8. خُدای یوسف و ماشْغالاسینی نِجات بِرْیأر

اوزاق ییلْلارْدان سُنگْرا یٰعقوب قارّانْدا، سؤیّأن اُغْلی یوسفی، مال باقیب یؤرأن دُغانْلارنینگ ساغْلیغینْدان خٰبٰر گِتیر دیب ایبِرْدی.

یوسفینگ دُغانْلاری اُنی سؤیْمِیأرْدیلر. سبأبی آتاسی اُنی دُغانْلارینْدان کؤپْرأک سؤیِرْدی و یِنِدِه یوسف اُلُرا حُکم سۆرجِکْدیگینی دۆیش گؤریبْدی. اُنْسُنگ یوسف دُغانْلارْنینگ یانینا بارانْدا اُلُر اُنی اُغیرْلاب قولْلانگ تاجرینه ساتْدیلار.

یوسوفینگ دُغانْلاری اؤیه بارمانْقالار یوسوفینگ اِشیکْلِرینی ییرتیب اُنی گِچینینگ قانینا بوُیادیلار. اُنْسُنگ بیر ییرتیجی حٰیْوان یوسفی اؤلْدیرِنْمیکأ دیسین دیب اِشیگی آتالاری یٰعقوبا گؤرْکِزْدیلِر. یٰعقوب بِتِر قینانْدی.

تاجرلِر یوسفی اؤزْلِری بیلِن مصره اَکیتْدیلِر. مصر قاتی اولی و گۆیچْلی بیر یورتْدی و نیل دریاسینینگ قیراسینْدا یِرْلِشْیأرْدی. دُغانْلاری اُنی مصر دولِتینینگ اُرینْلی و بیر بایینا ساتیبْدیلار. یوسف اؤز آرْبابینا قاوی قولّیق اِدِرْدی و خُدای هم اُنگا بِرِکِت بِرِرْدی.

اُل دولِت آدامْسینینگ عٰیالی یوسف بیلِن یاسسیقْداش بُلْجاق بُلیب تٰلاش اِدِرْدی. یؤنِه یوسف خُدایا قارْشی گناه اِتْمِگی قٰبول اِتْمِدی. اُنْسُنگ اُل زِنان غٰضٰبْلانْدی و یوسفه یِرْسیز تهمت یاپْدی و اُنی توتْدیرب توسّاغ اِتْدیرْدی. یؤنه یوسف توسّاغدا هم خُدایا وِفالی قالْدی و خُدای اُنگا بِرِکِت بِرْدی.

ایکی ییل گِچِنْدن سُنگْرا یوسف گناهسیز بُلْسادا ینه توسّاغدا بُلُرْدی. بیر گیجه فرعون ایکی اۆیتْگِشیک دۆیش گؤرْدی و قاتی اینْجالیقْسیز بُلْدی. فرعونینگ هیچ بیر گِنگِشْچیلِری اُنینگ دۆیشْلِرینی یُریب بیلْمِدیلِر.

سِبأبی خُدای دۆیْش یُرماق بیلْمینی یوسفه بِریبْدی. فِرعون دۆیْشینی یُرْدیرماغا اُنی توسّاغْدان اؤز یانینا گِتیرْدی. یوسف اُنگا دیدی: »خُدای یِدی ییل بُل حاصیل بِرِر و اُنینگ ایزینْدان یِدی ییل آچْلیق بُلُر. «

یوسفینگ قیلیغی فرعونه بِتِر یارادی و اُنی مصرینگ گۆیچْلی آدٰمْلارْنینگ ایکینْجی اُرْنینْدا یِرْلِشْدیرْدی.

یوسف آدٰمْلارا یِدی ییل بُلْچیلیقْدا ایمیت اؤنیمْلِرینی انْبارا باسینگ دیدی. اُنْسنگ یِدی ییل آچْلیق باشْلاندا یوسف، ایمیتْلِری یِتِرْلیک بُلُر یالی شُل اؤنیمْلِری ایلاتا ساتْیارْدی.

آچلیق و قُراقْچیلیق شِیْله گۆیچْلیدی وِلین دینگه مِصر دألده اِیْسِه یٰعقوب و اُنینگ ماشْغالاسی یاشایان یورْدی، کِنْعانا هم باریب یِتیبْدی.

شِیْلِلیک بیلِن یٰعقوب ایمیت گِتیرْمِک اۆچین اؤز اولی اُغیلْلارینی مِصْره اوغْراتْدی. اُلُر ایمیت ساتین آلماق اۆچین یوسفینگ قارْشیسینا بارانْلارینْدا اُنی تانیمادیلار یؤنه یوسف اُلُری تانیدی.

دُغانْلارینی سیناغْدان گِچیرِندِن سُنگْرا یوسف اُلُرا دیدی: »من دُغانینگیز یوسف. قُرقْمانگ. سیز مِنینگ حٰقیمدا یامانْلیق اتْدینگیز یؤنِه خُدای یامانینگیزی یاغْشا اؤویرْدی. گلینگ مِصرْده یاشانگ. من شوتایْدا بۆتین زادی سیزه و ماشْغالانگیزا تِیّارْلاب بِرِرین. «

یوسفینگ دُغانْلاری اؤیه دُلُنیب گِلِنْلِرینْده یوسفینگ دیریلیگینی یعقوبا آیتْدیلار و اُل بِتِر بِگِنْدی.

یعقوب قارّی بیر کیشی بُلْسادا ماشْغالاسی بیلِن مِصْره گؤچْدی و اُلُر بیلِلیکْده شوتایْدا یاشادیلار. یعقوب اؤلمأنکأ همّه اُغیلْلارینا بِرِکِت بِرْدی.

خدایینگ ابْراهیما بِرِن عَهْدی پِیْمانی اِسْحاقْدان سُنگْرا یٰعقوبا و اُنْسُنگ اُنینگ اُن ایکی اُغْلینا یِتْدی. یٰعقوبینگ اُن ایکی اوغولْنینگ نِسْلینْدِن اسرائیلینگ اُن ایکی قبیلهسی دؤرِدی.