10. اوُن بِلا

خُدای موسیٰ بیلِن هارونا فرعونینگ قاتی یۆرک بوُلْجاقْدیغینی دویْدورْدی. موسیٰ بیلِن هارون فرعونینگ یانینا باریب دیدی: »بو اسرائیل خداینینگ سارْغیدیدیر خٰلقیمی اؤز اِرْکینه قوُی گیتْسینْلِر. « فرعون اوُلاری أسْگِرْمأنی، اِسْرائیللاری اؤنْگکیدِن بِتِر ایشلِمأگه مِجْبور اِتْدی.

فرعون هِنیزِم اسرائیل خٰلْقینی آزاد اِتْمِکْدِن یۆز اؤویرْیأرْدی. شوُنینگ اۆچین خُدای مِصْره اوُن سانی اِلْهِنچ بِلا ایبِرْدی. شوُل بِلالار بیلِن خُدای فرعونا اؤز گۆیْجینینگ فرعوندان و مِصرینگ بۆتین خُدایْلارینْدان خاص اولیدیغینی گؤرْکِزْدی.

خُدای نیل دِرْیاسینینگ سووینی قانا اؤویرْدی. شوُندادا فرعون اسرائیل خٰلْقینی گؤیْبِرمِدی.

خُدای بۆتین مِصر یورْدینی قورْباغهلار بیلِن دوُلْدیرْدی. فرعون موسیٰدان قورباغهلاری اؤز یورتْلارینْدان آییرْماغینی ایسْلِدی. یؤنه قورْباغهلار گیدِنْدِن سوُنگ فرعونینگ یۆرگی خاصام قاتیلاشْدی و اوُلارینگ مِصرْدن گیتْمِگینه اجازه بِرْمِدی.

شِیْدیب خُدای چیبینْلار بِلاسینی اوُنْسُنگ سینگِکْلِر بِلاسینی ایبِرْدی. فرعون، موسیٰ بیلِن هارونا بو بِلانی آییرْسالار مِصرْدن چیقْماغینا اجازه بِرْجِکْدیگینی آیتْدی. موسیٰنینگ دُعاسینْدان سوُنگ خُدای بو بِلالاری آییرْدی. یؤنه فرعون یۆرِگینی قاتیلاشْدیرْدی و یِنِه اوُلارا مِصرْدِن چیقْماغا اِجازه بِرْمِدی.

شوُنْدان سوُنگ خُدای مِصرْلیلِنگ حٰیْوانْلارنینگ کِسِلْلِمِگینه و اؤلْمِگینه سبأب بوُلْدی. یؤنه فرعونینگ یۆرِگی قاتادی و بو گِزِکْده اوُلاری گؤیْبِرْمِدی.

خُدای موسیٰ اِلْلِرینی کۆل بیلِن دوُلْدیرْماغی و فرعونینگ اؤنگینْده هوادا سِپْمِگی بویورْدی. موسیٰ مونی اِدِنْسُنگ اسرائیلْلارْدان باشْغا بۆتین مِصر خٰلْقینا آغیرْلی کِسِل دؤمیپ باشْلادی. یؤنه خُدای فِرعونینگ یۆرِگینی قاتیلاشْدیرْدی و فرعون اوُلاری گؤیْبِرْمِدی.

سوُنگْرا خُدای جؤوِنِک بِلاسینی ایبِرْدی. و اؤنۆمْلِرینگ کؤپْسینی و آچیق مِیْدانْداقی بۆتین جانْدارْلاری یوُق اِتْدی. سوُنگرا فرعون موسیٰ بیلِن هارونی چاغیریب دیدی: »بو گِزِک گناه اِتْدیم سیز اِرْکین گیدیبرینگ. « سوُنگ موسیٰ دُعا اتْدی و جؤوِنِک دینگْدی.

یؤنه فرعون یِنِه گناه اِتْدی و یۆرِگینی قاتیلاشْدیرْدی و اسرائیللاْنگ ارْکینْلیگینه اِجازه بِرْمِدی.

شِیْدیب خُدای مِصر یورْدینا کؤپ چِکیرتْگه ایبِرْدی. اوُلار جؤوِنِک بِلاسیندان قالان بۆتین اِکینْلِری ایدیلِر.

سوُنگْرا خُدای اۆچ گۆنْلیک قارانگْقیلیق بِلاسینی ایبِرْدی. بۆتین یِرْلِر شِیْلِه بیر قارانگْقیدی وِلین مِصرلیلِر اؤیْدِن چیقیب بیلْمِدیلِر. یؤنه اِسْرائیللانگ یاشایان یِری یاغتیلیقْدی.

بو دوقوز بِلادان سوُنگ هم فرعون اِسرائیللارا گیتْمأگه اِجازه بِرْمِدی. فرعون قولاق آسْمایانْلیغی اۆچین خُدای سوُنگْقی بِلانی ایبِرْمک قٰرارینه گِلْدی. بو بِلا فرعون اؤز قٰرارینی اۆیتْگِتْمأگه سِبأب بوُلْجاقْدیر.