30. عیسی مسیحینگ بأش مۆنگ کیشینی ایمیتلِنْدیرشی

عیسی بوشْلاماق و تعلیم بِرمِک اۆچین کؤپ اوُبالارا ایلْچی ایبِردی. قایْدیب گِلِنْلِرینْده اِدِن ایشْلِرینی عیسی آیتْدیلار. سوُنگْرا عیسی اوُلاری دینچ آلْماق اۆچین کؤلینگ قولاینْداقی خلوت یِره آلیب گیتْدی. اوُنْسُنگ همهسی گأمأ مینیب دریانینگ آنگْریسینا گیتْدیلِر.

آدٰمْلار عیسی و شاگردلِرینینگ گأمأ مینیب بارْیانْدیغْنی گؤرِنْلِرینْده، اوُلارْدان اؤنگ دریانینگ آنگریسینا یِتْمِک اۆچین دریانینگ قیراسینْدان ایلْغاب باشْلادیلار. شوُنینگ اۆچین عیسی و شاگردلِری اوُل یِره بارنْلاریندا، بیر توُپار آدٰم اوُلارا قاراشْیب دورْدی و اوُلاری قارْشی آلْدیلار.

اوُلارینگ سانی اوُغْلان اوشاقْلارْدان آیْری بأش مۆنگه قولای اِرْکِکْدی. عیسیٰنینگ اوُلارا قاتی یۆرگی آویدی، سبأبی اوُلار چوپانْسیز قویونلار یالیدی. شِیْدیب عیسی اوُلارا تعلیم بِریب باشْلادی و سیرقاولاری شفا بِرْدی.

آغشام آرا شاگردْلِری عیسینینگ یانینا گِلیب دیدیلِر: »ای استاد، آدٰمْلاری اؤزینه ایمیت تِیْیارْلاماق اۆچین ایبِرینگ چۆنْکی بو اوزاق یِرده ایمأگه زات یوُق. «

یؤنه عیسی شاگردلِرینه آیتْدی: »اوُلارا اؤزینگیز ایمیت بِرینگ. « اوُلار دیدی: »بو معرکهنی نأدیب دوُیرْمالی؟ بیزْده دینگه بأش چؤرِک و ایکی آونیق بالیق بار. «

عیسی شاگردلِرینه آدٰمْلارا اِلْلی کیشیلیک توُپارْلاردا چِمِنلِرینگ اۆسْتینْده اوُتورْسینْلار دیب آیتْماغی بویورْدی.

سوُنگْرا عیسی بأش چؤرِک بیلِن ایکی بالیغی اِلینه آلْدی، آسْمانا قاراب خدایه شکر اِتْدی و اوُنگا بِرِکت بِرْدی.

شوُنْدان سوُنگْرا عیسی چؤرک بیلِن بالیقْلاری بؤلِک بؤلِک اِدیب شاگردلِرینه آدٰمْلارینگ آراسینْدا پایْلاماق اۆچین بِرْدی. شاگردلِر آدٰمْلارا ایمیت بِرْدیلِر و همّهسی اییب دوُیْدیلار. یؤنه اؤل ایمیتْلِردِن هیچ زات آزالْمادی.

سوُنگْرا شاگردلِر قالان ایمیتْلِری ییغْنادیلار شِیْدیب بأش چؤرِک بیلِن ایکی بالیقْلادان باشْغا، اوُن ایکی سبد دوُلْدی.