21. خدای مسیحینگ گِلْمِک وعدهسینی بِرْیأر

خدای یارادیلیشْینگ باشینْدا، کؤپ وقت سوُنگ مسیحی ایبِرجِگینی یاغْشی بیلِرْدی. اوُل آدم بیلِن حوّا بو ایشی اِتْجِگینی وعده بِریبْدی. خدای حوّانگ نِسْلینْدن بیری گِلیب ییلانینگ کِلّهسینه اورْجاغینی وعده بِرْدی. حوّانی آلْدان ییلان شیطانینگ اؤزیدی. مسیحینگ شیطانی دوُلی یِنگْجِگی وعده بِریلْدی.

خدای ابراهیما اوُنینگ بیلِن دنیانینگ بۆتین خٰلقْینی یالْقاجاغینی وعده بِرْدی. خدای مسیحی ایبِرْمِک بیلِن بِلْلی بیر وٰقتْدان سوُنگ بِرِن وعدهسینی یِرینه یِتیرْدی. مسیح دنیادأکی هر ایلاتینگ آدٰمْلارینی گناهلِرینْدِن خٰلاص اِتْمِلیدی.

خدای موساغا گِلْجِکْده اؤزی یالی بیر قوتاریجی گِلْجِگینی وعده بِرْدی. بو قوتاریجی مسیحینگ اِدیل اؤزیدی. شِیْدیب خدای یِنِه بیر گِزِک مسیحینگ گِلْجِگینی وعده بِرْدی.

خدای داود پادشاغا اوُنینگ نِسْلینْدِن بیری پادشالیغا یتیشیب خداینگ خٰلْقینا باقی حکم یؤرِتْجِگینی وعده بِرْدی. بو مسیح، داودنگ نِسْلینْدِنْ گِلْجِگینی آنگلادارْدی.

ارمیای نِبینینگ اۆستی بیلِن خدای تأزه بیر عهد باغْلاشجاغینی وعده بِرْدی یؤنه خداینگ سینا داغینْدا اسرائیل بیلِن باغْلاشان عهدینه مِنگْزِش دألْدی. بو تأزه عهدده خدای قانونْلارینی آدٰمْلارینگ یۆرِگینه یازار، آدٰمْلار اوُنی تانارلار و سؤیِرْلِر و اوُنینگ بویْروقْلارینا بوُیون بوُلارْلار. اوُلار بیلِن بۏ تأزه عهدی باغْلاشْیان کیشی مسیحْدی. اوُلار اوُنینگ خٰلْقی بوُلْیارْلار و خدای اوُلارینگ گناهلِرینی باغشْلایار.

خداینگ پیغامْبِرْلِری گِلْجِک مسیح، روحانی و پادشاه بوُلْجاغینی آیتْدیلار. پیغامبِر خداینگ سؤزینی اِشْدیب، خٰلْقا آیدیان بیر کیشیدیر. خداینگ وعده بِرِن مسیحی بیر کِمْسیز پیغامْبِر بوُلار سِبأبی اوُل خداینگ سارغیتْلارینا دوُلی دۆشۆنِر و آدٰمْلارا دوُلی گؤرْنیشْده آیْدار.

یهودی روحانیلار گناهلِرینگ جِزاسی حُکْمینْده آدامْلارینگ آدینْدان خدایا قربان بِرِرْدیلِر. شِیْلِه هم روحانیلار آدٰمْلار اۆچین خداینگ دِرْگاسینا دعا اِدِرْدیلِر. شِیْلِه بوُلْسادا گِلْجِک مسیح اؤزینی خدایا دوُلی قربان حُکْمینده هؤدیرْألن باش روحانی بوُلمالیدی. یعنی هیچ هاچان گناه اِتْمِز و هاچانْدا اؤزینی قربانْلیق حُکْمینده هؤدیرْلِسه، گناه اۆچین باشْغا قربانْلیق گِرِک بوُلْماز.

پادشالار و حأکیمْلِر آدٰمْلار توُپارینا حُکم سۆریأرلر و کأته یالنگیشْیارْلار. داود پادشاه دینگه اسرائیلْلارا حُکم سۆرْدی. یؤنه داودنگ نِسْلینْدِن گِلْجِک مسیح بۆتین دنیا باقی حُکم سۆرِر. اُل عادلْلیق بیلن حُکم اِدیب دوُغْری توتیمْلار توتار.

