24. یوحنانینگ عیسیٰنی تعمید اِدیشی

زکریا و الیزابتینگ اوُغْلی یوحنا اولالْدی و پیغامبِرلیگه سایْلاندی. چؤلْده یاشارْدی و چؤل بالینی و چِکیرتْگه اییِرْدی و دۆیه یۆنگینْدِن اِشیک گِیِرْدی.

کؤپ آدٰمْلار چؤله یوحنانینگ یانینا گِلیب اوُنینگ سؤزْلِرینی دینگْألرْدیلِر. اوُلار اۆچین وعظ آیدیب دییِرْدی: »توبه اِدینگ سبأبی خداینگ پادشالیغی یاقینْدیر. «

آدٰمْلار یوحنانینگ سارغیتْلارین اِشیدنْده، کؤپْسی گناهلِریندِن توبه اِدِرْدی و یوحنا اوُلاری سو بیلِن تعمید بِرِرْدی. کؤپ دین یولْباشْچیلاری هم یوحنانینگ یانینا گِلِرْدی، یؤنه گناهلِرینه اقرار اِتْمأنی توبه اِتمِرْدیلِر.

تعمیدچی یوحنا دین یوُلْباشْچیلارینا دیدی: »ای زَهرْلی ییلانْلار! توبه اِدینگ و بو بولْشینگیزی اۆیتْگِدینگ. خدای یاغْشی میوه بِرْمِدیک هر بیر آغاجی کِسیب اوُدا تاشْلار. « یوحنا، پیغامْبِرْلِرینگ وِلیلیگینی سوُنگْلادی اوُلار دیبْدیلِر: »باق، من اؤز ایلْچیمی سانگا یوُل آچْماق اۆچین سِنْدِن اؤنگینْچه ایبِرِرین . «

کأ بیر دینی یوُلْباشْچیلار یوحنادان سوُرادیلار: »سِن مسیحْمینگ؟ « یوحنا دیدی: »من مسیح دأل، یؤنه مِنْدِن سوُنگْرا اوُرنی مِنْدِن خاص بِیک بیری گِلِر. اوُل قٰدٰر کی من اوُنینگ آیاق قابینینگ کؤجِیمِسینی هم آچْماغا لایق دأل. «

اِرْتِسی گۆن عیسی تعمید اِتْمِک اۆچین تعمیدچی یوحنانینگ یانینا گِلْدی. یوحنا اوُنی، گؤریب دیدی: »بو بۆتین جٰهانینگ گناهسینی آیْریجی خداینگ قوزیسیدیر. «

تعمیدچی یوحنا عیسیٰ دیدی: »من سیزی تعمید بِرْمأگه لایق دأل اِیْسِم من سیزْدِن تعمید آلْمالی. « یؤنه اوُل دیدی: »مِنی تعمید بِر سبأبی بو دوُغری ایشْدیر. « شِیْلِلیک بیلِن عیسی هیچ هاچان گناه اِتْمِسِده یوحنا اوُنی تعمید بِرْدی.

عیسی تعمیددِن سوُنگ سودان چیقانْدا، خداینگ روحی بیر کِبْدِر کِمین پِیْدا بوُلیب آشاق اینیب اوُنینگ اۆسْتینْده یِرْلِشْدی، شوُنْدا خداینگ سِسی آسْمانْدان گِلْدی: »بو مِنینگ سؤیْیأن اوُغْلیم و گؤوین خوُشیمْدیر. «

خدای یوحنا آیْدیبْدی: »مقدس روح سِنینگ تعمید بِرْجِک کیشینگیزه گِلِر. اوُل کیشی خداینگ اوُغْلیدیر. « خدای یکه تأکْدیر، یوحنا عیسیٰنی تعمید بِرِنْده آتا خُداینگ سِسینی اِشیتْدی. و خدای اوُغْلی، عیسیٰنی و مقدس روحی کِبْدِری گؤرْنیشینْده هم گؤرْدی.