25. شیطانینگ عیسیٰنی آزْدیریشی

عیسیٰنی تعمیددِن سوُنگ، خداینگ روحی اوُنی دِرْرِو چؤله آلیب گیتْدی. اوُل یِرْده قیرق گیجه گۆنْدیز آغیز بِکْلِدی. شوُنْدا شیْطان عیسیٰنینگ یانینا گِلیب اوُنی گناه اِتْمأگه سینانیشْدی.

آزْدیریجی شیطان عیسیٰ دیدی: »سِن خداینگ اوُغْلی بوُلْسانگ بو داشْلارا ایب بیلِر یالی چؤرِک بوُل دی! «

عیسی جوُغاب بِرْدی: خداینگ کِلامینْدا یازیلیبْدیر: »انسان دیری قالْماق اۆچین دینگه چؤرِگه محتاج دأل بِلْکه خداینگ آغزینْدان چیقان هر بیر سؤزه! «

سوُنگْرا شیطان اوُنی عبادتْخانهنینگ اینگ بِیک یِرینه اِلْتیب دیدی: خداینگ اوُغْلی بولْسانگ اؤزینگی شو یِرْدِن آشاق تاشْلا؛ سبأبی مقدّس کتاب آیدْیار: »آیاغینگی داشا دِگْیرْمِزلیک اۆچین خدای فرشتهلِرینه سِنی گؤتِرْمِگی بویورار. «

یؤنه عیسی شیطانینگ آیدانْلارینی اِتْمِدی و جوُغاب بِرْدی: خدای کلامینْدا اؤز خٰلْقینا شِیْله بویْروق بِرْدی: »خداینگیزی سینامانگ. «

سوُنگْرا شِیطان اوُنی بِیک داغینگ باشینا چیقارْدی و بۆتین دنیا یۆرتْلارینی و اوُلارینگ گۆیجینی و بایْلیغینی گؤرْکِزیب دیدی: »دیزا چؤکیب مانگا عبادت قیلْسانگ بولارینگ همّهسینی سانگا بِرِرین. «

عیسیٰ جوُغاب بِرْدی: »مِنْدِن اوزاق دور ای شیطان! « خدای کلامینْدا اؤز خٰلْقینه شِیْله بویْروق بِرْدی: »دینگه خداینگیزی عبادت اِدینگ و یالْنگیز اوُنگا قولْلیق قیلینگ. «

عیسیٰ آزْدیریجی شیْطانینگ دوزاغینا دۆشْمِدی. شیطان عیسیٰنی تِرک اِتْدی و فرشتهلِر گِلیب عیسیٰ قولْلیق اِتْدیلِر.