47. پولس و سیلاس در فیلیپی

سولس وقتی که در تمام امپراطوری روم سفر هامِکردِه، تصمیم بِگِتِه از خوش رومی نومِ جا که پولس بِ اِ، استفاده هاکُنِه. یک روز پولس و اِ رَفِق سیلاس بِشِنِه شهر فیلیپی تا خَوِرِ خوش عیسی رِ اعلام هاکُنِن. اوشِن بِشِنِه رودخونِه ور که خارج شهر دَوِاِ. مردم اونجِه جمع مِوِنِه دعا هاکُنِن. اونجه اوشن زنی به نوم لیدیِه رِ ملاقات هاکُردِنِه که تاجر بِ اِ. او خدا رِ دوس داشته و او رِ پرستش هامِکِرده.

خدا لیدیه رِ قدرِت هِدااِ که به عیسی ایمون بیورِه. پولس وسیلاس او رِ با خونوادِه تعمید هِدانِه. بعد او، پولس و سیلاس رِ دعوِت هاکردِه تا اِ خونه بُمونِّن و اونا اِ پییش بُمونِسِّنِه.

پولس و سیلاس اَغلِب جایی که یهودیا دعا هامِکِردِنِه، مِشنِه مردمُ ملاقات. اونجِه کنیزی دَوِاِ که روح ناپاکی داشت و هر روز اُشِن دِمّال مِشِ اِ. او با کُمِکِ اون روح پلید، آیِنده رِ مَردُمِو پیشبینی هامِکردِه و از این راه بِعنوانِ غِیبگو، سود زیادی خوش اَربابا اِ قسمت هامکردِه.

اون کنیز وقتی اوشِن راه مِشِنِه، داد مِزِاِ که: »این آقایون خِدمِتگزارانِ خدایِ متعال هَسِّنِه. اونا راهِ نَجات رِ شما رِ نِشون دِنِنِه. « او خَلِه روز این کارِ هاکُردِه تا اینکه حوصلِه پولس سَر بِمِ اِ.

عاقِبِت یک روز وقتی که اون کِنیز داد بِزِاِ، پولس رو به او هاکُردِه و به روح کثیفی که اِ دِله دَوِاِ بُگُتِه: »به نومِ عیسی این دِ تِرک وُجود بُوریم بورو روح کثیف. « همون دم او رِ وِل هاکُردِه.

عاقِبِت یک روز وقتی که اون کِنیز داد بِزِاِ، پولس رو به او هاکُردِه و به روح کثیفی که اِ دِله دَوِاِ بُگُتِه: »به نومِ عیسی این دِ تِرک وُجود بُوریم بورو روح کثیف. « همون دم او رِ وِل هاکُردِه.

بِنابراین اربابای اون کنیز، پولس و سیلاس رِ بُوُردِنِه مِقاماتِ رُومی پیش. اونا پولس و سیلاس رِ کُتِک بِزِنِه و اونا رِ بُوُردنِه زندون.

اونا پولس و سیلاس رِ دُم بِدانِه اون قسمِتِ زندون که ویشتِرین نِگهبون رِ داشتِه. اونا اوشِن لِنگا رِ هم با مِهین تکههای چو اِ با دِوِسُنِه. با این همه اوشِن نصفههای شو سرودهایی در ستایِش و پرستش خدا مُخُنّینِه.

ناگِهون زلزِلِه شِدیدی بِمِ اِ! تمومِ درای زندون وا بِوِاِ و زنجیرایِ همه زندونیها بِکِتِه.

پس زندونبان بیدار بِوِاِ و بِدیِّه که زندونای در وا بِوِاِ. او فکر هاکُردِه همه زندونیا فِرار هاکُردِنِه و از ترس مجازاتِ مرگ وسیلِ مِقامات رومی، تصمیم بِگِتِه خوشتِن رِ بَکُشِه. ولی پولس او رِ بِدیه و داد بِزِاِ: »خوشتِن رِ صدمِه نزن! اِما همه اینجِه دَرِمی. «

زندونبان با ترس و لرز بِمِ اِ و سیلاس پیش و بُپُرسیِّه: »چُکُنِم تا نِجات پیدا کُنِم؟ « پولس جواب هِدائِه: »عیسی اِ خدا اِ با ایمون بیور. بعد تو و ته خونِوادِه نِجات پیدا هاکونّی. « بعد زندونبان، پولس و سیلاس رِ بُوُردِه خوش خونه و اُشِن زخما رِ بُشُشتِه. پولس خَوِر خوش عیسی رِ همه کسونی که اِ خونِه دَوِنِه، موعظه هاکُردِه.

اون زندونبان و اِ همه اِ اعضای خونواده به عیسی ایمون بیّوردِنِه و پولس و سیلاس اونا رِ تعمید هِدانِه. اونوقت زندونبان پولس و سیلاس غِذا هِدااِ و اونا با هم شادی هاکُردِنِه.

روز بعد رهبرای شهر، پولس و سیلاس رِ از زندون آزاد هاکُردنِه و اوشِن با مِخواسِّنِه تا فیلیپی رِ ترک هاکُنِن. پولس و سیلاس بِشِنِه لیدیه دیدِن و چندتا از خوش رُفَقا و بعد شهر رِ ترک هاکُردِنِه. خور خوش در مورد عیسی هَمِنتی گُستِرِش پیدا هامِکِردِه و رشد مِکِردِه.

پوس و رهبرای دیگر مسیحی به شهرهای زیادی سَفِر مِکِردِنِه. اونا درباره خَوِر خوش عیسی تعلیم مِدانِه و موعظِه هامِکِردِنِه. اونا نامههای خلِه زیادی هم مِنِشتِنِه تا ایموندارا رِ کلیسا دله تعلیم هادِن و تشویق هاکُنِن. بعضی از این نامهها تبدیل بِوِاِ به کتابهایی از کتاب مقدس.