14. چؤلْده سِرْگِرْدانْلیق

خُدای خٰلْقا شریعَتینگ قانونْلارینی بیلْدیرِن سوُنگ اوُلاری سینا داغینا آلیب بارْدی. اوُلار خُدای بیلِن باغْلاشان عَهدلِری اۆچین شَریعَتینگ قانونْلارینا بوُیۏن بولْمالیدیلار. خُدای اوُلارینگ موعود یورْدی کِنْعانا یِتمِگینی ایسلِیأردی. خُدای بولۏت حاتاریندا اوُلارینگ اؤنگیندن بارْیارْدی و آدمْلار اوُنینگ ایزینا دۆشدیلِر.

خُدای اِبْراهیما، اسحاقا و یعقوبا موعود یورْدی اوغْلانْلارینا بِرْجِکْدیگینی سؤز بِریبْدی. یؤنه شوُل زامانْدا کؤپ طایفهلار اوُل یِرْده یاشایارْدیلار و اوُلارا کِنْعانْلیلار دییلْیأردی. کِنْعانْلیلار خُدایا بوُیون دألْدیلِر و اوُنی عبادت اِتْمِیأرْدیلِر. یالان تانگْریلارا چوُقونیارْدیلار و کؤپ اِرْبِت ایشْلِری اِدِرْدیلِر.

خُدای اسرائیل خٰلْقینه دیدی: »موعود یورْدینا یِتِنْلِرینْدِن سوُنگ شوُل یِرْده یاشایان کنعانلیلارْینگ شِریندن اؤزْلِرینی خلاص اِتْمِگی بویورْدی. اوُلار بیلِن یاراشیق باغْلاشمانگ و اؤیْلِنْمأنگ، اوُلارینگ بۆتین بُتْلارینی یوُق ادینگ. بو بویْروقلارْی اِتْمِزلیک، منینگ یریمه اوُلارینگ بُتینا چوُقونْماق بوُلار. «

اسرائیللار کِنْعان یورْدینینگ سِرحِدینه یِتِنلِرینْده موسیٰ هر طایفهدان بیر کیشینی، دییمِک اوُن ایکی أری سایْلادی. اوُلارا کِنْعان یورْدینْدا ایچالیچیق اِتْمِگینگ یولْلارینی اؤوْرِتْدی. شِیْله هِم کِنْعانْلیلانگ گۆیچْلیدیگینی یا−دا عجیزْدیگینی بارْلاماغی ایسْلِدی.

اوُل اوُن ایکی آدام قیرق گۆنألب کنعان بوُیونچا آیْلانیب سوُنگ بوُلسا قایْدیب گِلْدیلِر. اوُلار آدمْلارا شِیْله دیدیلِر: »توُپْراق بای و بوُل حاصلی بار. « یؤنه اوُل ایچالیلانگ اوُنوسی دیدیلر: »شَهرلِر بِرک و ینه شوُل یردأکی آدمْلار اؤرأن بِییک، اوُلارا چوُزْساق حؤکمأن یِنگیلِریس و اوُلار بیزی اؤلْدیرِر«

سوُنگْرا کالیب و یوشع آدْلی ایکی ایچالی شِیْله دیدیلِر: »کِنْعانْلیلار بیزْدِن بییک و گۆیچْلی بوُلْسالارْدا اوُلاری یِنگیب بیلِریس سِبأبی خُدای بیزینگ اۆچین سؤوِشِر. «

یؤنه آدمْلار کالیب بیلِن یوشِعینگ سؤزْلِرینه قولاق آسْمادیلار و قهرلانیب موسیٰ بیلن هارونا شِیْله دیدیلِر: »نأمه اۆچین بیزی بو اِیمِنچ یِرِه گِتیرْدینگیز؟ بیز مِصرده قالْمالیدیق کنعانا بارْساق حؤکمأن سؤوشْده اؤلِریس، عیال و چاغالاریمیز قول بوُلار. « اوُلار مِصْره قایتْماق اۆچین باشغا بیر یوُلباشْچی بِلْلِمِکْچی بوُلْدیلار.

