28. بای یگید

بیرگۆن اولی بایْلانگ بیری عیسیٰنینگ یانینا گِلیب اوُنْدان سوُرادی: »یاغْشی استاد، باقی یاشایْشی قوُلا سالْماق اۆچین نأمه اِتْمِلی؟ « عیسیٰ آیتْدی: »نأمه اۆچین مانگا یاغْشی دیب یۆزْلِنْیأرسینگیز؟ خدایْدان باشْغا هیچ کیم یاغْشی دألْدیر. باقی یاشایش ایسْلِسِنگیز خداینگ بویْروقْلارینا بوُیون بوُل. «

اوُل سوُرادی: »هایسی بویْروقْلارا بوُیون بوُلْمالی؟ « عیسیٰ آیتْدی: »قتل اِتْمه، زنا اِتْمه، اوُغورْلیق اِتْمه، یالان سؤزْلمه، اِنه آتانگا سیلاغ اِت و قوُنگْشینگی اؤزینگ یالی قاوی گؤر. «

یؤنه یاش یگید دیدی: »من بو بویْروقْلارینگ همّهسینی چاغالیغیمْدان بأری اِدیب گِلْیأرین، اینْدی باقی یاشاماغیم اۆچین نأمه اِتْمِلی؟ « عیسیٰ اوُنی هامرْاقْلیق بیلن قارادی.

و آیتْدی: »اینگ یاغْشیسینی اِتْمِک ایسْلِسِنگیز، گیدینگ و بار زادینگیزی ساتیب پولینگیزی غٰریبْلارا بِرینگ، خزینانگیز یِر یۆزینْده دألده آسْمانْدا بوُلار یالی! سوُنگ گِلْده مانگا بوُیون بوُل! «

اوُل یاش یگید عیسیٰنینگ بو سؤزینی اِشیدیب قاتی قینانْدی، سبأبی بای بوُلانسُنگ بایْلیغینی و ییغْنان مال و مُلْکینی اِلْدِن بِرمِک ایسْلِمِیأرْدی. اوُل عیسیٰدان یۆزینی ساویب داشْلاشْدی.

سوُنگ عیسیٰ شاگردلِرینه آیتْدی: »بیر بایینگ، خداینگ پادشالیغینا گیرْمِگینینگ قاتی قینْدیغینی بیلینگ. ینه بیر گِزِک آیدْیارین بیر بارْلی کیشینینگ خداینگ پادشالیغینا گیرْمِگینْدِن دۆیأنینگ اینگْنأنینگ گؤزینْدِن گِچْمِگی آنگساتْراقْدیر! «

شاگردْلِر عیسیٰنینگ بو سؤزینی اِشیدیب گِنگ قالْدیلار و سوُرادیلار، »اوُنْدا کیم قوتولیب بیلِر؟ «

عیسیٰ شاگردْلِرینه باقیب آیتْدی: »انسان اؤزینی قوتاریب بیلْمِز، یؤنه خداینگ یانینْدا همه زات مۆمْکینْدیر. «

پِتْرُس عیسیٰغا دیدی: »بیز سِنینگ ایزینگیزا دۆشْمِک اۆچین بۆتین زادیمزْدان گِچْدیک، اینْدی بیزینگ پاییمیز نأمه بوُلار؟ «

عیسیٰ آیتْدی: »هر کیم مِنینگ اۆچین دوُغانی، قیز اوُیاسی، انه آتا و چاغالاری، اؤی و یورْدینْدان گِچْسه یۆز اِسْسهسینی قازانار و باقی یاشایْشی قوُلا سالار. یؤنه بیرینْجی بوُلانْلارینگ کؤپْسی اینگ سوُنگْقی و اینگ سوُنگْقی بوُلانْلارینگ کؤپْسی بیرینْجی بوُلار. «