9. خُدای موسینٰی چاغیریار

یوسف اؤلِنْدِن سوُنگرا بار قارینْداشْلاری مِصرده قالْدیلار. کؤپ ییلاّب اوُلار و اُغْلانْلاری شوُل یِرْده قالیب یاشادیلار و کؤپ چاغالاری بوُلْدی. مِصرلیلِر اوُلارا اِسْرائیلْلی دییِرْدیلِر.

یۆزلِرچه ییلْدان سوُنگ اِسْرائیلْلانگ سانی قاتی کؤپِلْدی. مِصرلیلِر بوُلسا یوسف و اوُنینگ اِدِن کؤمِکْلِرینی اونودیبْدیلار. اوُلار اِسْرائیلْلارْدان قوُرقیارْدیلار سبأبی اوُلارینگ سانی قاتی کؤپْدی. شِیْدیب شوُل عٰصردا مِصره حکومت اِدْیأن فرعون، اِسْرائیلْلاری مِصرلیلِنگ قولونا اؤویرْدی.

مِصرلیلِر اِسْرائیلْلاری کؤپ بِنا و حتّی شَهر قورماغا مِجْبور اِتْدیلر. آغیر ایشْلْر اوُلار اۆچین دورموشی قاتی قینالْدیبْدی. یؤنه خُدای اوُلارا بِرِکِت بِرْدی و اوُلارینگ کؤپ چاغالاری بوُلْدی.

فرعون اِسْرائیلْلانگ کؤپ چاغالیدیغینی آنگْلادی شوُنینگ اۆچین اؤز خٰلْقینه اوُلارینگ بۆتین اِرْکک بأبکْلِرینی نیل دریاسینا اوُقْلاماغی و اؤلْدیرْمِگی بویورْدی.

شوُل بارمیشا بیر اِسْراعیلْلی عٰیالینگ اِرْکِک چاغاسی بوُلْدی. اوُل آدامْسی بیلِن چاغانی مۆمْکین بوُلْدیغیچا گیزْلِدیلِر.

چاغانینگ اِنِه آتاسی اوُنی گیزْألب بیلمأنسُنگرا، چاغانی اؤلْدیرْمِزلیگی اۆچین بیر سِبِده سالیب نیل دِرْیاسینینگ بوُیونْداقی قامیشْلانگ آراسیندا قوُیْدیلار. یؤنه اولی قیز دوُغانی اوُنگا نأمه بوُلارْقا دیب اوزاقْدان قارایارْدی.

فرعونینگ قیزی سِبِدی گؤریب اوُنینگ ایچینی بارْلادی. چاغانی گؤریب اوُنی اوُغولْلیغا آلْدی. اوُل چاغانی اِمْدیرْمِک اۆچین بیر اِسْرائیلْلی اِنِکِه توتْدی. یؤنه توتان اِنِکهسی چاغانگ اؤز اِنِهسیدیگینی بیلمهیأرْدی. اِنِهسی چاغانی سۆیتْدِن کِسِنْده اوُنی فرعونینگ قیزینینگ یانینا گِتیرْدی. اوُل چاغانگ آدینا موسیٰ داقْدی.

موسیٰ اولالانْدا بیر مِصرلی اِسْرائیلْلینی خوُرْلاب دورانینی گؤرْدی. موسیٰ اسرائیل دوُغانینی خلاص اِتْمأگه سینانیشْدی.

موسیٰ هیچکیم گؤرْمِزْمیکأ دیب اوُل مِصرْلینی اؤلْدیرْدی و جِسِدینی گیزْلِدی. یؤنه بیری موسیٰنگ بو اِدِن ایشینی گؤرْدی.

فرعون موسیٰنگ اِدْمیشینی بیلْدی و اوُنی اؤلْدیرجِک بوُلْدی. یؤنه موسیٰ مِصرْدِن چیقیب چؤله قاچْدی. و فرعونینگ عِسْگِرْلِری اوُنی تاپیب بیلْمِدیلِر.

موسیٰ مِصرْدِن اوزاق بیر چؤلْده چوُپانْچیلیق ادْیأرْدی. اوُل شوُل یورتْدا بیر عایالا اؤیْلِنْدی و ایکی چاغاسی بوُلْدی.

گۆنْلِرینگ بیرینده موسیٰ قاین آتاسینینگ سۆریسینی باقْیارقا یانیب دوران بیر قیریمْسی آغاچ گؤرْدی یؤنه یاقْمایاردی. سبأبینی بیلْمِک اۆچین یاقینْلادی. موسیٰ یانْیان قیریمْسی آغاجا یاقینْلاندا خُدای قیریمْسی آغاجینگ ایچینْدِن سِسْلِنْدی: »آیاق قابینگیزی چیقارینگ سبأبی بو دوران یِرینگیز مُقَدّسْدیر«

سوُنگْرا خُدای: »مِصرده خٰلْقیمینگ گؤرْگیلِرینی گؤردیم. مِن سیزی خٰلْقیمی مِصرْده قولچیلیقْدان آزاد اِتْمِک اۆچین فرعونینگ یانینا ایبریأن. من اوُلارا اِبْراهیم ، اِسْحاق و یعقوبا وَعْده بِرِن یورْدیم، کِنِعانی بِرِرین دیدی. «

موسی: »مِنْدِن سِنی کیم ایبرْدی دیسِلِر اوُلارا نأمه دییهیین دیدی«. خُدای »مِن بیری بارْدیرین و اوُلارا بیری بار ایبِرْدی دیگین و ینه اوُلارا دیگین من یَهْوه، آتالارْنگیز اِبْراهیم، اِسْحاق و یعقوبینگ خُداییدیرین. مِنینگ آدیم اِبِدیلیک شودیر. «

موسیٰ قاوی گِپْألب بیلمِزْلیگینْدن قوُرْقیب فرعونینگ یانینا گیدِسی گِلْمِیأرْدی. شوُنینگ اۆچین خُدای موسیٰنگ دوُغانی هارونی اوُنگا کؤمِک اِتْمِک اۆچین ایبِرْدی.