1. یارادیلیش

خودای باشْدا بارْچا زادی شِیْلِه یاراتْدی: اُل جاهانی وَ بۆتین موجوداتْلاری آلْتی گۆنْدِه یاراتْدی. خودای یِری یارادان سُنگ، هیچ بیر زادا شِکیل بِرمأنْدی شُنینگ اۆچین بۆتین یِرْلِر بُشْلیق وَ قارانگْقیلیقْدی وَ خوداینگ روحی سولانگ یۆزینْدِدی.

اُنْسُنگ خودای: »یاغْتیلیق بُلْسین« دیدی وَ بُلْدی. خودای یاغْتیلیغینگ قُوْدیغْنی گؤریب یاغْتیلیغی گۆنْدیز وَ قارانگْقیلیغی گیجِه دیب آدْلانْدیرْدی. خودای یاغْتیلیغی ایلْکینْجی گۆن یاراتْدی.

ایکینْجی گۆنْ، خودای دیدی: »فِلِک، سوْلانگ اۆستینْدِه پِیْدا بُلْسین« وَ شِیلِه بُلْدی. خودای اُنینگ آدینا آسْمان قُیْدی.

اۆچینْجی گۆن خودای دیدی: »قوریلیق پِیْدا بُلماغی اۆچین آسْمانینگ آشاغینْداقی سولار بیر یِرِه جِملِنْسین وَ شِیْلِدِه بُلْدی«. خودای قوریلیغا »یِر«، سولیغا »دِنگیز« دیب آدْلانْدیرْدی. خودای یارادان زاتْلارْنینگ قُوْدیغْنی گؤرْدی.

سُنگْرا خودای: »هِر هیلی اؤسیمْلیکلِر و آغاچْلار یِردِن اؤنْسین دیدی« و شِیْلِه بُلْدی. خودای یارادان زاتْلارْنینگ قُوْدیغْنی گؤردی.

دؤرْدینْجی گۆن خودای »آسْمانْدا یاغْتیلیق پِیدا بُلْسین« دیدی. شِیْدیب آیْ گۆن وَ ییلْدیزْلاری دؤرِتْدی وَ یِرِه یاغْتیلیق بِرْمِک اۆچین آسْمانْدا یِرلِشْدیرْدی. شِیْلِلیک بیلِن گیجه گۆنْدیز، پاصیلْلار وَ ییلْلار بِلْلی بُلْدیلار. تانگری یارادان زاتْلارْنینگ قُوْدیغنی گؤرْدی.

بأشینْجی گۆنْ خودای دیدی: »دِنگیز، بالیقْلاردان دُلْسین وَ قوشْلار آسْماندا اوچْسینْ« وَ شِیْدیب بالیقْلاری وقَوشْلاری یاراتْدی. خودای یارادان زاتْلارْنینگ قُوْدیغْنی گؤرْدی وَ بِرِکِت بِرْدی.

آلْتینجی گۆن خودای »یِر یۆزی هِر هیلی جانْدارْلارْدان دُلْسین« دیدی وَ شِیْلِدِه بُلْدی. اُلار حایْوانْلار، یابانیلار، سۆیْرِنْجیلِر و مؤجِجیکْلِرْدی. خودای یارادان زاتْلارْنینگ قُوْدیغْنی گؤرْیب بِگِنْدی.

اُنْسُنگ خودای دیدی: »اینْدی بیز اینْسانی اؤز صوْراتیمیزا منگْزِش یارادایْلی، قُیْ اُلار یِر یۆزینْدأکی بارْچا جانْدارْلارا حُکم سۆرْسینْلِر. «

شُنْدا، خودای بیر قیسیم تُپْراقْ آلْدی وَ آدام صوراتی اِدیب اُنگا دیریلیک نِفْسینی اوفْلِدی. خودای اُنگا آدام دیب آدْلانْدیرْدی و ساقْلاب یاشاماقْلیغی اۆچین اُنگا اولی باغ آمادا اِتْدی.

خودای باغْدا ایکی سانی اۆیتگِشیک آغاچ یِرْلِشْدیرْدی، بیری دیریلیک، اُل بیریسی یاغْشی یامان سایْغاریش آغاجیدی. خودای آداما دیدی سن باغْداقی ایسألن آغاچْلانگ میواسیندان ایب بیلِرْسینگ، یؤنِه یاغْشی یامان سایْغاریش آغاجینینگ میواسینْدان ایمِگین یُغسا اؤلِرسینگ.

خودای دیدی: »آداما یِکِلیک یاغْشی دأل. « چۆنْکی حایْوانلار آداما بیر قُوْی یۆرکْدش بُلیب بیلْمِیأرْدیلِر.

شُنگا گؤرأ خودای آدامی آغیر اوقا باتیرْدی. اُنْسُنگ قافیرغاسینینگ بیرینی آلیب اُنْدان بیر عایال یاراتْدی و آدامینگ یانینا گِتیرْدی.

آدام اُنی گؤریب »بو مِنْدِن آلینْدی وَ مانگا مِنگْزِش، اُنینگ آدینا عایال داقاین« دیدی. شُنگا گؤرا اِرکِک اِنه آتاسیندان آیْریلیب عایالی بیلِن بیرلِشیأر و اُلارینگ ایکیسی بیلِه بیر تِن بُلیارْلار.

شِیدیب خودای اؤزینِه منگْزِش أر بیلِن عایال یاراتْدی. اُلارا »دُغْریب دؤشأب یِرده کؤپِلینگ دیب بِرِکِت بِرْدی«. خودای یارادان زاتْلارْنینگ قُوْدیغْنی گؤرْدی. بولار آلْتینْجی گۆنده بُلْدی.

یِدینْجی گۆنینگ گِلمِگی بیلن خودای یارادیلیش ایشْلِرینی قوْتاریب اُنگا بِرِکِت بِرْدی و مُقَدِّس گۆن دیب بِلْلِدی. سِبأبی خودای، یارادیلیش ایشلِرینی قوْتاریب، دینچ تاپان گۆنیدی. شِیْدیب خودای جاهان بیلِن بارْچا ماخْلوقاتْلارْنی یاراتْدی.