40. عیسینینگ صلیبه چِکیلْشی

سربازْلار عیسینی مسخره لانْدان سوُنگْرا صلیبه چِکْمِک اۆچین داشاری چیقارْدیلار. اوُنی صلیبینی گؤترمأگه مجبور اِتْدیلِر.

سربازلار عیسینی جُلجُلْتا دییِن یِره آلیب گیتْدیلِر و اِل آیاغینی صلیبه چۆیلِدیلِر. یؤنه عیسی آیتْدی: »ای آتام! بو آدٰمْلاری باخشلانگ، سِبأبی نأمه اِدیأنْلِرینی بیلِمِیأرلِر. « پیلاتسینگ بویْروغی بیلِن اوُنینگ کلّهسینینگ اۆسْتینْده: بو یهودینگ پادشاسیدیر دییِن یازْغی قوُیولْدی.

سوُنگ سربازلار عیسینینگ دوُنینا بیجه تاشْلادیلار. مونینگ بیلِن انجیلینگ: »دونیمی اؤز آرالارینْدا پایْلاشارْلار و مِنینگ دوُنیما بیجه تاشْلارلار دییْلِن وِلیلیگی یِرینه یِتیریلْدی. «

سربازلار بیلهلیکْده ایکی اوُغرینی هِم صلیبه چِکْدیلِر و عیسینی صلیبْده اوُلارینگ آراسینْدا قوُیْدیلار. اوُلارینگ بیری عیسینی مسخره اِتْدی، یؤنه اوُل بیریسی اوُنگا دیدی: »سن خدایْدان قوُرقْمایارسینگمی؟ بیز گناه لی یؤنه بو آدٰم بی گناه«. شوُنْدا عیسیغا دیدی: »ای عیسیٰ پادشالیغینگْدا مِنی یادا سال. « عیسی اوُنگا آیتْدی: »بوگۏن سِن منینگ بیلِن جنّتده بوُلارسینگ. «

یهودینگ دین باشْچیلاری و اوُل یِرْدأکی آدٰمْلار عیسینی مسخره لاب دیدیلِر: »اگر خداینگ اوُغْلی بوُلْسانگ صلیبْدِن آشاق دۆش و اؤزینگی خلاص اِت! شوُنْدا بیز سانگا ایمان گِتیرِریس. «

گۆن اوُرتا چاغی بوُلْسادا بۆتین آسمان قارانگْقیدی. بو قارانگْقیلیق اۆچ ساعت دوام اِتْدی.

سوُنگ عیسی قیغیرْدی: »قوتارْدی، ای آتام، اؤز روحیمی سِنینگ اِل لِرینگه تابْشیرْیارین. « سوُنگ بوُلسا باشینی اِنگیب جان بِرْدی. جان بِرِنْده یِر تیتْرِدی و آدٰمْلاری خداینگ حضۏرینْدان آیرْیان)قد القداس(عبادتْگاهنگ اولی پِرْده سی یوُقارْدان آشاقْلیغینا ایکی بؤلینْدی.

عیسی، اؤلیمی بیلن آدٰمْلانگ خداینگ حضورینا گِلْمِگینه یوُل آچْدی. روم قاراویللی بولاری گؤریب دیدی: »دوُغریدان هم بو آدٰم بی گناهدی. اوُل خداینگ اوُغْلیدی. «

سوُنگ عیسی نینگ مسیحدیگینه اینانیان ایکی یهود باشْچیلاری نیقودیموس و یوسف، پیلاتسینگ یانینا باریب عیسینینگ جِسِدینینگ بِرْمِگینی ایسْلِدیلِر. اوُلار جِسِدی کِتِن پارچا دوُلاب داش مزارا سالْدیلار و مزارینگ آغْزینی یاپْماق اۆچین اولی داشی توُغارداپ قوُیْدیلار.