19. پیغامبرلر

اسرائیلینگ بۆتین تاریخینْدا خدای اوْلارا کؤپ پیغامبِرْلری ایبِرْدی. پیغامبِرْلِر خدایْدان سارْغیت آلیب آدٰمْلارا یِتیرِرْدیلِر.

ایلیا، آخاب پادشالیغی دؤوْرینْده یاشایان بیر پیغامْبِرْدی. آخاب اِرْبِت کیشیدی. اوُل آدٰمْلاری بُتی عبادت اِتْمأگه چاغیرارْدی. ایلیا آخابا خُدای اوُنی جِزا بِرْجِکْدیگینی آیتْدی. شِیْله هم آخابا دیدی: »اسْرائیلینگ چأگینْده من دیمِسِم هیچ بیر یاغیش یا چیغ یِره دۆشْمز. « آخاب ایلیانگ سؤزلِرینْدِن قاتی غٰضٰبْلانْدی و اوُنی اؤلْدیرْمِک ایسْلِدی.

خدای ایلیا چؤله گیتْمِگی و اؤزینی آخابْدان گیزْلِمِگی بویورْدی. ایلیا چؤله گیتْدی و خداینگ گؤرْکِزِن آقارْنینگ بوُیونْدا مِسْکِن توتْدی. هِر گۆن ایرْدِن و آغشام، قارْغالار اوُنینگ اۆچین چؤرِک بیلِن اِت گتیررْدیلِر. شو زٰمانْدا آخاب و اوُنینگ قوُشینی ایلیانگ ایزینْدادیلار. یؤنه اوُنی تاپیب بیلْمِیأرْدیلِر.

یاغین یاغمایانْلیغی اۆچین نأچه وٰقتْدان سوُنگ آقار قورادی. شوُنینگ اۆچین ایلیا باشغا بیر قولایْدأکی یورْدا گیتْدی. اوُل یورْتْدا بیر غٰریب عٰیال اوُغْلی بیلبن یاشارْدی. اوُلارینگ آذیقْلاری قوراقْچیلیق اۆچین قوتاریبْدی. شو یاغْدای بیلِن اوُل عٰیال ایلیانی ساقْلادی و خدای هم اوُنینگ و اوُغْلینینگ گِرِک زاتْلارینی تیّارْلارْدی. اوُنینگ اون و سوو کۆیْزِسی هیچ هاچان بوشامادی. و بۆتین قوراقْچیلیقْدا ایمأگه ایمیتی بارْدی. ایلیا شوُل یِرْده اۆچ ییل قالْدی.

اۆچ ییل یاریمْدان سوُنگ خدای ایلیا ینه یاغین یاغار دیدی. خدای ایلیادان اسرائیل پادشالیغینا قایْدیب، آخاب بیلِن گۆرْرینگ اتْمِگی ایسْلِدی. آخاب ایلیانی گؤرِنْده اوُنگا دیدی: »بو قینْچیلیقْلارینگ بارینی سن دؤرِتْدینگ! « ایلیا جوغابینْدا دیدی: »بو قینْچیلیقْلارینگ باری سنْدِن ! سن حٰقیقی خدای یَهُوهنی تِرک اِدیب بعلی عبادت ادْیأرْسینگ. بۆتین اسْرائیل خٰلْقینی کرمل داغینا گتِیر. «

بۆتین اسْرائیل و۴۵۰سانی بعل پیغامْبرْلِری بیلِلیکْده کرمل داغینا گِلْدیلِر. ایلیا دیدی: »هاچانا چِنْلی ایکی گؤوینْلی قالاْسینگیز گِلْیأر؟ اگر یهوه خدای بوُلْسا، اوُنی عبادت اِدینگ و اگر بعل خدای بولسا اوُنگا بوُیون بوُلینگ. «

سوُنگرا ایلیا بعل بُتینینگ پیغامْبِرلِرینه دیدی: »بیر اؤکۆزی قربانْلیق چالینگ و اِتینی بؤلِک بؤلِک اِدیب قربان جایْدا قویینگ یؤنه یاقْمانگ. مِنْده باشْغا قربان جایْدا شو ایشی اِدِرین. قربانْ جایا اوُد ایبِرِن خُدای، حٰقیقی خدایْدیرْ. « شِیْلِلیک بیلِن بعل بُتینینگ پیغامبِرلِری بیر قربانْلیق تِییّار اِتْدیلِر، یؤنه اُد یاقْمادیلار.

سوُنگْرا اوُلار بعل بُتینا دعا اِتْدیلِر: »ای بعل، بیزینگ سِسیمیزی اِشیت! « اوُلار بۆتین گۆنی دعا اِدیب، قیغیریب و اِنْدامْلارینی پیچاق بیلِن یارالاب گِچیرْدیلِر. یؤنه بعلدِن جوُغاب بوُلْمادی و اوُد هم اینْمِدی.

بعل پیغامْبِرْلِری بۆتین گۆنی دعا ادِنْلِرینْدِن سوُنگ یادادیلار و دعا اتْمِکْدِن ساقْلانْدیلار. سوُنگْرا ایلیا قربانْلیق اۆچین باشْغا بیر اؤکۆزی قربان جایْدا قوُیْدی و آدٰمْلارا اؤکۆزینگ اِتی، اوُدین و یِنه اوُنینگ تؤوِرک داشی ماخول اِزیلِر یالی اوُن ایکی اولاقان خمره سوو قویینگ دیدی.

