17. خدایینگ عیسی بیلِن عهدی

شائول اسرائیلینگ ایلْکینجی پادشاسیدی اِدیل آدٰمْلانگ ایسْلِشی یالی اوزین بوُیلی و خوُش سیراتْلیدی. پادشالیغینینگ باشینْدا یاغْشی پادشادی یؤنه گیتْدیگیچأ خدایدان یۆز اؤوریب بیر اِرْبت آدٰم بوُلْدی. شوُنینگ اۆچین خدای اوُنینگ یِرینه باشْغا بیرینی پادشالیغا سایْلادی.

خُدای داود آدْلی اسرائیلْلی بیر یاش یگیدی شائول پادشانینگ یِرینه تِییارلاماق اۆچین سایْلادی. داود بیت لَحمْلی بیر چوپانْدی. اوُل آتاسینینگ قویونْلارینی باقْیارقا سۆرینی ایکی گِزِک آیی و آرسْلانْدان خٰلاص اِدیب اوُلاری اؤلْدیرْدی. داود کیچی گؤوین و عدالاتْلی بیر آدٰمْدی. اوُل خُدایا اینامی بارْدی و اونْدان اطاعت اِدِرْدی.

داود اِنْتِک یاشْقا بوُیی اۆچ متر گۆیچلی و اؤکْده بوُلان جلبات بیلِن سؤوِشْدی یؤنه خدای داودا جلباتی اؤلْدیریب اسرائیلی خٰلاص اِتْمأگه کمک اِتْدی. شوُنْدان سوُنگ داود اسرائیلینگ دوشْمانْلارینی انْچِمه گِزِک یِنگْدی و قاتی اؤکْده سؤوِشْچی بوُلْیب یِتیشْدی و اسْرائیل خٰلْقینا کؤپ سؤوِشْده یوُلْباشْچیلیق اِتْدی. بارْچا آدٰملار اوُنگا کؤپ آلقیش آیدارْدی.

خٰلْقینگ داودا بوُلان سؤیگیسی شائولینگ قابانْماغینا سِبأب بوُلدی آخیر سوُنگ شائول داودی اؤلْدیرْمِک قٰرارینه گِلْدی. یؤنه اوُل قاچیب چؤلْده اؤزینی گیزْلِدی. بیر گۆن شائول و عِسْگِرلِری داودی گؤزألب یؤرْکأ شائول بیرْدِن داودینگ گیزْلِنِن قوُواغینا گیرْدی شائول داودی گؤرمِدی. داود شائولا یاقینْلاشدی و شائولینگ اِشیگْنینگ بیر بؤلِگینی کِسْدی و شائول قوُواقْدان چیقانْدا قیغیرْدی و شائولا اِشیگْنینگ بؤلِگینی گؤرْکِزْدی. شِیْدیب شائولا، داود اوُنی اؤلْدیرْمِک بیلِن پادشالیق ایسْلِمِیأندیگی بِلْلی بوُلْدی.

سوُنگْرا شائول سؤوِشْده اؤلْدیریلْدی و داود اسرائیلینگ پادشاسی بوُلْدی. اوُل بیر یاغْشی پادشادی. آدٰمْلار اوُنی سؤیِرْدی. خدای داودا برکت بِردی و بۆتین ایشْلِرینْده اۆستینْلیک قازانْدی. داود کؤپ سؤوِشْلِرْده قاتْناشْدی و خدایینگ کمکی بیلِن اسرائیلینگ دوشْمانْلارینی یِنگْدی. داود اورشلیمی باسیب آلْدی و اونی اؤزینه پایتخت بِلْلِدی. داود شوُل یِرْده یاشادی و جایْلانْدی. اوُل قیرق ییل پادشاه بوُلْدی و بو دورْده اسرائیل گۆیچْلِنیب بایْلاشْدی.

داود بۆتین اسرائیل خٰلْقی خدایی عبادت اِدیب قربانْلیق بِرِر یالی بیر عبادتخانه قورْماق ایسْلِدی. مِزِنْنه۴۰۰ییلْلاب آدامْلار گؤریشْمه چادر دییِن یِرْده عبادت اِدیب قربانْلیق بِرْدیلِر. موسی اوُنی بجِریبْدی.

