3. سیل

ییلْلانگ گِچْمِگی بیلِن انْسانْلانگ سانی یِر یۆزینْدِه کؤفِلْدی، اُلُر اؤرأن بِد پأل و آزْغین بُلْدیلار، خودای مونی گؤریب بۆتین دُنْیانی گۆیچْلی سیل بیلِن یُق اِتْمِکْچی بُلْدی.

یؤنه اُلُرینگ آراسینْدا نوح آدْلی بیر تاقْوا کیشی یاشایارْدی اُل خودایینگ سؤیِن بِنْدِسیدی. خودای نوحا سیل بیلِن دُنیانی یُق اِتْجِکْدیگینی آیتْدی و اُنگا بیر اولی گأمی بِجِر دیدی.

خودای نوحا بِجِرْجِک گأمینگ۱۴۰مِتر اوزینْلیغی، ۲۳مِتر گینگْلیگی، ۱۳مِتر یاریم بِییکْلیگی بُلْسین دیدی. نوح گأمینی اۆچ طَبَقهلی و سِرْوی آغاجینْدان بِجِرْمِلْدی. گأمینگ اۆچِگی، کأن اُتاقْلاری و هِر اُتاغْنینگ پِنْجِرِسی بُلْمُلیدی. بِجِریلْجک گأمی، نوحی، ماشْغالاسینی یِنه یِرْده یاشایان حٰیْوانْلاری سیلْدان قُرُمُلْدی.

نوح و اۆچ اُغْلی، خودایینگ بویْریق اِدیشی یالی بیر گأمی بِجِرْدیلِر. گأمی اؤرأن اولی بُلُنْسُنگ بٍجِریلْیانْچأ کؤپْلِرْچِه ییل زامان آلْدی. نوح آدامْلارا سیل گِلْجِکْدیر، سیز خودایا اؤوریلینگ دیدی، یؤنه اُلُر اُنینگ سؤزینه اینانْمادیلار.

خودای نوح و ماشْغالاسینا، اؤزْلِرینه یِنِه حٰیْوانْلارا یِتِرْلیک ایگی-ایچگی آلْ دیدی. بار زات تِیّارْلانانْدا خودای نوحا اینْدی سٍکیز کیشی دییْمِک اؤزی، ماشغالاسی، اۆچ اُغْلی، گِلینْلِری بیلِن گأمأ مینْینگ دیدی.

خودای نوحا، گأمیدِه سیلْدان آمان قالار یالی هِر هیلی حٰیْوانْدان بیر جۆبیت اِرْکِک و اورْقاچی ایبِرْدی. خودای یِنه قُربانْلیق اِتْمِک اۆچین یِدی جۆبیب اِرْکِک و اورقاچی مال ایبِرْدی. گأمأ گیرِنْلِرینْدِن سُنگ خودای گأمینگ قاپْسینی یاپْدی.

قیرق گۆنْألب دینگْمأنی یاغین یاغْدی یِر یورتْلار دُلیب داشیب، بِییک داغْلار هِم سیلینگ آشاغینا گیردیلر.

گأمی سووینگ اۆستینْده قاییب دوریبِرْدی و اُنینگ ایچینْدأکی اِنْسانْلار و حٰیْوانْلارْدان باشْغا، یِر یۆزینْدأکی بۆتین جانْدارْلار غٰرق بُلدیلار.

یاغین دینگِنْدِن سُنگْ گأمی بأش آیْلاب سووینگ اۆستینْدِدی، سولار آز−آزْدان چٍکیلیب باشْلابْدی. گأمی بیر گۆن بیر داغینگ باشینْدا دورْدی. دُنیا هِنیز سووینگ آسْتینْدادی، اۆچ آیْدان سُنگْ داغْلارینگ باشی گؤرینْدی.

نوح قیرْق گۆن گِچِنْدِن سُنگ قوری یِر تاپْماق اۆچین بیر قارْغانی اوچیریب گؤیْبِرْدی. قارْغا قوری یِر تاپْمانی گِلْدی.

اُنْسُنگ بیر کِبْدِری ایبِرْدی یؤنه اُل هِم قوری یِر تاپْمانی گِلْدی. یِدی گۆن سُنگ یِنه کِبْدِری ایبِرْدی بو گِزِک کِبْدِر زِیْتونینگ بیر یاپْراغی بیلِن گأمأ دُلُنیب گِلْدی. سولار چِکیلیب، اُتْ-چؤپْلِر اؤسیبْدیلِر.

نوح یِدی گۆن قاراشیب اۆچینْجی گِزِک یِنه کِبْدِری ایبِرْدی. بو گِزِک کِبْدِر ایزینا دُلُنْمادی. سولار ماخول چِکیلیب کِبْدِر قُنْماغا یِر تافیبْدی.

ایکی آیْدان سُنگ خودای نوحا: »ماشْغالانگی و حٰیْوانلاری گأمیدِن آلیب چیق و دُغْروب دؤشأب بۆتین یِر یۆزینْدِه یایْرانگ« دیدی. اُنْسُنگ نوح بیلِن ماشْغالاسی گأمیدِن چیقْدیلار.

نوح گأمیدِن چیقیب داماق چالارْ بیر یِر بِجِرْدی و نیِّتْألب گتیرن حٰلال حٰیْوانلارْدان خودایا قُربانْلیق اِتْدی. خودای نوحینگ ایشینْدِن خُش بُلْدی و اُنینگ نِسْلینی یالْقادی.

اُنْسُنگ خودای شیْلِه عَهد اِتْدیْ: »مونْدان سُنگ انسانینگ یامانلیغی اوچین یِری قارْغاب سیل بیلِن یُق اِتْجِک دألْدیرین هر نأتْسِنگ انسانینگ یۆرِگی چاغالیقْدان گُناهْلیدیر. «

خودای اؤز عَهْدینینگ نِشاناسی دیب، آسْمانْدا ایلْکینْجی عألِم قُشُری دؤرِتْدی. هاچانْدا آسْمانْدا عألِم قُشُر گؤرْنِنْده، خودای و اُنینگ بندهلِری، اِدِن عَهْدینی یادْلایارْدیلار.