13. خُدایینگ اِسْرائیل بیلِن عَهْدی

اِسْرائیل خٰلْقی قلزم دِنگیزیندِن گِچِنْسُنگ خُدای اوُلاری سینا داغینا آلیب بارْدی، اوُل داغ موسیٰنینگ یانْیان آغاجی گؤرِن داغیدی. اوُنْسُنگ آدمْلار شوُل داغینگ اِتِگینْده دۆشلِدیلِر.

خُدای موسیٰ و اسرائیل خٰلقینا دیدی: »سیز هِمیشه مانگا بوُیون بوُلْمالی و سِیزینگ بیلِن باغْلاشان عَهدیمه وِفالی بوُلْماْلی. شِیْلِه اِتْسِنگیز مِنینگ اۆچین آیراتین توُپْراق، روحانیلارْدان بیر یورت و مقدّس بیر خٰلق بوُلارسینگیز. «

آدامْلار خُدای بیلِن دوشوشْماغا اۆچ گۆن تِیّارلیق گؤرْدیلِر. سوُنگ خُدای سینا داغینینگ دِپِسینه ییلْدیریم، تۆسسه و سورْنایینگ گۆیچْلی سِسی بیلِن اینْدی. موسیٰ یِکه اؤزی داغا چیقْدی.

اوُنسُنگ خُدای اوُلار بیلِن عَهد اِتْدی دیدی: »مِن یَهْوه، سیزی مِصرْدأکی قولْچیلیقْدان آزاد اِدِن خُدایینگیزدیرین، مِنْدِن باشْغا خُدایا عبادَت اِتْمه. «

»بُت یاساما و اوُنگا چوُقونما؛ سبأبی من یَهْوه سِنینگ یِکه تأک خُدایینگ بوُلْمالی. آدیما حُرمٰتْسیزلیق اِتْمه و گیجه گۆندیزلِرینگی مقدّس توت، بۆتین ایشینگی آلتی گۆندبه بیتیر، سِبأبی یدینْجی گۆن دینچ آلْمالی و مِنی یادْلامالی. «

اِنه آتانگی سیلا، اؤلدیرمه، زِنا اِتْمه، اوُغْریلیق اِتْمه، یالان سؤزْلِمه، قوُنگشینگ مالینا و عیالینا گؤز قارالتْما.

آدمْلار خُدایینگ قانۏنْلارینی بیتیرمأگه راضَی بوُلْدیلار. اولار خُدایینگ خدْمتینْدا بوُلیب اوُنی عبادت اِتْمِگی قٰبول اتْدیلِر.

شِیْله هِم خُدای اسرائیل خٰلْقینا اولی گؤریشْمه چادرْلار قورْماغی بویورْدی. اوُل چادری جیکْمِجیک ایچینده یرْلِشْدیرْمِلی زاتلار بیلِن قورْماغی بویورْدی. چادری ایکی بؤلِگه بؤلْمِک اۆچین اولاقان بیر پِرْده یاساماغی بویورْدی خُدای پِرْدأنگ آنگریسیندا یرلِشْمِلیدی و دینگه باش روحانینینگ شوُل اوُتاغا خُدایینگ حضورینْدا گیرْمأگه روغْصاتی بارْدی.

شِیْلِه هم آدمْلار گؤریشْمه چادرینگ اؤنگینْده بیر قربان جای قورْمالیدیلار. خُدایینگ شَریعتینْدان باش دولانْدیران هر کیم شوُل جایا بیر قُربانْلیق حٰیۏان گِتیرْمِلیدی و بیر روحانی حیْوانی اؤلْدیریب خُدایا قربانْلیق حؤکْمینْده قُرْبان جایْدا یاقْمالیدی. خُدای قُربانْلیق حٰیوانینگ قانی آدمینگ گناهسینی یاپیار دیدی. شِیْدیب خُدای اوُنینگ گناهسینی گچیأردی و خُدایینگ اؤنگینْده آراسسا حسابْلانیارْدی. خُدای موسیٰنینگ دوُغانی هارونی و اوُنینگ نِسْلینی روحانی حؤکْمینده بِلْلِدی.

اوُنْسُنگ خُدای اوُن بۏیْروغی ایکی سانی داش یازْغیدا یازیب موسیٰ بِرْدی. شِیْله هِم خُدای اِطاعت اتْمِکْلِری اۆچین آدمْلارا بِیْلِکی بویْروقْلاری هِم بِرْدی. خُدای بو بویْروقْلارا بویُون انگْسِلِر برکت بِرْیب قوُراجاقْدیغینی یؤنه بوُیون انگْمِسِلر جِزا بِرْجِکْدیگینی آیتْدی.

موسیٰ سینا داغینْدا کؤپْلِرْچه گۆن قالیب خُدای بیلِن گۆرْلِشْدی. آدمْلار اوُنینگ قایْدیب گِلْمِگینه قاراشْماقْدان یادادیلار. شِیْدیب هارونا کؤپ آلتین گتیریب برْدیلر و اوُنْدان خُدایینگ یِرینه عبادت اِتْمگی اۆچین بیر بُت یاساماغی ایسْلِدیلِر. شِیْدیب اوُلار خُدایا قارْشی اولی گناهه باش قوُشْدیلار.

هارون گؤله شِکْلینْده بیر آلتین بُت یاسادی آدمْلار اوُنگا عبادت اِتْدیلِر و اوُنینگ اۆچین قُرْبان بِرْدیلِر. گناهلِری سبأبْلی خُدای اوُلارا قهرْلانْدی و موسیٰغا اوُلاری یوُق اِتْمِک قٰرارینه گِلِنْدیگینی آیتْدی. یؤنه موسیٰ بو ایشی اِتمِزْلیگی ایسْلِدی. خُدای موسیٰنینگ دعاسینی اِشیتْدی و اوُلاری یوُق اِتْمِدی.

موسیٰ سینا داغینْدان دۆشِنْده خُدایینگ داش یازغی اِدِن اوُن بویْروغی الینْده بارْدی. بُتی گؤریب قاتی قٰهرْلانْدی و داش یازْغیلاری یره اوریب دؤوْدی.

سوُنگرا بُتی یاقْدی و اوُوْرادیب کۆل یالی اِتْدی. اوُنی سووا قاریب خٰلْقی ایچْمأگه مِجبۏر اِتْدی. خُدای آدٰمْلارا بلا ایندِرْدی و اوُلارینگ کؤپیسی اؤلْدی.

موسیٰ دؤوِن داش یازْغیلارینینگ یِرینه باشغا داشْلاری قازْدی، سوُنگ داغا چیقْیب آدمْلانگ گناهسینی باغیشْلاماق اۆچین دیلِگ اِتْدی. خُدای موسیٰنینگ دیلِگینی اِشیدیب اوُلاری باغیشْلادی. موسیٰ خُدایینگ تأزهدن یازان اوُن بویْروق داش یازْغیلاری بیلِن داغْدان آشاق اینْدی. سوُنگْرا خُدای اوُلاری سینا داغینْدان موعود یوردینا آلیب گیتْدی.