36. مسیحینگ یۆزینینگ اۆیتْگِمِگی

بیر گۆن عیسی شاگردلِرینْدن اۆچیسینی پترس، یعقوب و یوحنانی آلیب بیلهلیکْده دعا اِتْمِک اۆچین داغینگ دِپهسینه چیقارْدی.)عیسینی تعمید بِرِن یوحنا باشْغا بیری.(

دعا وٰقْتی عیسینینگ یۆزی گۆنش یالی یاغْتالْدی. کؤیْنِگی نور یالی آغارْدی. اوُنینگ آقْلیغی یالی یِر یۆزینْده یوُقْدی.

شوُنْدا موسی بیلِن ایلیا نِبی گؤرینْدی. بو آدٰمْلار بو واقعهدن یۆزْلِرچه ییل اوُزال یِرینگ یۆزینْده یاشارْدیلار. اوُلار عیسی بیلِن اورشلیمده باسیم یۆزه چیقْجاق اؤلیمی باردا گۆرلِشْدیلِر.

موسی و ایلیا عیسی بیلِن گۆرلِشِیب دورْقالار، پترس عیسی دیدی: »بو یِرده بوُلانیمیز نأهیلی قاوی، اجازه بِرینگ اۆچ سانی سایبان دیکهین، بیری سانگا، بیری موسیٰ و بیری هم ایلیا اۆچین. « پترس نأمه دییأندیگینی بیلمِیأردی.

پترسینگ سؤزی قوتارْمانقا پارْلاق بولوت اینیب اولاری دوُلاب آلْدی، اوُنینگ ایچینْدِن بیر سِس گِلْدی: »بو مِنینگ بویْسانچْلی عزیز اوُغْلیم. سؤزْلِرینه قولاق آسینگ. « اۆچ شاگرد قوُرقیدان یِره یقیلْدی.

عیسی اِلْلِرینی اوُلارینگاۆسْتینْده قوُیب آیتْدی: »تورینگ قوُرقْمانگ. « داش تؤوِرِگینه گؤز آیْلاشیب عیسیدان باشغا هیچ کیمی گؤرْمِدیلِر.

عیسی بیلِن اۆچ شاگردی داغْدان دۆشدیلِر. شوُنْدا عیسیٰ اوُلارا آیتدْی: »گؤرِنْلِرنگیری هیچ کیمه آیدمانگ. من باسیم اؤلِرین و ینه دیرِلِرین. شوُنْدان سوُنگ باشْغالارا نأمه گؤرِنینگیزی آیدیب بیلِرسینگیز. «