16. قوتاریجیلار

یوشع اؤلِنْدِن سوُنگ اسرائیل خٰلْقی خُدایینگ بویْروقْلارینا بوُیون اِنگْمِدیلِر و کِنْعانْلیلانگ بارینی موعود یورْدینْدان قوُویب چیقارْمادیلار. شِیْلِه هم اوُلار چین خُدای یَهْوهنگ، یِرینه کِنْعانْلیلانگ بُتْلارینا عبادت اِتمأگه باشْلادیلار. شوُل زامانْدا اسْرائیل خٰلْقینینگ پادشاهسی یوُقْدی شوُنینگ اۆچین هِر کیم گؤوْنینه دوُغْری گِلِن زادی اِدِرْدی.

اِسْرائیل خٰلْقینینگ بوُیون بوُلْمازْلیغی کأ بیر ایزْگیدِرْلی حادثهلارینگ دؤرِمِگینه سبأب بوُلْدی و اِنْچِمه گِزِک اوُلارینگ دورْمیشینْدا قایْتالانْدی. بو ایزْگیدِرْلی حادثهلار شِیْله بوُلْدی اسرائیل خٰلْقی بیر نأچه ییلْلاب خُدایا بوُیون بوُلْمادیلار. شوُنْدا خُدای اوُلاری جِزا بِرْمِک اۆچین دوشْمانْلارینا اوُلاری ینگمأگه روغصات بِرِرْدی. دوشْمانْلاری اوُلارینگ باری یوُغینی تالاب، کؤپْسینی اؤلْدیرِرْدیلِر. بیر نأچه ییلْلاب دوشْمانْلارینْدان آزار گؤرِنْلِرینْدن سوُنگْرا خُدایا توُبه اِدیب اوُلاری دوشْمانْلارینْدان خٰلاٰص اِتْمِگینی ایسْألردیلِر.

هر گِزِک اوُلار توُبه اِدِنْلِرینْده خُدای بیر قوتاریجی ایبِرْیب اوُلاری خٰلاٰص اِدِرْدی. اوُل کیشی اوُلارینگ دوشْمانْلاری بیلِن سؤوِشیب یِنگِرْدی. شِیْدیب اوُلارینگ یورْدینا پاراخاتْچیلیق بِرْقٰرار بوُلارْدی و قوتاریجی کیشی یاغْشیلیق بیلِن اوُلارا حُکم سۆرِرْدی. خُدای اسرائیل خٰلقینی خٰلاٰص اِتْمِک اۆچین کؤپ قوتاریجیلاری ایبِرْدی. خُدای، مدیان آدلی دوشْمانْلارینا اسرائیل خٰلْقینی یِنگمأگه رۏغصات بِرِنینْدِن سوُنگ اوُلارا یِنه بیر گِزِک قوتاریجی ایبِرْدی.

مِدْیانْلیلار یِدی ییلْلاب اسرائیلْلانگ اِکینْلِرینی تالادیلار. اسرائیلْ خٰلْقی مدیانْلیلارینگ تاپْمازْلیغی اۆچین قورْقیب داغْلانگ قوُواغینْدا گیزْلِنِدیلِر. سوُنگْرا اوُلار خُدایْدان خٰلاٰص اِتْمِگینی ایسْلِدیلِر.

گۆنْلِرینگ بیرینْده جدعون آدْلی بیر اسرائیلْلی مدیانْلیلار تالامازْلیغی اۆچین گیزْلینْلیکده بوغْدای دؤوْیأردی. شوُل وٰقت یَهْوَهنگ فرشتهسی اوُنگا گؤرینْدی و دیدی: »ای باتیر سؤوِشْچی خُدای سِنینگ بیلِنْدیر، گیدیب اسرائیلْلاری مدیانْلیلانگ اِلینْدِن خٰلاٰص اِتْگین. «

جدعونینگ آتاسی، قُرْبانْلیق چالار یِرینی بیر بُتا باغیشْلاپْدی. خُدایینگ جدعونْدان ایلْکینْجی ایسْلِگی شوُل قُربانلیق چالار یِرینی یوُق اِتْمِکْدی. یؤنه جدعون خٰلقدان قورقْیانْلیغی اۆچین یاری گیجأ چِنْلی قاراشْدی، سوُنگ قربانلیق چالار یِری چاپیب اوُوْراتدی و شوُل یِرینگ قولایینْدا خُدای اۆچین تأزه قُرْبانْلیق چالْماغا بیر جای قورْدی و قُرْبانْلیق چالْدی.

