39. عیسینینگ محکمه چِکیلْشی

گیجه یاری، سربازلار سوُراغ اِتْمأنه عیسینی باش روحانینینگ یانینا أکیتْدیلِر. پترس هم اوزاقْدان اوُلارینگ ایزْینْدان گِلْیأردی. عیسیٰنی اؤیه سالانْلارینْدا،. پترس اؤزینی قیزدیرْماق اۆچین اؤینگ داشینْدا اوُدینگ قابْدالینْدا دورْدی.

اؤینگ ایچینْده یهود باشْلیقْلاری عیسینی سوُراغا چِکْدیلِر. عیسیغا یالان تهمت باغْلایْجی کؤپ شاهدْلِری گِتیرْدیلِر. یؤنه اوُلارینگ آیْدانْلاری مِنگْزِش دألْدی. شوُنینگ اۆچین یهود باشْلیقْلاری اوُنینگ یازیقْلیدیغینی بِللی اِدیب بیلْمهدیلِر. عیسی هم هیچ بیر سؤز آیتْمادی.

آخیرْدا یهود باشْلیغی عیسی باقیب دیدی: »بیزه آیْدینگ، سِن خداینگ اوُغلی مسیحمینگ؟ «

عیسی آیتْدی: »هاوا، بیر گۆن مِنینگ خداینگ ساغ الینْده اوُتوریب آسْمانْدان یِره دوُلانیب گِلْیأنیمی گؤررْسینگیز. « عیسینینگ آیْدانْلارینْدان قٰهٰرْلانان باش روحانی کؤیْنِگینی یرْتیب بِیْلِکی دینی باشْلیقْلارا قیغیریب دیدی: »بیزی ایندی باشْغا شاهد گرک دأل. همّه نگیز اوُنینگ خداینگ اوُغْلی دییِندیگینی اِشیتْدینگیز. نأمه نٰظٰرینگیز بار؟ «

یهود باشْلیقْلاری باش روحانینگ جوُغابینْدا دیْدیلِر: »اوُل اؤلیمه سِزاوار. « سوُنگ عیسینگ گؤزْلِرینی باغْلادیلار، یۆزینه تۆیْکیرْدیلِر، اوُنی اوروب مسجره اِتْدیلِر.

پترس اؤینگ داشینْدا دورْدی. بیر قیرْناق اوُنی گؤریب دیدی: »سِنْده عیسینگ بیلنْدینگْمی«. پترس دأنْدی. آز سالیمْدان سوُنگرا باشْغا بیر قیرْناق اوُنگا شو سؤزی دیدی پترس یِنه دأنْدی. آخیرْدا شوُل یِردأکی دورانْلار اوُنگا دیدیلِر: »سِنینگ عیسینینگ شاگردلرنینگ بیریدینگیزی بیلیأریس، سبأبی سیز هم جلیللیسینگیز. «

شوُنْدا پترس آنت ایچیب دیدی: »بو آدٰمی تانایان بوُلسام خدای منی لعنت اِتْسین. « شوُل چاغْدا خوُراز قیغیرْدی و عیسیٰ ایزینا اؤورْیلیب پترسا باقْدی.

پترس گیدیب کأن آغْلادی. شونْدا دؤنیک یهودا، یهود باشْلیقْلاری عیسینی اؤلیمه محکوم اِدِنْدیکْلِرینی گؤرْدی. غم غصه دن یانگا گیدیب اؤزینی اؤلْدیرْدی.

شوُل گۆنْلِرده روم حأکیمی، پیلاتس یهودلارا حؤکم سۆرِرْدی. یهود باش توتانْلاری عیسینی اوُنینگ یانینا أکیتْدیلِر. پیلاتسینگ عیسینی اؤلیمه حکم اِتْمِگینی ایسْلِدیلِر. پیلاتس عیسیدان سوُرادی: »سن یهود پادشاسیمی؟ «

عیسی آیتْدی: »دوُغْری دیدینگ. یؤنه مِنینگ پادشالیغیم یرلیکْلی دأل. شِیْله بوُلْسا مِنینگ یارانْلارم مِنینگ اۆچین سؤوِشِرْدیلِر. یؤنه من بودنیا همّهلِره خدای بارادا حقیقتی آیدْماق اۆچین گِلْدیم. هر کیم حقیقتی سؤیسه مِنی دینگْألر. « پیلاتس سوُرادی: »حقیقت نأمه؟ «

پیلاتس عیسی بیلن گۆرْلِشِنْدِن سوُنگْرا معرکه نینگ یانینا باریب دیدی: »بو آدٰمْی اؤلیمه سزاور اِدِر یالی هیچ بیر یازیق تاپْمادیم. « یؤنه یهود باشْلیقْلاری و معرکه: »اوُنی صلیبه چِکینگ دیب قیغیریشْدیلار. پیلاتس دیدی: »اوُنینگ یازیغی یوُق« یؤنه اوُلار بۏ گِزِک قاتیراق سس بیلِن قیغیرْدیلار. پیلاتس اۆچینْجی گِزِک: »اوُل یازیقْلی دأل« دیدی.

پیلاتس قوُزْغالانگ بوُلْماغینْدان قوُرْقیب عیسی نی صلیبه چِکْمِکْلِری اۆچین سربازْلارینا تابْشیرْدی. روم سربازْلاری عیسینی قامْچی بیلن اورْدیلار و شالیق دوُن گِیْدیرْدیلِر. و کِلِّهسینه تیکِنْدِن تأچ گِیْدیرْدیلِر. شوُنْدا مسخره لاب »یاشاسین یهودا پادشالیغی« دیدیلِر.