29. قاتی یۆرِک قولْلیقْچینینگ حِکایهسی

بیر گۆن پترس عیسیٰدان سوُرادی: »استاد، مانگا یامانْلیق اِدِن دوُغانیمی نأچه گِزِک باغشْلامالی؟ یِدی گِزِکْمی؟ « عیسیٰ آیتْدی: »یِدی دألْ، یِدی سانی یِدْمیش گِزِک! « عیسیٰ بیزه همیشهلیک باغشْلاماغی دۆشینْدیرْمِک ایسْلِدی. اوُنْسُنگ عیسیٰ بو حکایهنی آیتْدی.

اوُل آیتْدی: »خداینگ پادْشالیغی اِدیل قولْلیقچیلاری بیلِن حسابْلاشْماق ایسْألن بیر پادشاه مِنگْزِیأر. شوُل قولْلیقچیلانگ بیریسینینگ بِرْگیسی۰۰۰٫۲۰۰ییلْلیق ایش حٰقی بیلِن دِنگْدی. «

قولْلیقْچی بو مقدار پولی بِریب بیلْمِیأنْدیگی اۆچین پادشاه بِرْگیسینینگ دِرِگینه اوُنی، عیالینی، چاغالارینی و بۆتین مال و مُلْکینی ساتْماغی بویورْدی.

یؤنه اؤل آدٰم پادشانگ آیاغینا ییقیلْدی و یالْباریب دیدی: »ای پادشاه، بِرْگیمی سوُنگینا چِنْلی اۆزْمِگیم اۆچین قاراشایْسانگیز. « پادشانگ اوُنگا یۆرگی آویدی، سوُنگ اوُنی آزاد اِتْدی و همّه بِرْگیسینی گِچْدی.

یؤنه اوُل قولْلیقْچی پادشانینگ کؤشْگینْدِن چیقانْدا، دؤرت آیینگ قازانْجی یالی بِرْگیلی بیر ایشْدِشینی گؤرْدی. سوُنگ بوُغازینْدان قیسیب دیدی: »بِرگینگی بِر. «

بِرْگیلی یوُلْداشی آیاغینا ییقیلیب دیدی: »بِرْگیمی اۆزمِگیم اۆچین بیر آز وٰقت بِرسِنگیز. « یؤنه آلْغیلی راضی بوُلْمادی و ایشْدِشینی بِرْگیسینی بِرْینْچأ زنْدانا آتْدی.

اوُنینگ دوُستْلاری مونی اِشیدیب قاتی قینانْدیلار و پادشانینگ یانینا باریب اوُنگا واقعهنی آیتْدیلار.

پادشاه دِرْرِو شوُل آدٰمی چاغیرْیب دیدی: »ای پألی آزان قولْلیقْچی! مِن سِنینگ ایسْلِگینگ اۆچین بو اولی بِرْگینگی گِچْدیم سِن هِم حؤکْمان ایشْدِشینگ بیلِن شو ایشی اِتمِلیدینگ. « پادشاه قاتی قٰضٰبْلانْیب اوُنینگ هِمّه بِرگیسینی بِرینْچأ توسْساغ اِدیب زنْدانا آتیلْماغینی بویورْدی.

سوُنگْرا عیسیٰ آیتْدی: »سیز اگر دوُغانینگیزی تۆیس یۆرِکْدِن باغشْلاماسانگیز، آسْمانْدأکی آتام هم سیزینگ بیلِن شِیْله اِدِر. «