خُدای خٰلْقینگ بو سؤزینه قهرْلانْدی و گؤریشْمه چادرا گِلیب شِیْلِه دیدی: »سیز مانگا قارشی تِرسْلِشدینگیز. شوُنینگ اۆچین همّهنگیز چؤلْده سِرْگرْدان بوُلارسینگیز، کالیب بیلِن یوشعْدِن باشْغا ییگْریمی یاشْدان اولیلار چؤلْده اؤلِرْلِر و هیچ هاچان موعود یورْدینا گیرْمِزْلِر. «

آدمْلار خُدایینگ بو سؤزینی اِشیدیب اِتْمیشْلِرینه اؤکینْدیلِر و کِنْعانلیلارا چوُزْماق قٰرارینه گِلْدیلِر. موسیٰ اوُلارا گیتمأنگ دیب تابْشیرْدی سبأبی خُدای اوُلار بیلِن دألْدی یؤنه اوُلار موسیٰغا قولاق آسْمادیلار.

بو سؤوِشْده خُدای اوُلارا هِمْرالیق اِتْمِدی شوُنینگ اۆچین کِنْعانْلیلارْدان یِنگیلْدیلِر و کؤپیسی اؤلْدیریلْدی. سوُنگ اسرائیل خٰلْقی کِنْعان یورْدینْدان قایْدیب قیرق ییلْلاب چؤلْده سِرْگردان بوُلْدیلار.

قیرق ییل سِرْگِرْدانلْیقدا خُدای اوُلارینگ ایسْلِگْلِرینی یِرینه یِتیرْدی. اوُلارا آسْماندان »مَنّا« آدْلی بیر چؤرِک بِرْدی. شِیْله هم اییجِک اِتْلِری بوُلار یالی بِدِنه قوشْلاری ایبِرِرْدی. بۆتین قیرق ییلْلیقْدا خُدای آیاق قابْلارینینگ و اِشیکْلِرینینگ کؤنِلْمِگینه یوُل بِرْمِدی.

خُدای اوُلارا قدرت بیلِن قایادان ایچْمِک اۆچین سوو چیقاریب بِرْدی. یؤنه شِیْله−ده بوُلسا اسرائیل خٰلْقی خُدایْدان نأگیلِدیلِر. مونگا قارامازْدان خُدای اِبْراهیم، اِسْحاق و یعقوب بیلِن باغْلاشان عَهْدینه وِفالی قالْدی.

بیر گِزِک خٰلقینگ ایچمأگه سووی یوُق وٰقْتی، خُدای موسیٰغا شِیْله دیدی: »قایادان سووینگ آقماغینی ایسْألنگ. « یؤنه موسیٰ قایا بویْروق بِرْمِگینگ یِرینه تایاغی بیلِن ایکی گِزِک اوُنی اورْدی و بو ایشی بیلِن خُدایا حُرْمٰتسیزلیق اِتْدی، همّهلِر اۆچین قایادان یِتِرلیک سوو چیقْدی، یؤنه خُدای موسیٰ قارْشی قٰهرْلانیب دیدی: »سن موعود یورْدینا گیرْمِرسینگ. «

اسْرائیل خٰلْقی قیرق ییلْلاب چؤلْده سِرْگِرْدانلیقْدان سۏنگرا خُدایا قارْشی بوُلانْلارینگ باریسی اؤلْدی. سوُنگرا خُدای ینه بیر گِزِک خٰلْقی موعود یورْدینینگ سِرْحِدینه آلیب بارْدی. موسیٰ قاتی قارریدیغی اۆچین خُدای یوشِعی خٰلْقا یوُلباشْچی بِلْلِدی. خُدای موسیٰغا بیر گۆن خٰلْقا اؤزی یالی پیغامبِر ایبِرْجِکْدیگینی وعده بِرْدی.

خُدای موسیٰغا موعود یِورْدی گؤرْمِک اۆچین بِییک داغینگ دِفِسینه چیقْماغی بویورْدی. موسیٰ موعود یورْدینی گؤرْدی یؤنه خُدای اوُنگا گیرْمأگه روغصات بِرْمِدی. سوُنگرا موسیٰ آرادان چیقْدی و اسْرائیل خٰلقی اوُتوز گۆنْألب اوُنگا یاس توتْدی. یوشِع اوُلارینگ یوُلْباشْچیسی بوُلْدی اوُل قاتی اؤکْده یوُلْباشْچیدی سبأبی خُدایا اینانارْدی و اوُنگا اویارْدی.