اِرْتِسی گۆن ایرْدِن آدٰمْلار قُرْبانْلیق چالار یِری بیرینینگ چاپیب اوُنی ییقانْدیغینی گؤریب قاتی قٰهٰرلانْدیلار. اوُلار اؤلْدیرْمِک اۆچین جدعونینگ اؤیْنه قارْشی گیتْدیلِر. یؤنِه جدعونینگ آتاسی دیدی: »سیز نأمه اۆچین خُدایینگیزا کمک اِتْجِک بوُلْیارسینگیز؟ خُدای بوُلسا قوُی اؤزینْی قوُراسین. « اوُلار اوُنینگ آیْدان سؤزْلِری اۆچین جدعونی اؤلْدیرْمِکْدِن ساقْلاندیلار.

شوُنْدان سوُنگ مدیانْلیلار یِنِدِه اسرائیل خٰلقینی تالاماق اۆچین گِلْدیلِر. اوُلار سانی، سانامادان اؤرأن کؤپدی. جدعون بارچا خٰلقی مدیانْلیلار بیلِن سؤوشمِک اۆچین چاغیرْدی. جدعون، خُدای اسْرائیل خٰلقینی خٰلاٰص اِتْمِگینی ایسْلِیأندیگینه گؤز یِتیرْمِک اۆچین ایکی نشانه سوُرادی.

جدعون ایلْکینْجی نشانه اۆچین قوُیون دِریسینینگ بیر بؤلِگینی یِرْده قوُیْدی و خُدایْدان دینگه دِرینگ اۆستینه چیغ دۆشمِگینی و یِرینگ قوریلیغینا قالْماغینی ایسْلِدی. خُدای مونی اِتْدی. ارتِسی گۆن اوُل خُدایْدان یِرینگ چیغْلی و دِرینینگ قوریلیغینا قالْماغینی ایسْلِدی. خُدای مونی هم اِتْدی. بو ایکی نشانه جدعونی خُدایینگ اسرائیلی مدیانْلیلارْدان خٰلاٰص اِتْمِگینی ایسْلِیأنْدیگینی اینانْدیرْدی.

۰۰۰٫۳۲سانی اسرائیل عِسْگِری جدعونینگ یانینا گِلْدیلِر. یؤنه خُدای اوُنگا اوُلارینگ سانینینگ کؤپْدیگینی آیتْدی. شِیدیب جدعون اوروشْدان قورقْیان۰۰۰٫۲۲عِسْگِری اؤیه ایبِرْدی. خُدای جدعونا یِنه بو سان قاتی کؤپ دیدی. سوُنگْرا جدعون۳۰۰آدٰمْدان باشْغاسینی اؤیه ایبِرْدی.

شوُل گیجه خُدای جدعونا دیدی: »گیزْلینْلیکْده مدیانْلیلانگ دۆشِلْگِسینه گیت، اوُلارینگ سؤزْلِرینی اشیدِنینگده، اوُلارا چوُزْماقْدان قوُرقْمارْسینگ. « جدعون اوُلارینگ دۆشِلْگِسینه گیتدی و مدیانْلی بیر عِسْگِرینگ دۆیشینْده گؤرِن زاتْلارینی دوُسْتینا آیْدانینی اِشیتْدی. دوُسْتی اوُنگا دیْدی: »جدعونینگ قوُشینی بیزینگ مدیان قوُشینْیمیزی یِنگِر. « جدعون مونی اِشیدیب خُدایا شُکر اِتْدی.

