35. رحمْلی آتا حکایه سی

بیر گۆن عیسی دینگلِمأگه داشینا اۆیشنْ کؤپ آدٰمْلارا تعلیم بِریأرْدی. اوُلارینگ کؤپْسی باسْماجیلار و عیسیٰنینگ شریعتینه بوُیون بوُلاسی گِلْمِیأن آدٰمْلاردی.

یؤنه اوُل یِرْدأکی دینی یوُلْباشْچیلار عیسینینگ گناهکارلِر بیلِن یاقین دوُست یالی بوُلْشینی گؤرْدیلِر. شِیْدیب بیری بیرینه عیسیٰنینگ ایشی یالنگیش دیشدیلِر. عیسیٰ اوُلارینگ سؤزْلِرینی اِشیدیب بو داسْتانی اوُلارا گۆررۆنگ بِرْدی.

»ایکی اوُغلی بوُلان بیر آدٰم بارْدی. بیر گۆن کیچی اوُغول آتاسینا دیدی: »آتا مانگا میراثْدان یِتِنیم گِرِک! « شوُنینگ اۆچین آتاسی اوُنگا بایْلیغینْدان یِتْیأن پاینی بِرْدی. «

کأن وٰقت گِچْمأنْکأ کیچی اوُغْلی بار زادینی ییغناب اوزاق بیر یورْدا گیتدی اوُل یِرده بار بایْلیغینی گناهلی یاشاب یِله ساویرْدی.

ایز یانینْدان اوُغْلانینگ بوُلیان یِرینه آچْلیق دۆشْدی. اوُنینگ ایمیت ساتین آلماغا پولی یوُقْدی. شوُنینگ اۆچین چأرهسیز اِلینْدِن گِلیأن یِکِجه ایشی دوُنگیز باقْماغا مشغول بوُلْدی. شِیْله بیر اجیز و آچْدی دوُنگیزلارینگ ایمیتی بیلِن قارْنینی دوُیْرارْدی.

آخیر بیر گۆن کیچی اوغول اؤز اؤزینه دیدی: »من بو یِرْده نأمه ادیأرین؟ آتامینگ خدمتکأرْلِرینگ اییمأگه کؤپ اییمیتی بار، یؤنه من بو یِرده آچْلیقْدان اؤلیب بارْیارین. اونْدا آتامینگ یانینا قایْدیب اوُنْدان خدمتکأرلِرینینگ بیری بوُلْماغیمی ایسْألرین. «

شِیْدیب آتاسی اؤیۆنه قارشی یوُلا دۆشْدی. هازیر اؤیْه یِتْمأکأ آتاسی گؤریب اوُنگا رحمی اینْدی ایلغاب باریب اوُنی قوجاقْلاب اوُغْشادی.

اوُغول آتاسینا دیدی: »آتا من سیزه و خدایا قارْشی گناه اِتْدیم ایندی سیزینگ اوُغلینگیز بوُلماغا لایق دأل. «

یؤنه آتاسی خدمتکأرلِرینگ بیرینه دیدی: »ایلغانگ اؤیْدن اینگ قاوی اِشیگی گِتیریب اوُغْلیما گِیْدیرینگ. بارْماغینا یۆزیک آیاغینا کؤویش اِدینگ تُوی توتوب شادلیق اِتمأگه سِمیز گؤلهنی گِتیریب داماغینی چالینگ. سبأبی بو اوُغلیم اؤلیبْدی اینْدی بوُلْسا دیرِلْدی. یتیبْدی اینْدی بوُلسا تافیلْدی. «

شِیدیب اوُلار اولی توُی توتْدیلار. کؤپ وٰقت گِچْمأکأ اولی اوُغلی یِرینگ باشینْدان اؤیه قایْدیب گِلْدی، آیْدیم سازینگ سِسینی اِشیدیب نأمه بوُلانْنی بیلهسی گِلْدی.

اولی اوُغلی توُیونگ اینیسینینگ اؤیه قایْدیب گِلِنی اۆچیندیگینی بیلیب قهارْلانْدی و اؤیه گیرِسی گِلْمِدی. آتاسی داشاری چیقیب اوُنْدان اؤیه گِلیب توُیا قوشیلْماغینی ایسْلِدی، یؤنه اوُل آتانگ ایسْلِگیندِن یۆز اؤویرْدی.

اولی اوُغْلی آتاسینا دیدی: »کؤپلِرچه ییل وفادارلیق بیلن سانگا قولْلیق اِتْدیم! دییِن ایشینگ بیتیرْدیم، شوماتا چِنْلی دوُستلام بیلِن خوُشْلیق اِتْمأگه یِکِجه گِچی هِم بِرمِدینگ. بو اوُغلینگ سنینگ مالینگی گناهلی یوُلْلاردا خرج اِتدی اینْدی اؤیه قایْدیب گِلِنْده اوُنگا توُی توتماق اۆچین اینگ قاوی و سِمیز گؤله یقْدینگ. «

آتاسی دیدی: »اوُغْلیم، سِن هِمیشه مِنینگ یانیمْدا، بار زادیم سِنینگکی. یؤنه شومات اینگ قاوی ایش توُی توتیب شادْلیق اِتْمِک، سبأبی دوُغانینگ اؤلیبْدی دیرِلْدی. یتیبْدی تافیلْدی «