22. تعمیدچی یوحنانینگ دوُغولْشی

ایرْ ایّامْدان بأری خدای اؤز خٰلْقی بیلِن پیغامبِرلِری آرْقالی گۆرْلِشرْدی. خداینگ اؤز خٰلْقی بیلِن گۆرلِشْمِدیگینْدِن۴۰۰ییل سوُنگ بیرْدِن خداینگ فرشتهسی زکریا آدْلی بیر قارری روحانیه گؤرینْدی. اوُنینگ اؤزی و عیالی الیزابت، خدایْلیقْلی آدٰمْدیلار. اوُلارینگ یاشی اولیدی و الیزابت چاغالی بوُلْمایارْدی.

خداینگ فرشتهسی زکریاغا دِیدی: »عیالینگ بیر اوُغیل دوُغْرار. سیز اوُنینگ آدینا یوحنا داقارْسینگیز. خدای اوُنی روحی بیلِن دوُلْدیرار و یوحنا، خٰلقی مسیحینگ گِلْمِگینه تییّارْلار. « زکریا جوُغاب بِرْدی: »عیالیم ایکیمیز چاغالی بوُلْماغا بِتِر قارْری! « مانگا حقیقتی آیدیانْدیغینگی نأدیب بیلِرین!

خداینگ فرشتهسی شِیْله جوغاب بِرْدی: »مِن بو خوُش خٰبٰری سیزه یِتیرمِک اۆچین خدای طٰرٰفینْدان ایبِریلْدیم. منینگ سؤزلِریمه اینانْمادیغینگ اۆچین شوُل چاغا دوُغُینْچا گۆرْلِمِک گۆیجینگی اِلْدِن بِرِرْسینگ و شوُنْدان سوُنگ زکریا گۆرْألب بیلْمِدی. سوُنگْرا خداینگ فرشتهسی زکریانینگ یانینْدان گیتْدی، زکریا اؤیْنه دوُلانْدی کؤپ وٰقت گِچْمأنْکأ عیالی گؤوْرِلی بوُلْدی.

الیزابت آلْتی آیْلیق گؤوْرِلیکأ هألْکی فرشته بیرْدِن الیزابتینگ مریم آدْلی قارینْداشینا گؤرینْدی. اوُل قیزْدی و یوسف آدْلی بیر کیشأ آداغْلانیبْدی. فرشته اوُنگا دیدی: »سن گؤوْرِلی بوُلارْسینگ و بیر اوُغیل دوُغورارْسینگ و اوُنینگ آدینا عیسی داقارْسینگ. اوُل قادر خداینگ اوُغْلی و حُکمْدارْلیغی اِبِدی بوُلار. «

مریم دیدی: »منینگ قیز حالیمه بو نأهیلی بوُلیب بیلِر؟ « فرشته دۆشینْدیرْدی: »مقدّس روح سیزه گِلِر و خداینگ گۆیجی سانگا کؤلْگه سالار. شوُنینگ اۆچین شوُل اوغْلانا مقدّس اوُغیل و قادر خداینگ اۏغْلی دیلِر. « مریم شوُل فرشتهنینگ سؤزْلِرینه اینانْدی و آیدانْلارین قبول اِتْدی.

بو واقعهدِن آز وٰقت سوُنگ مریم الیزابتینگ اؤیْنه گیتْدی. الیزابت مریمینگ سلامینی اِشیدِن بادینا چاغا اوُنینگ گؤوْرِسینْده حرکت اِدیب باشْلادی. خداینگ اوُلار اۆچین اِدِن ایشْلِری سِبأبْلی اوُلار قاتی بِگِنْدیلِر. مریم اۆچ آی یالی الیزابتینگ یانینْدا قالدی و سوُنگ اؤیْنه قایْدیب گِلْدی.

بو واقعهدن سوُنگ الیزابت بیر اوُغول دوُغورْدی. اوُل و زکریا فرشتهنگ آیْدیشی یالی چاغانگ آدینا یوحنا داقْدیلار. سوُنگْرا خدای زکریانینگ دیلینی یِنه آچْدی و زکریا دیدی: »خدایه شکر سِبأبی اوُل اؤز خٰلْقینا کمک اِتْمأگه هوُۏلیقْدی! ای اوُغْلیم، قادر خداینگ پیغامبِری دیب تانالارْسینگ و آدٰمْلارا گناهلِری اۆچین نأهیلی باغشْلانْماغینی آیْدیب بِرِرْسینگ! «