15. موعود یورْدی

آخیر سوُنگی اسرائیل خٰلْقینینگ موعود یورْدی کِنْعانا، گیرْمِگینینگ وٰقْتی گِلْدی. اوُل یِرْده اریحا آدْلی بیر شَهر بارْدی اوْنینگ دؤرت تؤوِرِگی بِرک دیوارْلار بیلِن قوُرالْیارْدی. یوشع ایکی ایچالی شوُل شَهْره ایبِرْدی. اوُل یِرْده راحاب آدلی بیر جِلِب عٰیال یاشایارْدی. اوُل ایچالیلاری اؤز یانینْدا گیزْألب اوُلارا شَهرْدِن قاچْماغا کُمِک اِتْدی. اوُل مونی خُدایا ایمانی بوُلانی اۆچین اِتْدی. ایچالیلار راحابا، اریحانی ییقانْلارینْدا اوُنی و ماشْغالاسینی قوراریس دیب سؤز بِرْدیلِر.

اسرائیلْلار موعود یورْدینا گیرْمِک اۆچین اُرْدُن دریاسینْدان گِچْمِلیدیلِر. خُدای یوشعه دیدی: »ایلْکی روحانیلاری ایبِر«. روحانیلانگ آیاغی اُرْدُن دِرْیاسینینگ سووینا یِتِنْده سووینگ آقیمی ساقْلانْدی، اسرائیلْلار قوری یِرْدِن دِرْیانی گِچیب بیلْدیلِر.

آدٰمْلار اُرْدُن دریاسینْدان گِچِنْسُنگ خُدای یوشعه اریحا شهرینه چوُزْماغا تِییّار بوُلماغی بویورْدی. خُدای آدامْلارا دیدی: روحانیلار و عسگِرلِر آلْتی گۆن، گۆنْده بیر گزک شَهْرینگ داشینا آیلانْینگ. روحانیلار و عِسْگِرْلِر بو ایشی اِتْدیلِر.

یِدینْجی گۆنده اسرائیللار یِدی گِزِک شَهْری آیْلانْمالیدیلار، سوُنگ روحانیلار سورْنای چالْمالی و بارْچا آدٰمْلار قاتی قیغیرْمالیدیلار. اوُلار بو ایشی اِتْدیلِر.

سوُنگ بوُلسا اریحانینگ داشینْداقی دیوارْلار ییقیلْدی. اسرائیلْلار خُدایینگ بویْروغی یالی شهرْدأکی بارْچا زادی یوُق اِتْدیلِر. اسرائیلْلارا قوُشولان دینگه راحاب و ماشْغالاسی آمان قالْدی. کِنْعان یورْدینْدا یاشایان باشْغا طایفه لار اسرائیلْلانگ اریحانی ویْران اِدِنْلیگینی بیلیب، اسرائیل خٰلْقینینگ اوُلارا هِم چوُزْماغینْدان قوُرقْیارْدیلار.

خُدای اسرائیل خٰلقینا کِنْعانینگ هایْسیدیر بیر طایفهسی بیلِن یاراشیق پِیْمان باغْلاشْمازْلیغی بویورْدی. یؤنه جبعونْلیلار آدْلی کِنْعانْلی طایفهلارنینگ بیری یوشعی آلْداب کِنْعانْدان اوزاق بیر یِرْدِن گِلِنْدیگینی آیتْدیلار. اوُلار یوشعْدِن اؤزْلِری بیلِن یاراشیق پِیْمان باغْلاشْماغی ایسْلِدیلِر. یوشع و اسرائیلینگ یوُلْباشْچیلاری خُدایا گِنگِشْمأنی جبعونْلیلار بیلِن یاراشیق پِیْمان باغْلاشْدیلار.

اسرائیلْلار اۆچ گۆنْدِن سوُنگ آصْلینْدا جبعونیان کِنْعانْلیدیغینا دۆشینْدیلِر و اوُلارینگ آلْداولارینا قٰهٰرْلانْدیلار. یؤنه اوُلار بیلِن باغْلاشان پِیْمانلارینی بوُزْمادیلار سِبأبی بو پِیْمان خُدایینگ حضورینْدا باغْلانیبْدی. نأچه وٰقتدان سوُنگ، کِنْعانینگ امورْلی آدْلی طایفهسینینگ پادشاهلاری جبعونْلیلار اسرائیلْلار بیلِن یاراشیق پِیمان باغْلاشانْدیغینی اشیدنْلِرینْده بیلهلیکده قوُشین ییغْناب جبعونْلیلارا چوُزْدیلار. جبعونْلیلار یوشِعْدِن کمک سوُرادیلار.

یوشِع اسرائیلینگ قوُشینینی ییغْنادی. جبعونا یِتْیأنچألر بۆتین گیجه یوُل یؤرِدیلِر و اِرْتیر بیلِن قافِلْلیقْدا امورْلیلارا چوُزْدیلار.

خُدای شوُل گۆن اسرائیلْلار اۆچین سؤوِشْدی. اوُل گؤنگْدِن اینْدِرِن اولی جؤوِنِکْلِری بیلِن امورلیلِری چاشیرْدی و کؤپْسینی اؤلْدیرْدی.

شِیْله هم خُدای اسرائیل عِسْگِرلِری امورْلیلِری دوُلی ینگمأگه وٰقتْلاری بوُلار یالی گۆنی آسْمانْدا ساقْلادی. خُدای شوُل گۆن اسرائیلْلار اۆچین اولی یِنگیش بِرْدی.

خُدای بو قوُشینْلاری یِنگِنْدِن سوُنگ باشْغادا کِنعانْلی طایفهلارینگ کؤپیسی اسرائیلْلارا چوُزْماق اۆچین بیرلِشْدیلِر. یوشع و اسرائیلْلار اوُلارا چوُزیب اوُلاری هِم یوُق اِتْدیلِر.

بو سؤوشْلِرْدِن سوُنگ خُدای اسرائیلینگ هر طایفهسینینگ پایینی موعود یورْدینْدان بِرْدی. اوُنسُنگ خُدای اسرائیلینگ بۆتین سِرحِدْلِرینْده پاراخاتْچیلیق بِرْقٰرار اِتْدی.

یوشع قاررانْدا بۆتین اسرائیل خٰلقینی بیر یِره اۆیْشیرْدی. سوُنگ بوُلْسا آدٰمْلارا خُدایینگ اوُلار بیلِن سینا داغینْدا اِدِن عَهْدینه بوُیون بوُلْمالیدیغینا بِرِن سؤزْلِرینی یادْلاتْدی. آدٰمْلار خُدایا قارْشی وفالی بوُلیب اوُنینگ شِریعٰتینا بوُیون بوُلْماغا سؤز بِرْدیلِر.