12. چیقیش

اسرائیللار مِصرْدِن چیقانینا قاتی بِگِنْدیلِر. اوُلار اینْدی قولْچیلیقْدان چیقیب اؤز وَعْده بِریلِن یورتْلارینا بارْیارْدیلار.'مِصرلیلِر اسرائیللانگ ایسْألن آلتین کۆمۆش و بٰهالی زاتْلارینی بِرْدیلِر. کأبیر خُدایا اینانان طایفهلارْدا اوُلار بیلِن مِصرْدِن چیقْدیلار.

گۆنْدیز بولوت خاتاری و گیجهلِرینه اوُد خاتاری اوُلارینگ اؤنگینی چِکْیأرْدیلر. خُدایینگ بارْلیغی بولوت و اوُد خاتاریندا بوُلیب اوُلاری بو یوُلْدا ایزْگیدِرْلی آلیب بارْیارْدی. اوُلارینگ بار اِتْمِلی زادی اوُنینگ ایزینا دۆشْمِکْدی.

آز سالیمْدان سوُنگ فرعون و اوُنینگ آدامْلاری اِدِن ایشْلِرینه اؤکینْدیلِر و اسرائیللاری یِنِه بیر گِزِک قول اِتْمِک اۆچین ایزارْلادیلار. خُدای یِکه تأک و حٰقیقی خُدایْدیغینی گؤرْکِزْمأگه و آدامْلارا فرعونْدان و مِصْرینگ بۆتین خْدایْلارینْدان یَهْوِهنگ گۆیچْلیدیگینی بیلْدیرْمِک اۆچین فِکرْلِرینی اۆیتْگِدیبْدی.

اسرائیللار مِصْرینگ قوُشینینی گؤرِنْلِرینْده قُلزَم دِنگیزی بیلِن فرعونینگ قوشینینگ آراسینْدا قالانْلارینا دۆشینْدیلِر. اوُلار قاتی قوُرقْدیلار و : »نأموچین مِصْری تاشْلادیق، اینْدی بیزینگ؟ « »همّهمیز یاقین وٰقتْدا اؤلِریس دیب چیغیرْیشْدیلار! «

موسیٰ اسرائیللارا دیدی: »قوُرقْمانگ! بو گۆن خُدای بیز اۆچین سؤوِشِر و خٰلاص بوُلارسینگیز. « سوُنگْرا خُدای موسیٰ دیدی: » اسرائیل خٰلقینا قُلْزَم دِنگیزه قارْشی گیتْمِگی آیدینگ. «

سوُنگْرا خُدای بولوت خاتارینی سۆریب مِصر قوُشونی گؤرْمِز یالی اِسْرائیل خٰلْقی بیلِن فرعونینگ قوُشونینینگ آراسینْدا قوُیْدی.

خُدای موسیٰ اِلینی دِنگیزینگ اۆستینْده قالْدیرْماغی بویورْدی. سوُنگْرا خْدای دِنگیزینگ سووینی بیر یِل ایبِریب ایکی یانا بؤلْدی و دنگیزْده بیر یوُل آچیلْدی.

شِیْدیب اِسْرائیل خٰلْقی ایکی قاپْدالینْدا سو دیواری بوُلان شِکلْده دِنگْیزینگ اوُرتاسینْدان یوُلْلارینی دوام اِتْدیرْدی.

شوُنْدان سوُنگ خُدای مِصرْلیلِر اسرائیللارینگ قاچْماغینی گؤرْمِکْلِری اۆچین بولوت خاتارینی آییرْدی. شوُنینگ اۆچین مِصرْلیلِر اوُلاری قاوماق قٰرارینه گِلْدیلِر.

شِیْدیب اوُلار اسرائیللانگ ایزینا دۆشیب دِنگیزه گیرْدیلِر. یؤنِه خُدای مِصرْلیلِری قوُرْقوزْدی و آرابالارینی باتیب قالْماغینا سِبأب بوُلْدی. اوُلار »قاچینگ، سبأبی خُدای اسرائیللار اۆچین سؤوشْیأر دیب قیغیریشْدیلار. «

اِسْرائیل خٰلْقی ساغ آمان دِنگیزینگ آنگریسینا یِتِنْلِرینْدِن سوُنگ خُدای موسیٰ دیدی: »اِلینگی دِنگیزه اوزات. « اوُل مونی اِدِنْدن سوُنگ سو مِصرْلیلِنگ و آرابالارنینگ اۆستینِه آغْدی و همّهسی دنگیزه غرق بوُلْدی.

اسرائیللار مِصر قوُشونینگ دوُلی یوُق اِدیلِنْدیگینی گؤریب خُدایا ایمان گِتیرْدیلِر و موسیٰ خُدایینگ پیغامْبِردیگینه اینانْدیلار.

اسرائیل خٰلْقی قاتی بِگِنْدیلِر، سِبأبی خُدای اوُلاری قولْچیلیقْدان و اؤلیمْدِن خٰلاص اِدیبْدی. اوُلار اینْدی خُدایا سیغینیب عبادات اِتْمأگه اِرْکینْدیلِر. اسرائیللار اِرْکینْلیگی وصف اِدْیأن و مِصر قوُشونینْدان خٰلاص اِدِنْلیگی اۆچین خُدایا کؤپ اؤوْگی و آیْدیمْلاری آیتْدیلار.

شِیْلهلیک بیلِن خُدای، خٰلْقینا هر ییل بو چأرأنی بِلْلِمِگی و خدایینگ مِصرْلیلِری نأهیلی یِنگِنْدیگینی و اسرائیل خٰلْقینی قولْچیلیقْدان خٰلاص اِدِنْلیگینی یادا سالْماغی بویورْدی. بو بایْرامْچیلیغی »پِسَخ« دیب آدْلانْدیریلْدی. اوُلار هر ییل پِطیر چؤرِگی و قربانْلیق توُقْلیسینی قاویرماق بیلِن بو بایْرامْچیلیغی بِلْلِدیلِر.