اوُنْسُنگ ایلیا شِیْله دعا اِتْدی: »ای یهوه، ای ابراهیم، اسحاق و یعقوبینگ خدایی، شو گۆن بیزه اسْرائیلینگ خداییدیغینگی، من بوُلْسا قولینگْدیغیمی گؤرْکز. بو آدٰملار سنینگ حٰقیقی خدایدیغینگی بیلِر یالی دعامی اِجابت اِیله. «

دِرْرِو آسمانْدان بیر اوُد اینْدی و اِت، اوُدین، داشْلار، توُپراق و قربان جایینگ تؤوِرگینْدأکی سوولاری هم یاقْدی. آدٰمْلار مونی گؤریب دِرْرِو یِره چؤکْدیلِر و دیدیلِر: »خدای یهوه! خدای یهوه! «

اونْسُنگ ایلیا دیدی: »بعل بُتینینگ پیغامْبِرْلِریندان بیریده قاچْماسین! « شِیْدیب آدٰمْلار بعل پیغامبِرلِرینی توتْدیلار و بارینی اوُل یِرْدن آلیب گیدیب اؤلْدیرْدیلِر.

سوُنگ ایلیا آخاب پادشاها دیدی: »دِرْرِو اؤیینگه قایْدینگ سِبأبی باسیم یاغیش یاغار. « اِدیل شوُنْدا قارا بولۏتْلار آسْمانی اؤرتْدی و گۆیچلی یاغیش باشْلادی. یهوه قوراقْچیلیغی قوتارْدی و شِیْلِلیک بیلِن اؤزینینگ یکه تأک و حٰقیقی خدایْدیغینی بِلْلی اِتْدی.

ایلیا بوُرْجینی بیتیرِن سوُنگ، خدای الیشع آدْلی آدٰمی پیغامبرلیگه بِلْلِدی. خدای الیشعینگ اۆسْتی بیلِن کؤپ قدرت گؤرْکِزْدی. بو قدرتْلارینگ بیری نعمان بیلِن بوُلیب گچْدی اوُل دوشْمانینگ قوُشون باشْلیغیدی. اوُل بیر هیلی اِلْهِنچ دِری کِسِلینْه دوچار بوُلیبْدی. اوُل الیشع بارادا اشیدیبْدی، شوُنینگ اۆچین یانینا باریب شفا ایسْلِدی. الیشع نعمانه اُرْدُن دریاسینینگ سووینا یِدی گِزِک چۆمْمِلیدیگینی تابْشیرْدی.

نعمان ایلْکی بو تابْشیریقْدان غٰضٰبْلانْدی و بو ایشی آقْماقْلیق اؤیْدیب اوُنی اِدِسی گِلْمِدی. یؤنه سوُنگ قٰرارینی اۆیتْگِدیب اؤزینی یِدی گِزِک اُرْدُن دِرْیاسینینگ سووینا باتیرْدی. یِدینْجی گِزِک سووْدان چیقانْدا دوُلی شفا تافیبْدی. خدای اوُنگا شفا بِرْدی.

خدای اسرائیل خٰلقینا باشْغادا کؤپ پیغامبِرْلِر ایبِرْدی. اوُلارینگ همّهسی آدٰمْلارا، بُتلاری عبادت اِتْمِزْلیگی، اؤزْگِلِر بیلِن عٰدٰلٰتْلی چِمِلِشمِگی، بیرِک بیرِگه رَحمْلی بوُلْماغی، یامانْلیقْدان قاچا دوریب خدایا عبادت اِتْمِگی آیْدارْدیلار. اِگِر اؤزْلِرینی شِیْله آلیب بارْماسالار خداینگ اؤنگینْده گناهلی حٰسابْلانیار و خدای اوُلاری جزالانْدیرار.

آدٰمْلار کؤپْلِنچ خدایْدان اطاعت اِتمِردیلِر. اوُلارینگ کؤپْسی پیغامْبِرْلِری خوُرلاب کأته بوُلسا اوُلاری اؤلدیرِرْدیلبر! بیر گِزِک ارمیای نِبینی اؤلْدیرْمک اۆچین بیر قویا تاشْلادیلار. ارمیا قویانگ آشاغیندا لای لوُقیرا باتْدی. یؤنه شوُنْدان سوُنگ پادشاه اوُنگا رحم اِدیب نؤکِرْلِرینه اؤلمِزینْدِن اؤنگ قویادان چیقاریلْماغینی بویورْدی.

آدٰمْلار پیغامْبِرلِری ییگْرِنْسِلِرْده یِنه اوُلار خدایْدان آیْدارْدیلار. اوُلار، توبه اِتْمِسِلِر هِألک بوُلجاقْدیغینی دویْدوریش بِرِرْدیلِر. شِیْله هِم اوُلار آدٰمْلارا خداینگ مسیحی ایبِرْمِک وعدهسینی یادْلارْدیلار.