38. عیسیٰغا دؤنیکْلیک

یهودلر هِر ییل پِسَخ توُیون توُیْلارْدیلار. بو توُی اوُلانگ آتالارینینگ نأهیلی مصرینگ قولْچیلیغینْدان خالاص بوُلانْدیقْلارینی یادْلاتْیارْدی. عیسیٰنینگ وعظ و تعلیمینْدِن اۆچ ییلا قولای گِچِنْده شأگردْلِرینه اوُلار بیلِن اورْشَلیمْده پِسَخ بایْرامینی توتْجاقْدیغینی آیتْدی. یِنه اوُل یِرْده اؤلْدیرْیلجِکْدیگینی آیتْدی.

یهودا عیسیٰنینگ بیر شأگردی و شأگردلِر توُپارْنینگ خزانهداریدی. کؤپْلِنچ اوُنْدان پول اوُغیرْلارْدی. عیسی و شاگردْلری اورشلیمه یتِنْلِرینْدِن سوُنگ یهودا، یهودی باش رۏحانیلارنینگ یانینا بارْیب، پولینگ دِرِگینه عیسیٰنی فاش اِتْمِگی ایسْلِدی. اوُل یهود یولْباشْچیلانگ عیسینینگ مسیحدیگینه اینانْمایارلار و اوُنی اؤلْدیرْمِک ایسْلِیأندیگینی بیلْیأرْدی.

یهود یوُلباشْچی لار اینگ اولی روحانی نینگ باش توتانْلیغینْدا یهودانینگ دؤنیکْلیک اِدیب عیسیٰنی اوُلارا قاوْشیرْماغی اۆچین اوُتوز کۆمیش تنگنگه تؤلِدیلِر. اِدیل پیغامْبِرلِرینگ آیْدیشی یالی یهودا قبول اِتْدی و پوللاْری آلیب یوُلا دؤشْدی. شوُنْدان سوُنگرا عیسیٰنی اوُلارا تسلیم اِتْمِک اۆچین چِم آرایارْدی.

عیسیٰ اورشلیمده شأگردلِری بیلِن پِسَخ بایرامینی گِچیرْیأرْدی. پِسَخ شامینی اییب اوُتیرْقا عیسیٰ چؤرِگی آلیب دؤوْدی و آیتْدی: »آلینگ ایینگ، بو سیزه بِریلْیأن مِنینگ بِدِنیمْدیر. مونی مِنی یادْلاب اِدینگ. « شِیْدیب عیسیٰ اوُلار اۆچین جان بِریب قربان بوُلْجاقْدیغینی آیتْدی.

سوُنگ عیسیٰ بیر کأسه شراب آلیب اوُلارا آیتْدی: »بو گناهلِرْنگیزینگ باغشْلانْماغی اۆچین تأزه عهدْدأکی دؤکیلِن قانیمْدیر. شوُنْدان ایچینگ. گِلِجِکْده بو ایشی مِنینگ یادیما اِدینگ. «

سوُنگ عیسیٰ شاگردلِرینه آیتْدی: »سیزْدِن بیری مانگا دؤنیکْلیک ادیأر. « شاگردلِر گِنگ قالیب کیمینگ بو ایشی ادِنْدیگینی سوُرادیلار. عیسیٰ آیتْدی: »بو لُقمهنی مِنْدِن آلان کیشی دؤنیک. « اوُنْسُنگ چؤرِگی یهوداغا بِرْدی.

یهودا چؤرِگی آلانْدان سوُنگْرا، شیطان اوُنینگ ایچینه گیرْدی. اوُل عیسیٰنی توتْماغا کؤمِکْلِشْمِک اۆچین یهود یوُلباشچیلارْنینگ یانینا گیتْدی. بولارینگ هِمّهسی گیجه بوُلیبْدی.

شامْدان سوُنگ، عیسیٰ بیلِن شأگردْلِری زیتون داغینا گیتْدیلِر. عیسی آیتْدی: »شو گیجه همّه نگیز منی یِکه قویارْسینگیز. سِبأبی یازیلیبْدیر: »چوپانی اورارین و اَهْلی قوُیونْلار دارْغار. «

پترس دیدی: »هِر کیم سیزی تِرک اِتْسْده من بو ایشی اِتْمِرین. « عیسیٰ اوُنگا دیدی: »شیطان همّهنگیزی آلْماق ایسْلِیأر، یؤنه ایمانینگ آرادان گیتْمِز یالی سانگا دعا اِتْدیم. شِیْله هِم بوُلْسا شو گیجه خوُراز قیغیرْمانقا، اۆچ گِزِک مِنی تانایانْدیغینگی دأنِرْسینگ. «

پترس عیسیٰغا دیدی: »اؤلْسِمْده سیزدن دأنْمِرین. « باشغا شاگردلِرده شِیْ دیدیلِر.

سونگْرا عیسیٰ و شأگردلِری جتسیمانی باغینا گیتْدیلِر. عیسیٰ اوُلارا شیطانینگ آزدیرمازْلیغی اۆچین دعا اِتْمِگی آیتْدی. شِیْدیب اوُلاری تاشْلاب دعا اِتْمأگه خلوت یِره گیتْدی.

عیسیٰ اۆچ گِزِک شِیْله دعا اِتْدی: ای آتام، ممکن بوُلسا رخصت ادینگ بو عذاب جامْدان ایچمهیین. یؤنه انسانْلانگ گناه لرینی باغیشْلاماغینگ باشْغا یوُلی بوُلْماسا اوُندا قوُی سنینگ ارادهنگ بوُلْسین. « عیسٰیٰ شِیْله بیر پَریشان بوُلانی اۆچین دِرْلِری دامْجا قان یالیدی. خدای اوُنی دایانْدیرْماغا بیر فرشته ایبِرْدی.

عیسیٰ هر دعادان سوُنگْرا شاگردلِرینینگ یانینا قایْدیب گِلِرْدی، یؤنه اوُلاری اوقیدا گؤرِرْدی. اۆچینْجی گِزِک قایْدیب گِلِنْده، آیتْدی: »تورینگ دؤنیک شأگرد شو یِرْده. «

یهودا، یهود یُوُلْباشْچی لار سربازْلار و کؤپ آدٰم بیلِن گِلْدی. اوُلارینگ قیلیچ و تایاقْلاری بارْدی. یهودا عیسیٰنینگ یانینا گِلیب: »سلام استاد« دییب اوُنی اوُغْشادی. بو عیسیٰنی یهود یوُلْباشْچیلاری توتْماق اۆچین تانیتْماغا بیر نِشانْدی. عیسیٰ اوُنگا دیدی: »یهودا، منی اوُغْشاماق بیلِن دؤنیکْلیک اِدْیأرْسینگمی؟ «

سربازلار عیسیٰنی توتانْلارینْدا، پترس قیلیجینی آلیب باش روحانینگ خدمتکارینینگ قولاغینی، کِسْدی. عیسیٰ اوُنگا آیتْدی. »قیلیجینگی قوُی. آتامْدان مانگا کمک اِتْمأگه فرشتهلِر قوُشینینی ایبِرمِگینی ایسْألب بیلِرین. یؤنه من آتامْدان اطاعت اِتْمِلی. « سوُنگرا عیسیٰ اوُل آدٰمینگ قولاغینی شفا بِرْدی و شاگردْلِرینگ همّه سی قاچْدی.