18. اسرائیل پادشالیغْنینگ بؤلۆنْشی

داود قیرق ییل پادشالیق سۆرْدی اؤلِنْدِن سوُنگ اوُغلی سلیمان، اسرائیلینگ پادشاسی بوُلْدی. خدای سلیمان بیلِن گۆرلِشْدی و اوُنْدان سوُرادی: »مِنْدِن نأمه دیلِگینگ بار؟ « سلیمان خدایْدان اؤزینه حکمت بِرْمِگینی ایسْلِدی. خُدای سلیمانینگ ایسْلِگینْدِن خوُش بوُلْدی و اوُنی یرْدأکی اینگ دانا آدٰمْ اِتْدی سلیمان کؤپ زاتْلاری اؤوْرِنْدی و قاتی دانا پادشاه بوُلْدی شِیْله هم خدای سلیمانا کؤپ بایْلیق بِرْدی.

سلیمان اورشلیم شهْرینْده داودینگ دۆزگۆنه سالان و اۆپچین اِدِن مصالِحی بیلِن بیر عبادتخانه بنا اِتْدی. داود شوُندان بأری آدٰمْلار گؤریشْمه چادرینگ یِرینه شوُل یِرْده خدایا عبادات اِدیب و قربانْلیق بِریب بیلِرْدیلِر. خدای عبادتخانه دا بوُلارْدی و اؤز خٰلْقی بیلِن یاشارْدی.

یؤنه سلیمان آیْری خٰلقینگ زِنانْلارینا گؤوین بِریب اولاری اؤزینه عیال اِدینْدی. اوُل۰۰۰٫۱تؤوِرِگی زِنانه بیلِن اؤیْلِنْدی و شِیْدیب خْدایْدان یۆز اؤویرْدی. اوُل زنانْلانگ کؤپْسی آیْری یورتْلارْدان گِلیبْدیلِر و عبادت اتْمِک اؤچین یانینْدا بُتْلاری بارْدی. سلیمان قارْرانْدا عیالْلارْنینگ بُتینی عبادت اِدِرْدی.

شوُنینگ اۆچین خدای سلیمانا غٰضٰب اِتْدی و اوُنگا دیدی: بو اِتْمیشینگی جِزالانْدیرْماق اۆچین اؤلِنگْدِن سوُنگ اسْرائیل پادشالیغینی ایکی بؤلِرین.

سلیمان اؤلِنْدِن سوُنگ اوغْلی رِحُبْعام اوُنینگ یِرینه پادشاه بۏُلْدی. اسرائیل خٰلقینینگ باری اوُنی پادشالیغا قٰبول اِتْمِک اۆچین ییغْنانْدیلار. اوُلار رِحُبْعاما سلیمان اوُلاری کؤپ ایشلِمأگه و کؤپ سالغیت تؤلِمأگه مجبۏر اِدْیأرْدی دیب شکایت اِتْدیلِر. اوُلار رِحُبْعامْدان آتاسی یالی قین توتْمازْلیغی ایسْلِدیلِر.

یؤنه رِحُبْعام عقلْسیزْلیق اِدیب اوُلارا شِیْله دیدی: »سیز آتام سلیمان قین توتارْدی دیب گمان اِدْیأنگیز من بوُلْسا سیزی کؤپرأک ایشلِدیب عذاب بِرِرین. «

اوُنینگ سؤزْلِرینی اِشیدِن سوُنگ کؤپ آدٰم اوُنگا قارشی آیاغا قالْدی. اسْرائیلینگ اوُن طایفهسی اوُنْدان آیْریلْدی. دینگه ایکی طایفه اوُنگا وفالی قالْدی و اؤزْلِرینه یهودا پادشالیغی دیدیلِر.

بِیْلِکی اوُن طایفه یِرُبْعام آدْلی بیرینی اؤز پادشالاری بِلْلِدیلِر و شوُل یورْدینگ دمیرْغازیغینْدا یاشارْدیلار و اؤزْلِرینه اسْرائیل پادشالیغی دیدیلِر.

یِرُبْعام خُدایا بوُیون بوُلْمانْسُنگ آدٰملانگ گناه ادْمِگینه سبأب بوُلْدی. ایکی بُت یاساب آدٰمْلاردان شوُلاری عبادت اِتْمِگی ایسْلِدی. اوُلار اینْدی یهودا پادشالیغینْدا یِرْلِشِن، اورشلیمه عبادت اِتْمأگه گیتْمِرْدیلِر.

یهودا پادشالیغی بیلِن اسْرائیل پادشالیغی بیر بیرینه دوشْمان بوُلْدیلار و کؤپلنج بیله سؤوِشِرْدیلِر.

اسْرائیلینگ تأزه پادشالیغینْدا بارْچا پادشالار اِرْبِتْدیلِر. اوُلارینگ کؤپْسی پادشالیغی آلْماق ایسْلِیأن آدٰمْلار طٰرفینْدان اؤلْدیریلْدی.

شوُل پادشالارینگ باری و اسرائیل خٰلْقینینگ کؤپْسی بُتْلارا عبادت اِتْمأگه باشْلادیلار. جِلِب زنانْلار بیلِن یاتارْدیلار و چاغالاری داغی بُتْلارا قربانْلیق اِدِرْدیلِر.

یهودا پادشالاری داودینگ نِسْلینْدیلِر بو پادشالانگ کأ بیری یاغْشی آدٰمْدی. عدالت بیلِن حُکم سؤریب خدایا عبادت اِدِرْدیلِر. یؤنه یهودا پادشالارنینگ کؤپسی اِرْبِتْدی اوُلارینگ کأ بیری چاغالارینی داغی هِم بُتْلارا قربانْلیق اِدِرْدی. شِیْله هم یهودا خٰلقینینگ کؤپْسی خدایا قارْشی چیقیب اؤزْگه خُدایْلاری عبادت اِتْدیلِر.