6. خُدای اِسْحاقا تِیّارلار

ابراهیم قارّیلیغا و اُغْلی اسحاق جوانْلیغا یِتِنْده، ابراهیم قولّیقْچیلارْنینگ بیرینی اسحاقا گِلینْلیک قیز گِتیرمأگه اؤز دُغْدیق مکانی، آتا بابا یوردینا ایبِرْدی.

کؤپ یوُل یؤرأندِن سُنگْرا ابراهیمینگ دُغان−قارینْداشْلاری یاشایان یورْدینا یِتْدی. خُدای اُل قولّیقْچینی ابراهیمینگ دُغانینینگ آغتیغی رِبِکا قارْشی یوُلْلادی. اُل ابراهیمینگ دُغانینینگ آغْتیغیدی.

رِبِکا اؤز اؤیْلِرْنی تاشْلاب قولّوقْچی بیلِن اسحاقینگ اؤیْنه گیتْمأگه راضی بُلْدی. یِتِنْلِرینْدِن سُنگرا دِرِّو اسحاق رِبِکا بیلن اؤیْلِنْدی.

نأچه وقتْدان سُنگْرا ابراهیم اؤلْدی و خُدای ابراهیم بیلِن ادِن عَهْدی اۆچین اسحاقا بِرِکت بِرْدی. خُدایینگ اِدِن عَهْدینینگ بیری شودی کی ابراهیمینگ سانْسیز نِسْلی بُلُر یؤنِه رِبِکا اسحاقینگ عٰیالینینگ اُغْلانی بُلْمایارْدی.

اسحاق رِبِکا اۆچین خُدایا دُعا اتْدی و رِبِکا اِکیز چاغا گؤورِلی بُلْدی. اُل ایکی چاغا دُغْمانقالار رِبِکانگ گؤوْرِسینده بیر−بیری بیلِن ساواشْدادیلار. شُنگا گؤرأ رِبِکا مونینگ سبأبینی خُدایْدان سُراشْدی.

خُدای رِبِکاٰ دیدی: »سِنینگ ایکی اُغْلینگ بُلُر. اُلُرینگ هِر قایْسینْدان آیْری بیر ملّت دؤرأر. اُلُر هِمیشه ساواشارْلار. یؤنه اولی اُغْلینگ ملّتی، کیچی اُغْلینگ ملّتینه بوُیون بُلُرلار. «

رِبِکانگ اُغولْلاری دُغانْدا، بیرینْجی اُغْلی قیزیل یۆزْلی و انْدامی تۆیْلیدی، اُلُر اُنینگ آدینا عیسو داقْدیلار. اُنْسُنگ ایکینجی اُغْلی، عیسونگ اؤگْجِسینی توتیب دوران یاغْدایْدا دُغْدی. اوُنینگ آدینا یعقوب داقْدیلار.