2. گۆنأهینگ دۆنیأ گیریشی

آدام بیلِن حَوّا خودایینگ اۇلار اۆچین دؤرِدِن گؤزِل باغینْدا خُشْلیق بیلن یاشایارْدیلار. اُلار یالانگاچْ بُلْسالارْدا اُنْدان اوتانچْلاری یُقْدی، سِبأبی هِنیز گۆنأ دۆنْیأ گیرْمأندی. اُلار کؤپْلِنچ باغْدا گِزِرْدیلِر و خودای بیلِن گپْلِشِرْدیلِر.

یؤنه اُل باغْدا بیر آلْداغْچی ییلان بارْدی. اُل ییلان عایالْدان سُرادی: »خودای سیزی باغْداقی آغاچْلانگ میواسینْدان ایمِگی قاداغان اِدِنی دُغْریمی؟

عایال دیدی: »بیز دینگه یاغْشی یامان سایْغاریش آغاجینْدان باشْغا، بارْچا آغاچْلانگ میواسینی ایب بیلیأریس. خودای بیزِه دیدی: »شُل آغاجینگ میواسینی ایسِنگیز یا اُنگا اِلْ دِگیرسِنگیزْ حؤکْمان اؤلِرسینگیز. «

ییلان عایالا: »بو دۇغْری دأل! سیز اؤلمِرسینگیز. خودای سیز شُل باغینگ میواسینْدان اییِن چاغینگیز اِدیل اؤزی یالی یاغْشی یامانی سایْغارْجانگْیزی بیلْیأر. «

عایال اُل آغاجینگ میواسینی اؤرأن آوادان گؤرْدی وَ گؤوْنینه طاغامْلی گِلْیأردی. اُل بارْچا زادی بیلِسی گِلِنْسُنگ، آغاچْدان بیر میوا ییغیب ایدی اُنسُنگ أرینه بِرْدی، اُل هِم ایدی.

اۇنْدان سُنگ بیرْدِن گؤزلِری آچیلْدی و اؤزْلِرْنینگ یالانگاچْدیغْنی بیلْدیلِر. آدام بیلِن عایالی آغاجینگ یاپْراقْلاری بیلِن یالانگاچ یِرْلِرینی یاپْجاق بُلْدیلار.

اُنْسُنگ آدام بیلِن عایالی خودایینگ باغْدا گِزیب یؤرکأ سِسینی اِشْدیلر. خودای دیدی: »آدام سِن نیرِدِه؟ « آدام دیدی: »باغدا سِسینگی اِشْدیم وَ یالانگاچ بۇلانیم اۆچین قُرْقیب گیزْلِنْدیم. «

اُنْسُنگ خودای سُرادی: »کیم سانگا یالانگاچ دیدی، ایمِه دییِن آغاجیمینگ میواسینْدان ایدینگْمی؟ « آدام دیدی: »شو مانگا بِرِن عایالینگ، شُل میوادان مانگا بردی. « اُنْسُنگ خودای اُل عایالْدان سُرادی: »نأمۆچین بو ایشی اِتْدینگ؟ « عایال دیدی: »مِنی ییلان آلْدادی. «

خودای ییلانا دیدی: »سِن قارْغیشْلی بُلدینگ، هِمیشه قارنینگ اۆستۆنده سۆیْرِنیب، تُپْراقْدان ایمیتْلِنِرسینگ. سِن بیلِن عایال بیر- بیرینگیزی ییگْرِنِرْسینگیز و سِنینگ نِسلینگ بیلِن عایالینگ نِسلینینگ آراسینا دوشْمانْچیلیق سالارین. عایالینگ نِسلینْدِن بیری باشینگی اُوْرادار، سِنْدِه اُنینگ اؤگْجِسینْدِن چاقارْسینگ. «

اُنسُنگ خودای عایالا دیدی: » اُغْلان بورینگی اؤرأن آغیر اِدِرین وَ سِن أرینگه گؤوینْلی بۇلارسینگ و اُل سِنی اؤز اِرْکینه آلار. «

خودای اِرکِگِه دیدی: »عایالینگ گِپینه گیدیب مِنْدِن باش دۇلادینگ، اینْدی تُپْراغی قارغاریس و سِن کؤپ زَحْمِتِلِر بیلِن ایمیتْلِنِرسینگ. سۇنگْدا هِم اؤلِرسینگ و جیسمینگ تُپْراغا اؤوریلِر. « آدام عایالینا حَوّا، دیمِک یاشایش بِریجی دیب آدْلانْدیرْدی، سِبأبی اۇل بارچا اینْسانْلانگ اِنِسی بُلْمالیدی. خودای اُلاری حایْوانْلانگ دِریسیندِن بُلان اِشیکْلِر بیلِن گِیینْدیرْدی.

اُنْسُنگ خودای دیدی: »اینْدی اینْسان بیز یالی بُلیبْدیر و یاغْشی یامانی سایْغارْیار، باقی یاشاماز یالی دیریلیک آغاجینینگ میواسینی ایدیرْمِلی دأل. « خودای دیریلیک آغاجینینگ میواسینْدان ایب بیلْمِزلِر یالی باغینگ قاپْسینینگ آغْزینْدا گۆیچْلی پریشْتِلِری یِرلِشْدیرْدی.