37. عیسیٰنینگ ایلْعازَری دیرِلْدیشی

ایلعازَر آدْلی بیر آدٰم بارْدی، اوُل و ایکی قیز دوُغانی مریم بیلِن مارتا عیسیٰنینگ قاوی گؤریشْیأن دوُستْلارْیدی. بیر گۆن عیسیٰ ایلعازَرینگ قاتی سیرقاوْلانْدیغینی اِشیتْدی. عیسی بو خٰبٰری اِشیدیب دیدی: »بو کِسِل اوُنی اؤلْدیرْمِز بلکی اوُنْدا خداینگ بِیکْلیگی و شوکتی باشْغالارا عیان بوُلار. «

عیسیٰ اوُلاری سؤیْسِده یِنه ایکی گۆن بوُلْیان یِرینْده قالْدی. شوُل ایکی گۆنْدِن سوُنگ عیسیٰ شأگردلِرینه دیدی: »گِلینگ یهودیه قایْدایْلی. « یؤنه شأگردْلِری دیدیلِر: »بیر نأچه گۆن اوُزال یهودیهلیلِر سِنی اؤلْدیرْجِک بوُلْدیلار! « عیسیٰ جوُغاب بِرْدی: »ایلعازَر دوُستیمیز اوقْلاب یاتیر من حؤکمأن اوُنی اوُیارْمالی. «

عیسٰنینگ شأگردلِری دیدیلِر: »ای خدایم، اگر یاتان بوُلسا ساغالار. « شوُنْدا عیسیٰ آچیق آیتْدی: ایلعازَر اؤلیبْدیر. سیزینگ مانگا ایمان گتیرِر یالی اوُل یِرْده دألْدیگیمه بِگِنیأن. «

عیسی ایلعازَرینگ یاشایان شهرینه یِتِنْده ایلغازَرینگ اؤلِیمینْدِن دؤرت گؤن گِچیبْدی. مِرتا عیسیٰ نینگ اؤنگینْدِن چیقْیب دیدی: »سروریم سِن شو یِرده بوُلْسادئنگ دوُغانیم اؤلْمِرْدی. یؤنه سنینگ خُدایدان نأمه ایسْلِسنگ بِرْجِکْدیگینه اینانْیارین. «

عیسیٰ جوُغاب بِرْدی: »مِن دیرِلیش و یاشایشْدیرین. کیم مانگا اینانْسا اؤلْسهده دیرِلِر. کیم مانگا ایمان گتیرْسه آصلا اؤلْمِز. مِنینگ آیْدانْلاریما ایمانینگ بارْمی؟ « مرتا جوُغاب بِرْدی: »هاوا استاد من سن خداینگ اوُغلی مسیحدیگینگه ایمانیم بار. «

سوُنگ مریم عیسیٰنینگ یانینا گِلیب اوُنینگ آیاغینا یقیلْیب دیدی: »سروریم بو یِرده بوُلْسادینگ دوغانیم اؤلْمِرْدی. « عیسیٰ اوُلارْدان سوُرادی: »اوُنی نیرِده گؤمْدینگیز؟ « اوُلار آیتْدی: »بیر مٰزاردا، گِلینگ گؤرینگ. « شوُنْدا عیسیٰ آغْلادی.

ایلعازَرینگ قبری آغْزینْدا اولی داش قوُیْلان قوُواقْدی. عیسی قبره یِتِنْده اوُلارا آیتْدی: »داشی بیر قاپْدالا چِکینگ! « یؤنه مرتا دیدی: »اؤلیمینْدِن دؤرت گۆن گِچْدی. اینْدی بِدِنی ایسْلانانْدیر. «

عیسی آیتْدی: »مانگا ایمان گِتیرْسِنگ خداینگ قدرتینی گؤرِرْسینگ دیمِدیمْمی؟ « شِیْدیب اوُلار داشی بیر قاپدالا چِکْدیلِر.

شوُنْدا عیسیٰ آسْمانا باقیب آیتْدی: »آتا، مِنی دینگْألنینگ اۆچین شکر اِدْیأرین. هِمیشه دینگْلهیأنینگی هِم بیلیأن، یؤنه مونی شوتایْداقی آٰدامْلانگ خاطیری اۆچین آیتْدیم، تا مِنی سِنینگ ایبِرِنْدیگنگه ایمان گِترسینْلِر. « سوُنگ قاتی سس بیلِن آیتْدی: »ایلْعازر داشارْ چیق! «

ایلعازَر، انْدامی کِفِنه دوُلانان یاغْدایدا، قبرْدان چیقْدی. عیسی اوُلارا آیتْدی: »یؤرأر یالی اوُنی آچینگ. « بو معجزهنی گؤریب کؤپْلِرچه یهودی، عیسیٰ ایمان گِتیرْدیلِر.

یؤنه یهودینگ دینی یؤل باشْچیلاری گؤریپْلیک اِتْدیلِر. شِیْدیب عیسیٰ بیلِن ایلعازَری اؤلْدیرمِک اۆچین نقشه چِکمأگه بیر یانگا اۆیْشدیلر.