11. پِسَخ بایرامی

اسرائیللاری آزاد اِتمگی اۆچین خُدای موسیٰ بیلن هارونی فرعونینگ یانینا ایبِرْدی. اوُلار فرعونا اسرائیللاری گؤیْبِرْمِسِنگ خُدای ایلْکینْجی اوُغولْلارینی و مصرینگ حٰیْوانْلارینی هم یوُق اِتْجِکْدیگینی دویْدیرْدیلار. فرعون مونی اشْدیب اینانْمادی و یِنِه-ده خدایینگ بویْریغیندان یۆز اؤویرْدی.

خُدای اؤزینه اینانْیانْلارا ایلْکینْجی اوُغوللاْری بو بِلادان خٰلاص بوُلْماغی اۆچین بیر یوُل قوُیْدی. هِر ماشْغالا کِمْی بوُلْمادیق بیر توُقْلینی سایْلاب قُربانلیق چالْمالیدی.

خُدای اسرائیل خٰلْقینا توُقْلینگ قانینی اؤیْلِرینگ قاپْسینینگ داشینا چالْماغی بویورْدی. شِیله هِم اوُلار توُقْلینگ اتینی شارا اِدیب خمیرمایهسیز چؤرک بیلِن چالت اییْمِلی بوُلْدیلار خُدای یِنِه اوُلارا اییِنْلرینْدِن سوُنگ دِرْرِو مِصْری تاشْلاماغی بویوردی.

اسرائیللار خُدایینگ همّه بویْروقْلارینی دِقّت بیلِن یِرینِه یِتیرْدیلِر. شوُل گیجأنینگ یارینْدا خُدای مِصرْدِن گِچْدی و همّه مصرلیلِنگ اولی اوُغولْلارینی یوُق اِتْدی.

خُدای اسرائیل خٰلْقینینگ قاپیلارینْدا قانینگ ایزی بوُلان اویْلِرینگ دِنگینْدِن گِچْدی. توُقْلینگ قانی سِبأبلی بو اؤیْلِرْده اوُتیرانْلارینگ همّهسی آمان قالْدیلار.

یؤنِه خُدای اؤزینه اینانْمادیق و بویْروقْلارینا بوُیون اِنگْمِدیکْلِرینگ اؤیْلِرینینگ دِنگینْدن گِچْمِدی و اوُلارینگ اولی اوُغولْلارینی اؤلْدیردی.

مِصرلیلِنگ اولی اوُغولْلاری و فرعونینگ اولی اوُغْلی، تۆرمهده اوُتیران قولونگ اوُغلینا چِنْلی اؤلْدیریلْدی. مِصْرینگ کؤپ آدامی بو اولی قینانچ سبأبْلی آغْلادیلار.

شوُل گیجه فرعون موسیٰ بیلن هارونی چاغیریب اسرائیل خٰلْقینی آلیب درْرِو مِصرْدِن گیتْمِگی بویورْدی. مِصرلیلِرده اوُلارْدان هر نیچه باسیمْراق بو یورتْدان چیقْماغی ایسْلِدیلِر.