یؤنه خدای ناتان آدْلی بیر پیغامْبِری داودنگ یانینا ایبِرْدی و اوُنگا دیدی: »سن کؤپ سؤوِشْده بوُلانْسُنگ عبادتخانهنی منینگ اۆچین قورْمارسینگ ایْسه اوُغْلینگ قورار، اوُنْدادا من سانگا کؤپ برکت بِرِرین. کیمْدیر بیری سِنینگ نِسْلینگْدِن منینگ خالْقیما باقی پادشالیق اِدِر. داودینگ نِسلینْدِن باقی پادشالیق اتْجِک آدٰم دینگه مسیحْدی، مسیح خدایینگ سایْلانی و جهانی گناهلریندن خٰلاص اِتْجِک آدٰمْدی«

داود بو سؤزلِری اشْدِنْده خدایا شکر و آلْقیش آیتْدی. خدای بوُلْسا اوُنی بویْسانْدیرْدی و کؤپ برکت بِرْدی. یؤنه داود خدایینگ وعدهلِرْنینگ هاچان باشا بارْجاغینْدان خبرسیزْدی. اینْدی مونی بیلْیأریس کی اسرائیل خٰلقی داودینگ زمانینْدان مسیحینگ گِلْمِگینه مۆنگ ییلا قولای قاراشْمالیدی.

داود اِنْچِمه ییلْلاب عدالتْلی حُکم سۆرْدی اوُل خدایا بوُیون بوُلْدی خدای بوُلسا اوُنی یالْقادی. شِیْلهده بوُلْسا عمرینینگ سوُنگینْدا خدایا قارْشی اولی گناه اِتْدی.

بیر گۆن داودینگ بۆتین عِسْگِرْلِری سؤوِشْه چیقانْدا، کؤشْگینینگ اۆستینْدن داشاری قاراب دورقا سووا دۆشیأن بیر آوادان عیالی گؤرْدی. اوُل عیالی تانامایارْدی یؤنه آدینینگ بَتْشِبَع دیگینی آنگْشارْدی.

داود بو سیناغْدان قاچا دورْماغینگ یِرینه اوُل عیالی یانینا گِتیرْمِک اۆچین بیرینی ایبِرْدی. و اوُل عیال بیلِن یاتْدی و سوُنگْرا اوُنی اؤیْنه ایبِرْری بیر آز وٰقت گِچِنسُنگ بَتْشِبَع داودا گؤوْرِلیدیگی بارادا خبر گؤنْدِرْدی.

بَتْشِبَعینگ آدٰمْسینینگ آدی اوریادی اوُل داودینگ اینگ قاوی عِسْگِرلِرنینگ بیریدی. اوریا شوُل وٰقت اؤیْدِن اوزاقْدا و سؤوِشْدِدی. داود اوُنی چاغیریب اؤینه گیتْمِگینی و عیالی بیلِن بوُلْماغینی آیتْدی. یؤنه اوریا بِیْلِکی عِسْگِرْلِر سؤوِش میدانْداقا اؤیه قایتْماقْدان یۆز اؤویرْدی. شوُنینگ اؤچین یِنه بیر گِزِک داود اوریانی سؤوِش مِیْدانا ایبِرْدی و قوُشون باشْلیقْلارینْدان اؤلْدیریلْمِگی اۆچین اوُنی سؤوِشینگ بیرینْجی خاتارینْدا قوُیْماغی ایسْلِدی. شِیْدیب اوریا سؤوِشْده اؤلْدِیریلْدی.

اوریا اؤلْدیرْلِنْدِن سوُنگْرا داود بَتْشِبَع بیلِن اؤیْلِنْدی و اوُنگا بیر اوُغول دوُغورْدی. خدای داودینگ اِدِن ایشینه غٰضٰبْلانْدی. شوُنینگ اۆچین ناتان پیغامبری داودا گناسینینگ پیسْلیگینی دویْدیرْماق اۆچین ایبِرْدی. داود گناسینی بوُیون آلْدی و خدای اوُنی باغشْلادی. داود اینگ قین یاغْدایْلاردا عمرینینگ سوُنگینا چِنْلی خدایْدان اطاعت اِتْدی.

گناهنگ جِزاسی حؤکْمینْده داودینگ اوُغْلی اؤلْدی. مونْدان باشْغادا قارینْداشْلارْنینگ کؤپْسی اوُنگا قارْشی آیاغا قالْدیلار و گۆیْجی اِپ اِسْلی آزالْدی. داودینگ یازیغینا قارامازْدان خدای یِنه اوُنینگ بیلِن باغْلاشان عَهْدینه وفالی بوُلیب اوُنی یِرینه یِتیرْدی. سوُنگ داود بیلِن بَتْشِبَعینگ اوُغْلی بوُلْدی و آدینا سلیمان داقْدیلار.