7. خُدای یٰعقوبا بِرِکِت بِرْیأر

اُل ایکی اُغْلُن اولالْدیلار. عیسو آوا گیتْمِگی سؤیِرْدی. یؤنِه یٰعقوب اؤیْدِن چیقْمازاق بیر آدٰمْدی. رِبِکا یٰعقوبی سؤیِرْدی یؤنِه اِسْحاق عیسونی بِتِر سؤیِردی.

بیر گۆن عیسو قاتی آجیغیب آوْدان دُلُنیب گِلْدی. عیسو یٰعقوبا دیدی: »ایمیتینگْدن مانگادا آزاجیق بِراسانگ. « یٰعقوب جوُغابینْدا دیدی: »ایلْکی، باش اُغیلْلیغینگ اۆچین هر نأمه یِتْیأن بُلسا مانگا گِچْیأن دیب سؤز بر. « شِیْلِلیک بیلِن عیسو اؤز بۆتین باش اُغیلْلیق حٰقینی یٰعقوبا گِچْیأن دییب سؤز بِرْدی. اُنْسُنگ یٰعقوب عیسوا بیرْنِمِه ایمیت بِرْدی.

اِسْحاق اؤز بِرِکِتینی عیسوا بِرْجِک بُلُنْدا رِبِکا حیله بیلِن عیسونگ یِرینه یٰعقوبی اِسْحاقینگ اُتاغْینا ایبِرْدی. اِسْحاق قارّیبْدی و اینْدی گؤزلِری قاوی گؤریب بیلْمِیأردی. یٰعقوب عیسونگ اشیکْلِرینی گِیینْدی و بوُیین و اِلْلِرینی گِچینینگ دِریسی بیلِن دُلُدی.

یٰعقوب آتاسینینگ یانینا گِلیب دیدی: »من عیسو، مانگا برِکِت بِرْمِگینگ اۆچین گِلْدیم. « اِسْحاق گِچینینگ دِریسینی الْألب، اِشیگی ایسْغاندا یانینا عیسو گِلِنْمیقا دییب اُنگا بِرِکِت بِرْدی.

عیسو یٰعقوبدان ییگْرِنْیأرْدی، سِبأبی اُل باش اُغیلْلیق حٰقینی و اُنینگ بِرِکِتینی اُغیرلابْدی. شِیْلِلیک بیلِن اِسْحاق اؤلِنْدِن سُنگرا یٰعقوبی اؤلْدیرْمِک نیّتی یۆرِگینه دۆودی.

یؤنِه رِبِکا مونی آنگْشارْدی و اِسْحاق ایکیسی، یٰعقوبی اوزاق بیر یِرِه رِبِکالانگ قارینْداشْلارْنینگ یانینا ایبِردیلِر.

یٰعقوب کؤپ ییلْلاب رِبِکالانگ قارینْداشْلارْنینگ یانینْدا یاشادی. شُل ییلْلارْدا اُل اؤیْلِنْدی و اُن ایکی اُغْلی و بیر قیزی بُلْدی. خُدای یٰعقوبا کؤپ بایْلیق بِرْدی.

کِنْعانْدأکی اؤیینْدِن ییگْریمی ییلْلاب داش دۆشِنْدن سُنگْرا یٰعقوب ماشْغالاسی و قولّیقْچیلاری و بۆتین سۆریسی بیلِن اُل یِرِه دُلُنیب گِلْدی.

شو یاغْدای بیلِن یٰعقوب یِنِه قاتی قُرقْیارْدی. سِبأبی هأزیرْده عیسو اُنی اؤلْدیرِرْمیکأ دییأرْدی. شِیْلِلیک بیلِن عیسوا سۆریسینْدِن کؤپْلِرْچه مالی هالات حُکْمینْده ایبِرْدی. اُل مالْلاری عیسوا أکیدِن قولّیقْچی اُنگا دیدی: »بو مالْلاری قولینگ یٰعقوب سانگا هؤدیرْلِیأر. اُل باسیمْلیقْدا بو یِرِه گِلیب یِتِر. «

یؤنِه اینْدی عیسونگ یٰعقوبا ضِرِر یتیرمِک نیّتی یُقْدی و اُنی گؤریب بِتِر بِگِنْدی. یٰعقوب کِنْعانْدا پاراخاتْلیق و آرقایینْلیق بیلِن یاشایارْدی. اُنْسُنگ اِسْحاق اؤلْدی یٰعقوب بیلِن عیسو اُنی تُپْراغا تابْشیرْدیلار. خُدایینگ اِبْراهیم بیلِن باغْلاشان عَهْدی اِسْحاقْدان سُنگْرا یٰعقوبا یِتْدی.