خدای طٰرٰفینْدان ایبِرْلِن انْبیالار مسیح بارادا کؤپ وِلیلیکْلِر ادیبْدیلِر. ملاکی نِبی مسیح گِلْمأنکأ بیر بِیک پیغامبِرینگ گِلجِگینی اؤنگینْدِن آیْدیبْدی. اشعیای نِبی مسیح بیر قیزْدان دوُغیلْجاغینی اؤنگینْدِن آیْدیبْدی. میکاه نِبی هم بیتْ لَحم شَهْرینْده دوُغیلْجاغینی آیتْدی.

اشعیای نِبی مسیحینگ جلیل شهرینْده یاشاجاغینی آیتْدی. اوُل یۆرِگی سینانْلارا گؤوینْلیک بِرِر. توسْساغْدأکیلِره ارْکینْلیک باغشْلار. شِیْلِه هم مسیحینگ، سیرْقاوْلاری، کؤرْلِری، آغْساقْلاری، کِرْلِری و لالْلاری شفا بِرْجِگینی اؤنگینْدِن آیْدیپْدی.

اشعیای نِبی یِنه آدٰمْلارینگ مسیحی ییگْرِنْجِگینی و اوُنی ایسْلِمِجِگینی اؤنگینْدِن آیْدیبْدیر. باشْغادا اِنْبیالار هم مسیحینگ یوُلْداشْلارینْدان بیری اوُنگا دؤنیکْلیک اِتْجِگینی اؤنگینْدِن آیْدیبْدی. زکریا یوُلْداشینینگ اوُتوز کۆمیش تۆنگنگه اۆچین دؤنیکْلیک اِتْجِگینی اؤنگینْدِن آیْدیبْدی. بِیْلِکی انْبیالار هم مسیح اؤلْدیریلْجِکْ و اوُنینگ اِشیگینه بیجه آتیلْجاغینی اؤنگینْدِن آیْدیبْدیلار.

شِیْله هم انبیالار اوُنینگ نأهیلی اؤلْمِگی بارادا اؤنگینْدِن آیْتْدیلار. اشعیای نبی آدٰمْلار اوُنگا تۆیْکیریک آتیب، خوُرْلاب، یوُبالارلار سوُنگ بوُلْسا هیچ بیر گناه اِتْمِدیک یاغْدایْدا اولی درد بیلِن اؤلْمِگی اۆچین بِدِنینی دِشِرْلِر دیدی.

باشْغادا انبیالار مسیح دوُلی و یازیقْسیز انسان بوُلْمالیدیغینی اؤنگینْدِن آیتْدیلار. اوُل حُکْمان اؤلْمِلی سبأبی خدای اوُنی بۆتین دنیادأکی آدٰمْلانگ گناهسینینگ یِرینه جِزالانْدیرار. اوُنینگ جِزاسی انسان بیلِن خداینگ آراسینْدا دینچْلیق و پاراخاتْلیق دؤرِمِگینه سبأبْ بوُلْیارْدی. شوُنینگ اۆچین خدای اوُنینگ یارالانیب اؤلدیریلْمِگینی اراده اِتْدی.

باشْغا انبیالار هم خدای مسیحی اؤلِندِن سوُنگ دیرِلتْجِگینی آیتْدیلار. شِیْلِلیک بیلِن خدای مسیحینگ اؤلیب دیرِلِمِگی بیلِن گناهکأرلِری نِجات بِرمِک نقشهسینی کأمِلْلِشْدیرْمِک و آدٰمزاد بیلِن تأزه عهد باغْلاشْماق ایسْلِدی.

خدای انبیالارا مسیحینگ گِلْمِگی بارادا کؤپ زاتْلاری عیان اِتْدی. یؤنه مسیح اِنْتِک بو انبیالانگ هیچ بیرینینگ زمانینْدا گِلْمأنْدی. سوُنگْقی پیغامْبِرلیکْدِن۴۰۰ییل قاویراق گِچِن سوُنگ، زمان کِمالا یِتنْ چاغینْدا خدای مسیحی دنیا ایبِرْدی.