23. عیسیٰنینگ دوُغولْشی

مریم یوسف آدْلی دوُغْروچیل و خوُشْ سیراتْلی بیر کیشأ آداغْلانیبْدی. یوسف مریمینگ گؤوْرِلیدیگْنی بیلِدی. اوُل چاغانینگ، اؤزینْدِن دألدیگینی بیلْیأرْدی. یوسف مریمینگ آبْراینی دؤکْمِجِک بوُلیب، گپ گۆرْرینگْسیز اوُنْدان آیْریشْماقْچی بوُلْدی. یؤنه اوُل ایشی اِتْمأنْکأ دۆیشینْده بیر فرشته گؤرْدی.

فرشته یوسفه دیدی: »مریم بیلِن دورْمیش قورْماقْدان قوُرقْما، اوُنینگ گؤوْرِسینْدأکی چاغا مقدّس روحْدانْدیر. مریم بیر اوُغیل دوُغورار، اوُنینگ آدینا عیسیٰ )قوتاریجی یهوه( داقارْسینگ سبأبی اوُل آدٰمْلاری گناهلِرینْدِن قوتارار. «

شِیْدیب یوسف مریم بیلِن اؤیْلِنْدی و اوُنی اؤیْنه أکیتْدی. یؤنه چاغا دوغْیانْچا اوُنینگ بیلِن یاتْمادی.

مریمینگ سوُنگْقی گؤوْرِلی گۆنْلِرینْده روم امپراطوری آدامْلاری ساناماق اۆچین هر کیم آتا بابا یورْدینا بارْماغی بویورْدی. یوسف بیلِن مریم ناصره شهْرینْدِن بیت لحمه چِنْلی اوزاق یوُل یؤرِمِلی بوُلْدیلار، سِبأبی اوُلارینگ جِدّی داود پادشاه و شهرْلِری بیت لحِمْدی.

مریم بیلِن یوسف بیت لحْمه بارانْلارینْدا قالْماغا یِر تاپْمادیلار. اوُلارینگ قالیب بیلْجِک یِری دینگه حیوان ساقْلانیان بیر یاتاقْدی. شوُل یِرْده مریم چاغا دوُغورْدی و اوُنی آخورْدا یاتیرْدی. سبأبی یاتیرْماغا یِرْلِری یوُقْدی. اوُلار اوُنینگ آدینی عیسیٰ داقْدیلار.

شوُل گیجه چوپانْلار چؤلْده سۆریلِرین قورارْدیلار. بیرْدِن اوُلارینگ آراسینْدا بیر نورْلی فرشته پیدا بوُلْیب اوْلاری قاتی قوُرقا سالْدی. فرشته اوُلارا دیدی: »قوُرقْمانگ، سبأبی مِنینگ سیزِه بیر خوُش خٰبٰریم بار. وعده بِرْلِن مسیح یعنی خُدای، بیت لحمْده دوُغولْدی! «

»گیدینگْده شوُل چاغانی گؤزْألنگ، قونْداغا دولانان و آخورْدا یاتیرْلان بیر چاغانی گؤرِرْسینگیز. « بیرْدِن کؤپ سانْلی جنّت فرشتهلِری شوُل فرشته بیلِن بیرْلِشْدیلِر. اوُلار خدایا آلْقیش آیتْدیلار و دیدیلِر: »آسْمانْلاردا خدایا بِیکْلیک بوُلْسین و خداینگ مِرْحِمت اِدِن آدٰمْلاری اۆچین یِرْده دینچ و پاراخاتْلیق بوُلْسین! «

سوُنگ فرشتهلِر اوُلاری تِرک اِتْدیلِر، چوُپانْلار هم سۆریلِرینی عیسیٰنینگ بوُلْیان یِرینه آلیب گیتْدیلِر و فرشتهنینگ آیْدیشی یالی بیر چاغانینگ یاتاقْدا یاتانْدیغینی گؤرْدیلِر و قاتی توُلْغینْدیلار. چوپانْلار سۆریلِرنینگ یانینا قایْدیب گِلیب، گؤریب اِشیدِنْلِری اۆچین خدایا کؤپ شکر اِتْدیلِر.

شوُنْدان سوُنگْ گۆن دوُغارْ یورْدینْدا یاشایان منجم و عالم بوُلان کیشیلِر آسمانْدا بیر عجایب یلْدیز گؤرْدیلِر. اوُلار یهودینگ تأزه پادشاسی دوُغولانْدیغینی بیلْدیلِر. شِیْلِلیک بیلِن بو چاغانی گؤرمِک اۆچین اؤز یورتْلارینْدان اوزاق یولْلاری آشْدیلار. اوُلار بیت لحمه گِلیب عیسیٰنینگ انه آتاسی بیلِن یاشایان اؤیْنی تاپْدیلار.

شوُل عالم آدٰمْلار عیسیٰ بیلن اِنهسینی گؤرِنْلِرینْده دیزا چؤکیب اوُنی عبادت اِتْدیلِر. اوُلار عیسیٰ بٰهالی سوغاتْلار بِرْدیلِر. سوُنگ اؤیْلِرینه قایتْدیلار.