جدعون عِسْگِرْلِرینینگ یانینا قایْدیب هِرْ قایْسینا بیر سورْنای و ایچی چیرالی کۆیْزه بِرْدی. اوُلار مِدْیانْلی عِسْگِرْلِر اوقْلاب یاتیرْقا، دوشْمان دۆشِلْگِسینی قابادیلار. جدعونینگ۳۰۰عِسْگِری مدیانْلیلار، چیرانینگ ایشیغینی گؤرمِزْلیگی اۆچین کۆیزأ سالْیبْدیلار.

سوُنگرا جدعونینگ بۆتین عِسْگِرْلِری بیلِلیکْده کۆیزهلِری دؤوْدیلِر و چیرالانگ ایشیغی گؤرینْدی. و سورْنایْلارین چالیب، »قیلیچ، یَهْوه و جدعون اۆچین« دیب قیغیرْدیلار.

خُدای مدْیانْلیلاری شِیْله بیر چاشغینْلیغا سالْدی وِلین بیری بیرینه دوُپولیب اؤلدیرْمأگه باشْلادیلار. جدعون دِرْرِو اسرائیل خٰلْقینی مِدْیانْلیلاری قوُوْماغا کُمک اِتْمِک اۆچین اؤیْلِرینْدِن چاغیرْدی. اوُلار مِدْیانْلیلارینگ کؤپْسینی اؤلْدیرْدیلِر و قالانْلارینی اسرائیل یورْدینْدان قوُوْدیلار. شوُل گۆن۰۰۰٫۱۲۰مدیانْلی اؤلْدیریلْدی. شِیْدیب خُدای اسْرائیل خٰلْقینی خٰلاٰص اِتْدی.

آدٰمْلار جدْعونی اؤزلِرینه پادشاه اِتْمِک ایسْلِدیلِر. یؤنه اوُل مونگا روغْصات بِرْمِدی یؤنه اوُلارْدان مدیانْلیلارْدان آلان آلْتین حلقهلارنینگ بیر بؤلِگینی اؤزینه بِرْمِگینی ایسْلِدی. آدٰمْلار جدعونا کؤپ آلْتین بِرْدیلِر.

جدعون بوُلْسا بو آلْتینْلاردان باش روحانیلانگ اِشیگینه مِنگْزِش بیر قورْساقْجا یاسادی. یؤنه آدٰمْلار بُت یالی شوُل یاسالان قورْساقْجانی عبادت اِتْمأگه باشْلادیلار. شِیْدیب خُدای اسرائیل خٰلْقینی بُت پارازْلیغا یۆز توتانْدیقْلاری اۆچین یِنه جِزا بِرْدی و دوشْمانْلارینینگ اوُلاری یِنگْمِگینه رۏغصات بِرْدی. سوُنگْرا یِنِده خُدایْدان کُمک سوُرادیلار و خُدای اوُلارا باشْغا بیر قوتاریجی ایبِرْدی.

بو ایزْگیدِرْلی حادثهلار بیر نأچه گِزِک قایْتالانْدی اسرائیل خٰلْقی گناه اِدِرْدی خُدای جِزا بِرِرْدی اوُلار توُبه اِدِرْدی و خُدای اوُلارا قوتاریجی ایبِرِرْدی. اوزاق ییلْلارینگ دَوامیندا خُدای اسرائیل خٰلْقینی دوشْمانْلارینْدان قوتارْماق اۆچین کؤپ آدٰمْلاری ایبِرْدی.

سوُنگْرا اسْرائیل خٰلْقی خُدایْدان بِیْلِکی خٰلقْلار یالی بیر پادشاه بِرْمِگینی ایسْلِدیلِر. اوُلار سؤوِشْلِرْده یوُلْباشْچیلیق اِدیب بیلْجِک اوزین بوُیْلی و گۆیچْلی بیر پادشاه ایسْلِیأرْدیلِر. خُدای بو ایسْلِگْدِن راضی دألْدی یؤنه شوُل ایسْلِگْلِری یالی اوُلارا بیر پادشاه بِرْدی.