20. سۆرْگین و دوُلانیش

اسرائیل پادشالیغی بیلِن یهودا پادشالیغی ایکیسیده خدایا قارْشی گناه اِتْدیلِر. اوُلار سینا داغینْدا خدای بیلِن باغْلاشان عهدینی بوُزْدیلار. خدای پیامبِرلِرینگ اۆسْتی بیلِن توُبه اِتْمِگی و ینه خدایی عبادت اتْمِگی دویْدوریش بِرْدی یؤنه اوُلار خدایْدان اطاعت اِتْمِدیلِر.

شوُنینگ اۆچین خدای اوُلاری جِزالانْدیرْدی و دوشْمانْلارینا اوُلاری یوُق اِتْمأگه روغْصات بِرْدی. شوُل زمانْدا آشور آدْلی باشْغا بیر گۆیچْلی ملّت بارْدی. آشورْلیلار باشْغا خٰلقْلارا گؤرأ قاتی رحمْسیزدیلِر. اسرائیل پادشالیغی آشور طٰرٰفینْدان یوُق اِدیلْدی. آشورْلیلار اسرائیل پادشالیغینینگ کؤپ آدٰمینی اؤلْدیرْدیلِر. ایسْألن زاتْلارینی تالادیلار و یورتْلارینینگ کؤپ یرینی اوُدلادیلار.

آشورْلیلار همّه باشْلیقْلاری، بایْلاری و ایشه اؤکْده بوُلانْلاری آشورا آلیب گیتْدیلِر. اسرائیلْدا دینگه کأ بیر خوُر خوُمْسی آدٰمْلار قالیپْدی.

سوُنگْرا آشورْلیلار گِلْمیشِکلِری شوُل یِره یاشاماق اۆچین گِتیرْدیلر. گِلْمیشِکْلِر ییقیلان شهرلِری قایْتادان بِجِرْدیلِر و شوُل یِرْده قالان اسْرائیلْلار بیلِن دورْمیش قورْدیلار. و اوُلارْدان اؤنِنْلِره سامِرْلی دیب آد بِرْدیلْدی.

یهودا پادشالیغینینگ آدٰمْلاری، خدای اسرائیل پادشالیغی ایمانْسیزلیغی و اطاعت اِتْمِسیزلیگی اۆچین جِزا بِرِنْدیگینی گؤرْسِلِرْده یِنِه بُتْلارا و کنعانْلیلانگ خدایْنا عبادت اِدِرْدیلِر. خدای اوُلارا دویْدوریش بِرْمِک اۆچین پیغامبِرلِر ایبِرْدی یؤنه اوُلار یِنه اؤز ایشلِرینی دُوام اِتْدیلِر.

اسرائیل پادشالیغی آشورْلیلار طٰرٰفینْدان سیندیریلْماغینْدان یۆز ییل تؤوِرِگی گِچِنْسُنگ، خدای بابِلینگ پادشاسی نِبوکدنِصّری، یهودا پادشالیغینا چوُزیش اِتْمِک اۆچین ایبِرْدی. بابِلْلیلار گۆیچْلی خٰلقْدی. یهودا پادشالیغی نِبوکدنِصّرینگ خذماتْچیسی بوُلوب هر ییل کؤپ پول تؤلِمأگه راضی بوُلْدی.

یؤنه بیر نأچه ییلْدان سوُنگ یَهودا پادشاسی بابِلا قارْشی آیاغا قالْدی. شوُنینگ اۆچین بابِلیلار قایْدیب گِلْدیلِر و ینه یهودا پادشالیغینا چوُزْدیلار. بابِلیلار اورشلیم شهرینی باسیب آلْدیلار، عبادتْخانهنی ییقْدیلار و شهردأکی و عبادتخانهدأکی بار بایْلیقْلاری آلیب گیتْدیلِر.

اوُنسُنگ یهودا پادشاسینی جزالانْدیرْماق اۆچین نِبوکدنِصّرینگ عِسْکِرلِری اوُنینگ اوُغولْلارینی گؤزینینگ اؤنگینْده اؤلْدیرْدیلر. اوُلار اوُنینگ گؤزلِرینی کؤر اِتْدیلِر. شوُنْدان سوُنگ پادشانی اؤلْمِگی اۆچین بابِلینگ تۆرمِسینه آلیب گیتْدیلِر.

نِبوکدنِصّر و اوُنینگ قوُشونْلاری یهودا پادشالیغنینگ یاشایْجیلارینینگ همّهسینی دییِن یالی بابِلا آلیب گِتیردیلِر و دینگه قاتی غریب آدٰمْلاری اکِرانْچیلیق اِتْمِک اۆچین قوُیْدیلار. خداینگ خٰلْقی موعود یورْدینی تِرک اِتْمأگه مِجبور بوُلان دؤوْرینه سۆرْگین دییأرْلِر.

خدای اؤز خٰلْقینی گناه لِری اۆچین سۆرگین اِتْمِک بیلن جِزالانْدیرْسادا یؤنه اوُلارا بِرِن وعدهسینی اونوتْمادی. خدای اؤز خٰلْقینی قوُرارْدی و پیغامبِرلِر آرْقالی اوُلار بیلِن گۆرْلِشِرْدی. خدای یِتْمیش ییلْدان اسْرائیل خٰلْقینی موعود یورْدینا قایْدیب گتیرْجِکْدیگینه وعده بِرْدی.

یِتْمیش ییلْدان سوُنگ پارسْلارینگ شاسی کوروش بابِلْلاری یِنگْدی و شِیْدیب پارس امپراطورلیغی بابِل امپراطورلیغنینگ یِرینه کؤپ ایلاتا حکم سۆرْدی. بو دؤورْده اسْرائیل خٰلْقینا یهود دیلِرْدی و اوُلارینگ کؤپْسی بۆتین عمرینْده بابِلْده یاشابْدیلار. یهودا یورْدینی دینگه قارری آدٰمْلار یادلاب بیلِرْدی.

پارسْلار گۆیچْلی بوْلْسالارْدا قوُل آستینْداقی ملّتْلِره یومْشاقْلیق اِدِرْدیلِر. کوروش پارس پادشالیغینا یِتِنینْدِن آز وٰقت سوُنگْرا، یهودا گیتمِک ایسْلِیأن هر بیر یهود پارس یورْدینی تِرک اِدیب یهودا یورْدینا گیدیب بیلِر دیب بویْروق بِرْدی. یِنه اوُلارا اورشلیمْدأکی عبادتخانهنی تأزهدن قورْماق اۆچین پول هِم بِرْدی! سۆرگینْدِن یِتْمیش ییل گِچِن سوُنگ آز سانْلی یهود، یهودا یورْدینْداقی اورْشلیم شهرینه قایْدیب گِلْدیلِر.

آدٰمْلار اورشلیمه یِتِنْلِرینْده عبادتْخانهنی و شهرینگ داشْقی دیوارینی تأزهدن قورْدیلار. پارسْلار هِنیز هم اوُلارا حکم سۆرِرْدیلِر یؤنه اوُلار موعود یورْدینْدا یاشارْدیلار و عبادتخانهدا خدایی عبادت اِدیب بیلِرْدیلِر.