بِ اِ که خدا مِخاسِّه.

شیطون از طِریقِ دُم درازی که باغ دله دَوِاَ، حوا با حرف بِزِاَ، چون مخاسِّه او رِ گول بَزِنِه. بعد او و آدم گناه هاکردِنِه. بخاطر فرمون نَبردنِ اونا، همه مردم محکوم به بُموردن بِوِنِه.

حتی آدم و حوا اِ گناهِو اِتفاقِ وحشِتناکتِری پیش بِمِ اِ. اونا دَشمِن خدا بِوِنِ. پس از اون وقت تا الان همه گناه هاکردِنِه. هرکِس از وقتی به دنیا آنِه دشمن خدا هَسِّه. میون خدا و آدِما رابطه صلح دِنِوِاِ، ولی خدا مخاسِّه صلح برقِرار بِوِا.

خدا وعده هِدااِ یک نفر از نسل حوا شیطون سر رِ کوبونّونِه و شیطون اِ لِنگ کاب رِ نیش زِنِه. اِ معنی اینه که شیطون مسیح رِ کُشتِن، ولی خدا او رِ دُوارِه زنِّه هاکونِه. اونوقت مسیح موعود شیطون قدرِت رِ همیشِو از میون بُرِن. بعدِ سالهای زیاد، خدا آشِکار هاکُردِه که عیسی همون مسیحای موعود هَسِّه.

خدا نوح رِ دَسّور هدااِ تا یک کشتی بِسازِه تا خوش خونواده رِ از طوفانی که وانِ بَرِسه نِجات هادِ. به این صورت خدا کسایی رِ که به او ایمون داشتنِه نجات هِدااِ. به همین صورت همه آدِما خوش گناهانِو سزاوارِ مرگ از طرِفِ خدا هَسّنِه، ولی خدا عیسی رِ بِرِسیِه که هرکی به او ایمون بیورده، او رِ نجات هادِه.

تا صدها سال، کاهنا آدماو رِ به درگاه خدا قورونی هامِکِردِنِه. این کار مردُم رِ نشون هِدا اِ که گناه هاکُردنِه و سزاوارِ مجازات از طرِف خدا هَسّنِه. ولی اون قورونیها نَتونِسِّنِه باعث بُوَخشیِّنِ آدمای گناها بَوِن. عیسی کاهِنِ اعظم هَسِّه ا و کاری هاکردِه که کاهنا ناتِوون از انجام اون بنه. او خودش رِ فِدا هاکُردِه تا آدکای گناهانِو قربونی فراهم هاکونِه. او قِبول هاکردِه تا بخاطر گناهای همه آدِما مجازات بِوِو. هِمینِ خاطر عیسی کاهن اعظم هَسِّه.

خدا ابراهیم رِ بُگُتِه: »از طِریقِ تو تموم قِبیلههای دنیا رِ بَرِکِت دِمِّه. « عیسی ابراهیم نسل بابِ. اَ خدا همه قومهای دنیا رِ ابراهیم وسیله برِکِت دِنِه، چون هرکی که به عیسی ایمون اُوِرنِه، گناه با نجات پیدا هاکونِه. وقتی این مردم به عیسی ایمون اورِنِّه، خدا اونا رِ ابراهیم نسلِ دونِه.

خدا به ابراهیم بُفَرمیِه تا خوش پِسر اسحاق رِ اِ وِ قُروُنی هاکُنِه. ولی خدا وَرهای رِ اسحاق جا فراهِم هاکردِه تا قُورُنی بِوُ. اِ ما همه خوش گناهانِو سِزاوار مَرگِمی! ولی خدا عیسی رِ به دنیا بُوَختیِه تا جایِ اِ ما قُروُنی بِوُ و بمیره. همین خاطِر عیسی رِ خدایِ وَرِه گُومّی.

وقتی خدا آخِرین بِلا رِ مِصرِو بِرِسیِه، هر خونوادِه اسرائیلی رِ بُفَرمیِه تا یک وَرِه بَکُشِن. این وَرِه وانِه بی عِیب مِوِاِ. بعد اونا واسِه اِ خون رِ بالا و کِناره های خونه درِ چارچوب مِپاشینِه. وقتی خدا اون خون رِ مِدیِّه، اوشِن خونِه با رَد مِوِاِ و اوشِنِ اولی پِسِر رِ مِنِکُشتِه. وقتی این اتفاق دِکِتِه، خدا اون رِ پِسَخ نوم هاکُردِه.

عیسی عید پِسَخ وَرِه واری هَسِّه. او هیچ اِشتباهی نکِردِه بِ اِ و هرگز گناهی نَکِردِه. اون همون روزهای پِسَخ بُمُردِه. وقتی کسی به عیسی ایمون اورِنِه، عیسی اِ خون، اِ گناهای جِریمه رِ پرداخت هاکونِه. انگار خدا با مجازات نَکِردِن او اِ با گُذِرنِه.

خدا بنی اسرائیل با پِیمون دِوِسِه، برای اینکه اونا قومی بِنِه که او انتخاب هاکُردِه تا به او تعلق دارِن ولی حالا خدا پِیمون تازهای برقِرار هاکُردِه که همه دسترِس دَرِه. هرکی از هر قوم و قبیلهای اگِر این پیمون رِ قِبول هاکُنِه، به قوم خدا پیوسته بُونِه.

موسی پیغمبِری بِ اِ که خدا اِ کلوم رِ با قُدرِت زیاد اعلام هامِکِردِه. ولی عیسی مِهینتِرین پیغمبِرون هَسِّه. او حدا هَسِّه، پس هرچی او انجوم هِدا اِ و بُگُتِه، کارا و حرفهای خدا بِ اِ. همینِو هَسِّه که کتاب مقدس رِ خدا کلمه خونِّن.

خدا داودِ پادشاه رِ وعده هِدااِ که کسی از اِ نسل به عنوانِ پادشاه تا ابد بر قوم خدا حکومِت هاکونِه. عیسی خدا اِ پِسرِ و مسیحای موعود هَسِّه و او اون داود نسل هَسِّه که بتونِه تا ابد پادشاهی هاکونِه.

داود، اسرائیل پادشاه بِ اِ، ولی عیسی همه دنیای پادشاه هَسِّه! او دُواره آنِه و عدالت و صلح با تا ابد پادشاهی هاکونِه.