5. عَهْدینگ اُغْلی

کِنْعان یوردینا هِجْرِت اِدِنْلِرینْدن اُن ییل سُنْگرا هِم اِبْرام بیلِن سارانینگ چاغالاری یُقْدی. اُنْسُنگ اِبْرامینگ عٰیالی سارای دیدی: »خُدای منی چاغا دُغورْمانا اورصْغات بِرْمِدی و ایندی گؤورِلی بُلمادان هِم بِتِر قارّیدیم، منینگ قیرناغیم هاجَری اؤزینگه عٰیال ادین بِلکِی اُل مانگا بیر چاغا دُغْریب برر. «

اُنْسُنگ اِبْرام هاجّر بیلن اؤیْلِندی. هاجَر بیر اُغول دُغیرْدی و اِبْرام اُنینگ آدینا اِسْماعیل داقْدی. یؤنه سارای هاجَره گؤریبْچیلیک ادِرْدی. اِسْماعیل اُنۆچ یاشا بارانْدا خُدای، یِنِه بیر گِزِک اِبْرام بیلِن سؤزْلِشْدی.

خُدای دیدی: »مِن باشارْگوجی خُدایْدیرین. سِنینگ بیلِن بیر عَهد باغْلاجاق. « اُنْسُنگ اِبْرام خُدایینگ دِرْگاهسینا باش اِنگْدی. خُدای یِنِه اِبْراما دیدی: »سِن کؤپ خَلْقینگ آتاسی بُلُرسینگ. مِن کِنعان یورْدینی بیر میراث حُکمینده سانگا و سنینگ نِسْلینگه بِرِرین و اِبِدیلیک خُدایْلاری بُلُرین. سِن هِم اؤز اِچِری ماشْغالانگْداقی همّه اِرْککْلِری سُنّت اِدِرْسینگ. «

»عٰیالینگ سارای بیر اُغول دُغورار بو اِدِن عَهْدیمیزینگ اُغْلی بُلُر. اُنینگ آدینا اِسْحاق داقارسینگ. مِن اُنینگ بیلن عَهد باغلاشارین و اُنْدان اولی بیر نِسیل دؤرِدِرین. اِسماعیلْدان هِم اولی بیر خَلق دؤرِدِیرین یؤنه مِنینگ عَهْدیم اِسْحاق بیلِن بُلُر. « اُنْسنگ خُدای اِبْرامینگ آدینی اِبْراهیما، یعنی کؤپ خَلقلارینگ آتاسینا اۆیتْگِتْدی و سارایینگ آدینی ساره یعنی »شاهْزادا« اۆیتْگِتْدی.

شُل گۆن اِبْراهیم اؤز ماشْغالاسینینگ بۆتین اِرْکِکْلِرینی سنّت اِتْدی. بیر ییلْدان سُنگْرا اِبْراهیم یۆز و ساره تُغسان یاشا بارانْدا ساره بیر اُغول دُغورْدی خُدایینگ ایسْلِگی بُیونْچا اُلُر اُنینگ آدینا اِسْحاق داقْدیلار.

هاچانْدا اِسْحاق جوانْلیغا یِتِنْده خُدای اِبْراهیمینگ ایمانینی سینادی و دیدی: »یِکِجه اُغلینگ اِسْحاقی مانگا قربانْلیق اتْگین«، اِبْراهیم یِنِه بیر گِزِک خُدایا باش اِنگیب اُغلینی قربانْلیق اِتْمأگه تِیّارْلیق گؤرْدی.

اِبْراهیم بیلِن اِسْحاق قربانْلیق جایا بارْیارْقالار اِسْحاق سُراشْدی: »آتا، قربانْلیغا اُدین تِیّار یؤنه قربانْلیق اِدیلْجِک تُقْلی نیرْده! « اِبْراهیم دیدی: »اُغلیم خُدای قربانْلیق تُقلینی تِیّارلار. «

اُلُر قربانلْیق جایا بارانْدا اِبْراهیم، اُغْلی اِسْحاقی یۆپ بیلِن باغْلادی و قربانْلیق جایْدا یِرْلِشْدیرْدی. اِبْراهیم اُغْلینی قربانْلیق اِتْجِک بُلُنْدا خُدای دیدی: »اِل ساقْلا! اُغْلینگا زیان یِتیرْمه! اینْدی بیلدیم مِنْدِن یانگا یۆرِنگْده قُرْقی بارْمیش سِبأبی یِکِجه اُغْلینگی مِنْدِن آیامادینگ. «. «

اِبْراهیم شُل قولایْدا اؤسیمْلیکْلِنگ آراسینْدا چُلُشیب دوران بیر قوُچی گؤرْدی. خُدای اِسْحاقینگ یِرینِه بیر قوُچی قربانْلیق اِتْمِک اۆچین ایبِریبْدی. اِبْراهیم بِگِنْچ بیلِن قوُچی خُدایا قربانْلیق اِتْدی.

شُنْدا خُدای اِبْراهیما دیدی: »همّه زادینگی و یِکِجه اُغْلینگی مانگا باغیشْلاجاق بُلُنینگ اۆچین سانگا بِرِکِت بِرِرین. سِنینگ نِسْلینگ آسْمانینگ ییلْدیزلاریندان هِم کؤپ بُلُر سِبأبی مِنْدن اطاعت اتْدینگ، یِرْدأکی همّه ماشْغالالار سِنینگ ماشْغالانگْدان بِرِکِت تاپارْلار. «